ຖອດຖອນບົດຮຽນກ່ຽວກັບວຽກງານກົດໝາຍ ທີ່ ມະຫາວິທະຍາໄລ ກວາງຊີ ສປ ຈີນ

          ໂດຍປະຕິບັດຕາມແຜນການຮ່ວມມື ລະຫວ່າງ ອົງການໄອຍະການປະຊາຊົນສູງສຸດ ແຫ່ງ ສປປ ລາວ ແລະ ມະຫາວິທະຍາໄລ ກວາງຊີ ແຫ່ງ ສປ ຈີນ  ແລະ ໂດຍຕອບສະໜອງຕາມການເຊື້ອເຊີນຂອງ ທ່ານ ຫົວໜ້າຫ້ອງການພົວພັນຕ່າງປະເທດ ມະຫາວິທະຍາໄລ ກວາງຊີ ແຫ່ງ ສປ ຈີນ. ສະບັບລົງວັນທີ 09 ພະຈິກ 2017 ແລະ ປະຕິບັດຕາມຂໍ້ຕົກລົງຂອງຫົວໜ້າອົງການໄອຍະການປະຊາຊົົນສູງສຸດ ສະບັບເລກທີ 596/ອອປສ,ລົງວັນທີ່ 21 ພະຈິກ 20017 ວ່າດ້ວຍການອະນຸມັດໃຫ້ພະນັກງານໄອຍະການປະຊາຊົນ ແຫ່ງ ສປປ ລາວເຂົ້າຮວ່ມຝືກອົບຮົມກ່ຽວກັບກົດໝາຍ  ໃນລະຫວ່າງວັນທີ່ 02  ຫາ 16 ທັນວາ 2017 ທີ່ ມະຫາວິທະຍາໄລ ກວາງຊີ ແຫ່ງ ສປ ຈີນ.

         ອົງການໄອຍະການປະຊາຊົນສູງສຸດໄດ້ສົ່ງຄະນະຜູ້ແທນອົງການໄອຍະການປະຊາຊົນ ຈຳນວນ 15 ທ່ານ ເດີນທາງເຂົ້າຮ່ວມຊຸດຝຶກອົບຮົມ ກ່ຽວກັບກົດໝາຍ ທີ່ ມະຫາວິທະຍາໄລ ກວາງຊີ ແຫ່ງ ສປ ຈີນ ໃນວັນທີ 02 ທັນວາ 2017 ສຳລັບປີ 2017 ນີ້ ແມ່ນເປັນຊຸດທີ່ 1 ທີ່ ມະຫາວິທະຍາໄລ ກວາງຊີ ໄດ້ຈັດຊຸດຝຶກອົບຮົມນີ້ໃຫ້ແກ່ ຄະນະຜູ້ແທນອົງການໄອຍະການປະຊາຊົນ ແຫ່ງ ສປປ ລາວ. ພາຍຫຼັງທີ່ຄະນະເດີນທາງຮອດ ສປ ຈີນ  ຄະນະໄດ້ເຂົ້າຮ່ວມງານລ້ຽງຕ້ອນຮັບໂດຍ ທ່ານ ຮອງ ອະທິບໍດີຄະນະກົດໝາຍ ເປັນເຈົ້າພາບ. ວັນທີ 04 ທັນວາ 2017 ຄະນະກົດໝາຍ ມະຫາວິທະຍາໄລ ໄດ້ຈັດພິທີເປີດຊຸດຝຶກອົບຮົມກ່ຽວກັບກົດໝາຍໃຫ້ແກ່ຄະນະຜູ້ແທນອົງການໄອຍະການປະຊາຊົນ ແຫ່ງ ສປປ ລາວ. ພາຍໃຕ້ການເຂົ້າຮ່ວມເປັນປະທານຂອງ ທ່ານ ຮສ ຟານຈູຈູນ ຮອງອະທິບໍດີ, ພ້ອມດ້ວຍ ຫົວໜ້າພະແນກຄຸ້ມຄອງນັກສຶກສາຕ່າງປະເທດ, ຫົວໜ້າພະແນກພົວພັນຕ່າງປະເທດ ແລະ ຄະນະຮັບຜິດຊອບ ຂອງມະຫາວິທະຍາໄລ ກວາງຊີ ເຂົ້າຮ່ວມຢ່າງພ້ອມພຽງ.

*ຜົນສຳເລັດໃນການເຂົ້າຮ່ວມຝຶກອົບຮົມ ມີຈຳນວນ 09 ຫົວຂໍ້ ແລະ ແລກປ່ຽນບົດຮຽນຕົວຈິງຈຳນວນ 08 ຄັ້ງ ຄືດັ່ງນີ້:

  1. ລັກສະນະແບບພິເສດຂອງປະມວນກົດໝາຍອາຍາ ສປ ຈີນ;
  2. ການກວດກາອົງການປັບປຸງກົດໝາຍອາຍາລັກສະນະແບບພິເສດຂອງ ສປ ຈີນ;
  3. ການກວດກາອົງການສືບສວນ-ສອບສວນລັກສະນະແບບພິເສດຂອງ ສປ ຈີນ;
  4. ຂະບວນການຕ້ານ ແລະ ສະກັດກັ້ນອາຊະຍາກຳແບບລັກສະນະພິເສດຂອງ ສປ ຈີນ;
  5. ການກວດກາການຕ້ານການສໍ້ລາດບັງຫຼວງຂອງພະນັກງານລັດໃນລັກສະນະພິເສດຂອງ ສປ ຈີນ;
  6. ປະມວນກົດໝາຍແພ່ງແບບລັກສະນະພິເສດຂອງ ສປ ຈີນ;
  7. ອົງການທີ່ມີສິດໃນການດຳເນີນຄະດີອາຍາຂອງ ສປ ຈີນ;
  8. ລັດຖະທຳມະນູນຂອງ ສປ ຈີນ;
  9. ວຽກງານສະພາທະນາຍຄວາມແບບລັກສະນະພິເສດຂອງ ສປ ຈີນ.

         ການຝຶກອົບຮົມອາຈານໄດ້ຂື້ນຫ້ອງສະເໜີເອກະສານ ແລະ ບັນລະຍາຍເອກະສານແຕ່ລະຫົວຂໍ້ໂດຍພື້ນຖານ ແລະ ສະເໜີເນື້ອໃນກ່ຽວກັບລະບົບກົດໝາຍ ຂອງ ສປ ຈີນ, ການປັບປຸງລະບົບກົດໝາຍໃຫ້ສອດຄ່ອງກັບສະພາບການຂະຫຍາຍຕົວທາງດ້ານເສດຖະກິດ ແລະ ສັງຄົມຂອງປະເທດພ້ອມກັນນັ້ນກໍ່ໄດ້ຍົກໃຫ້ເຫັນລະບົບ, ໂຄງຮ່າງການຈັດຕັ້ງຂອງແຕ່ລະອົງການ ໂດຍສະເພາະແມ່ນ ອົງການດຳ ເນີນຄະດີ ເຊັ່ນ: ​ອົງການສືບສວນ-ສອບສວນ, ອົງການໄອຍະການ ແລະ ສານ.

          ນອກຈາກໄດ້ຮັບຟັງການບັນຍາຍເອກະສານຂອງອາຈານຢູ່ໂຮງຮຽນພາຍໃນຫ້ອງ, ທາງຄະນະຮັບຜິດ ຊອບ ຂອງໂຮງຮຽນຍັງໄດ້ສ້າງເງື່ອນໄຂນຳພານັກຝຶກອົບຮົມຖອດຖອນບົດຮຽນຕົວຈິງຢູ່ ອົງການໄອຍະການປະຊາຊົນແຂວງ ກວາງຊີ, ສະຖາບັນໄອຍະການ,​ ສະຖາບັນຊ່ວຍເຫຼືອທາງດ້ານກົດໝາຍ, ສູນຄົ້ນຄວ້າເສດຖະກິດ ຈີນ-ອາຊຽນ ແລະ ສະພາທະນາຍຄວາມ ຖົງຫວາ່ງ.

          ວັນທີ 15 ທັນວາ 2017 ມະຫາວິທະຍາໄລກວາງຊີ ໄດ້ຈັດພິທິປິດຊຸດຝຶກອົບຮົມ ແລະ ມອບໃບຢັ້ງຢືນ ໃຫ້ແກ່ຄະນະຜູ້ແທນ ອົງການໄອຍະການປະຊາຊົນ ແຫ່ງ ສປປ ລາວ ຢ່າງສົມກຽດ ແລະ ເຕັມໄປດ້ວຍໄມຕີຈິດມິດຕະພາບອັນດູູດດື່ມ. ໃນພິທີດັ່ງກ່າວນັ້ນເປັນກຽດເຂົ້າຮ່ວມໂດຍ ທ່ານ ເສົ້າຢຢືຢູ ອຳນວຍການມະຫາວິທະຍາໄລ ກວາງຊີ ພ້ອມດ້ວຍ ຫົວໜ້າພະແນກຄຸ້ມຄອງນັກສຶກສາຕ່າງປະເທດ, ຫົວໜ້າພະແນກພົວພັນຕ່າງປະເທດ ແລະ ຄະນະຮັບຜິດຊອບຂອງມະຫາວິທະຍາໄລ ກວາງຊີ ເຂົ້າຮ່ວມຢ່າງພ້ອມພຽງ.

          ການຝຶກອົບຮົມໃນຄັ້ງນີ້ໄດ້ເຮັດໃຫ້ພະນັກງານອົງການໄອຍະການປະຊາຊົນ ແຫ່ງ ສປປ ລາວ ໄດ້ ຍົກລະດັບທາງດ້ານຄວາມຮູ້ທາງດ້າ່ນວິຊາສະເພາະໄດ້ເປັນຢ່າງດີທັງດ້ານທິດສະດີ ແລະ ຕົວຈິງ. ເປັນການເພີ້ມພູນຄູນສ້າງ ແລະ ເປັນການປະກອບສ່ວນເຂົ້າໃນການເພີ້ມທະວີສາຍພົວພັນຮ່ວມມືມິດຕະພາບ ລະຫວ່າງ ລາວ - ຈີນ ເວົ້າລວມ ແລະ ລະຫວ່າງ ອົງການໄອຍະການປະຊາຊົນ ແຫ່ງ ສປປ ລາວ ແລະ ມະຫາວິທະຍາໄລ ກວາງຊີ  ໃຫ້ນັບມື້ແໜ້ນແຟ້ນ ແລະ ເຂົ້າສູ່ລວງເລິກ ເວົ້າສະເພາະ.​

by:anousack

29/12/2017

ປະຕິທິນ

Jul-2018
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ