ປະກາດການຈັດຕັ້ງ ແລະ ມອບ-ຮັບ ໜ້າທີ່ຂອງອົງການໄອຍະການປະຊາຊົນແຂວງວຽງຈັນ

      ໃນວັນທີ17 ກໍລະກົດ 2020 ອົງການໄອຍະການປະຊາຊົນແຂວງວຽງຈັນໄດ້ຈັດພິທີປະກາດການຈັດຕັ້ງ ແລະມອບ-ຮັບໜ້າທີ່ລະຫວ່າງຜູ້ເກົ່າ ແລະ ຜູ້ໃຫມ່ເປັນກຽດເຂົ້າຮ່ວມໂດຍ ທ່ານ ຄໍາສານ ສຸວົງ ກຳມະການສູນກາງພັກ ຫົວໜ້າອົງການໄອຍະການປະຊາຊົນສູງສຸດ, ທ່ານ ຄຳພັນ ສິດທິດໍາພາ ກຳມະການສູນກາງພັກ ເລຂາພັກແຂວງ, ເຈົ້າແຂວງໆວຽງຈັນ, ມີຕາງໜ້າພະແນກການ, ອົງການ ແລະ ກົມກອງອ້ອມຂ້າງແຂວງເຂົ້າຮ່ວມ.

       ໃນພິທີໄດ້ຜ່ານຂໍ້ຕົກລົງ ທັງຫມົດ 07 ສະບັບ ຄືຂໍ້ຕົກລົງວ່າດ້ວຍການຍົກຍ້າຍ ແລະ ແຕ່ງຕັ້ງຫົວໜ້າໃນຂົງເຂດ ອົງການໄອຍະການ ໄດ້ແຕ່ງຕັ້ງ ທ່ານ ບຸນຄ້ຳ ທຳມະວົງ ຮອງຫົວຫນ້າອົງການໄອຍະການປະຊາຊົນແຂວງວຽງຈັນ ເປັນຜູ້ວ່າການ ຫົວໜ້າ ອົງການໄອຍະການປະຊາຊົນ ແຂວງວຽງຈັນ, ຍົກຍ້າຍ ທ່ານ ຂັນທະວີ ວິໄລສັກ ຫົວໜ້າ ອົງການໄອຍະການປະຊາຊົນ ແຂວງວຽງຈັນ ໄປຢູ່ອົງການໄອຍະການປະຊາຊົນພາກກາງ, ແຕ່ງຕັ້ງ ທ່ານ ພົນເທບ ແສງມະນີ ເປັນຮອງ ຫົວໜ້າ ອົງການໄອຍະການປະຊາຊົນ ແຂວງວຽງຈັນ, ຍົກຍ້າຍ ທ່ານ ສິລິພອນ ແກ້ວສຸວັນ ໄປເປັນຫົວໜ້າຂະແໜງຕິດຕາມກວດກາການດຳເນີນຄະດີອາຍາ ແລະ ຄະດີເດັກ ອົງການໄອຍະການປະຊາ ແຂວງ ວຽງຈັນ, ຍົກຍ້າຍ ແລະ ແຕ່ງຕັ້ງ ທ່ານ ຈໍານຽນ ວິສາຍຄໍາ ເປັນຮອງ ຫົວໜ້າ ອົງການໄອຍະການປະຊາຊົນ ແຂວງວຽງຈັນ ແລະ ຍົກຍ້າຍພະນັກງານອົງການໄອຍະການປະຊາຊົນ ເຂດ II ໄປປະຈຳ ເມືອງ ກາສີຈຳນວນ ສອງ ທ່ານ ຄື: ທ່ານ ບຸນເຮືອງ ພອນປະຊາສິດ ແລະ ທ່ານ ວຽງໄຊ ບົວລີວັນ.

       ທັງນີ້, ກໍເພື່ອເປັນການປະຕິບັດຕາມຂໍ້ຕົງລົງວາດ້ວຍການຍົກຍ້າຍ, ຊັບຊ້ອນພະນັກງານໃຫ້ມີຄວາມແທດ  ເໝາະ ແລະ ຖືກຕ້ອງຕາມວິຊາສະເພາະ ແລະ ໜ້າທີ່ວຽກງານໃຫ້ມີການຂະຫຍາຍຕົວຢ່າງຕໍ່ເນື່ອງ.

ນັກ​ຂ່າວ ອຍກ ແຂ​ວງວຽງ​ຈັນ

by:CLS

30/07/2020

ປະຕິທິນ

Aug-2020
S M T W T F S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ