ສະເຫຼີມສະຫຼອງວັນສ້າງຕັ້ງອົງການໄອຍະການປະຊາຊົນສູງສຸດ

      ໃນຕອນເຊົ້າຂອງວັນທີ 8 ມັງກອນ 2018; ທີ່ ອົງການໄອຍະການປະຊາຊົນສູງສຸດ ໄດ້ປາຖະກາຖາວັນສ້າງຕັ້ງໄອຍະການປະຊາຊົນ ຄົບຮອບ 28 ປີ (9 ມັງກອນ 1990 ຫາ 9 ມັງກອນ 2018). ໂດຍເປັນທານຂອງ ທ່ານ ຜາຍ ອຸລາ ອະດີດ ອະທິໄອຍະການອາວຸໂສ ພະນັກງານບຳນານ ແລະ ມີຄະນະພັກ ຄະນະນໍາອົງການໄອຍະການປະຊາຊົນສູງສຸດ, ຄະນະນຳຫ້ອງການ, ບັນດາທ່ານຄະນະນຳກົມ, ສະຖາ ບັນຄົ້ນຄວ້າຝຶກອົບຮົມໄອຍະການ, ຄະນະອົງການໄອຍະ ການປະຊາຊົນພາກກາງ, ບັນດາທ່ານຄະນະກົມ ແລະ ພະນັກງານລັດຖະກອນທັງ ໝົດ 150 ຄົນ.

       

   ການປາຖະກະຖາໃນການຄັ້ງນີ້ແມ່ນໄດ້ເຊື່ອມຊິມທາດແທ້ ແລະ ມູນເຊື້ອຂອງອົງການໄອຍະການປະຊາຊົນ ຊຶ່ງໄດ້ສະແດງອອກ ທັດສະນະຫຼັກ ໝັ້ນຊົນຊັ້ນ ແລະ ຄວາມຈົ່ງຮັກພັກດີຕໍ່ພັກ, ຕໍ່ປະຊາຊົນ ແລະ ອຸດົມການສັງຄົມນິຍົມຢ່າງໜັກແໜ້ນ ແລະ ສະເໜີຕົ້ນສະ ປາຍ, ປະຕິບັດໜ້ທີ່ດ້ວຍ ຄວາມຕຶ່ນຕົວ ແລະ ຄວາມຮັບຜິດຊອບສູງ. ຊື່ສັດບໍລິສຸດ ແລະ ຍຸຕິທຳ, ເວລາໃດກໍຮັບໃຊ້ປະຊາຊົນ ໂດຍປະຊາ ຊົນ ແລະ ເພື່ອຜົນປະໂຫຍດຂອງປະ ຊາຊົນ. ຮັກສາແລະເສີມຂະຫຍາຍທາດແທ້ຈັນຍາບັນນັກກົດໝາຍ, ການປະຕິບັດໜ້າທີ່ຕາມລັດຖະ ທຳມະນູນ ແລະ ກົດໝາຍຢຶດໝັ້ນຫຼັກການຮອບ ດ້ານ, ຄົບຖ້ວນ ແລະ ພາວະວິໄສ. ນອກຈາກນັ້ນແລ້ວກໍຍັງມີມູນເຊື້ອ ຈົ່ງຮັກພັກດີຕໍ່ ພັກ, ຕໍ່ປະເທດຊາດ ແລະ ປະຊາຊົນ, ຝຶກຝົນຫຼໍ່ຫຼອມ ແລະ ພັດ ທະນາຕົນເອງນັບມື້ນັບເຕີບໃຫຍ່ຂະຫຍາຍຕົວເປັນກ້າວໆ, ມີລະບຽບ ແບບແຜນ ແລະ ວິທີເຮັດວຽກຕົວຈິງ, ຮອບດ້ານ, ຄົບຖ້ວນ ແລະ ພາວະວິໄສ, ມີຄວາມສາມັກຄີເປັນເອກະພາບພາຍໃນ ແລະ ສາມັກ ຄີກັບປະຊາຊົນບັນດາເຜົ່າ, ຮັບໃຊ້ປະຊາຊົນຢ່າງຈິງໃຈ ແລະ ທ່ຽງທໍາ, ມີການພົວພັນຮ່ວມມືກັບ ຕ່າງປະເທດ ເວົ້າລວມ, ເວົ້າສະເພາະແມ່ນ ປະເທດເພື່ອນຍຸດທະສາດ ຄື​: ອົງການໄອຍະການປະຊາຊົນ ແຫ່ງ ສາທາລະນະລັດ ສັງຄົມນິຍົມຫວຽດນາມ ແລະ ສາທາລະນະລັດ ປະຊາຊົນ ຈີນ ກໍຄືບັນດາປະເທດໃກ້ຄຽງ ແລະ ອົງການຈັດຕັ້ງສາກົນ. ພາລະບົດບາດ, ສິດ, ໜ້າທີ່ລວມຂອງອົງການໄອຍະການ ປະຊາຊົນ ມາດຕາ 9 ຂອງກົດໝາຍວ່າດ້ວຍອົງການໄອຍະການປະຊາຊົນໄດ້ກຳນົດທີີ່ຕັ້ງ ແລະ ພາລະບົດບາດ ຄື: ອົງການໄອຍະການປະຊາຊົນແມ່ນອົງ ການຕິດ ຕາມກວດກາຂອງລັດ, ມີພາລະບົດບາດຕິດຕາມ ແລະ ກວດກາການເຄົາລົບ ແລະ ປະຕິບັດກົດໝາຍຂອງບັນດາກະຊວງ, ອົງການລັດ ທຽບ ເທົ່າກະຊວງ, ແນວລາວສ້າງຊາດ, ອົງການຈັດຕັ້ງມະຫາຊົນ, ອົງການປົກຄອງທ້ອງຖິິ່ນ, ວິສາຫະກິດ, ພົນລະເມືອງ ເພື່ອໃຫ້ມີຄວາມ ຖືກຕ້ອງ, ເປັນ ເອກະພາບ ແລະ ສັ່ງຟ້ອງຂຶ້ນສານຕາມກົດໝາຍ ແລະ ມາດຕາ 10 ໄດ້ກຳນົດສິດ ແລະ ໜ້າທີ່ໃນການຕິດຕາມກວດກາ ແລະ ການເຄົາລົບ ແລະ ປະ ຕິບັດກົດໝາຍ ໃຫ້ຖືກຕ້ອງ ແລະ ເປັນເອກະພາບຂອງບັນດາກະຊວງ, ອົງການລັດທຽບເທົ່າກະຊວງ, ແນວ ລາວສ້າງຊາດ, ອົງການຈັດຕັ້ງມະຫາຊົນ, ອົງການຈັດຕັ້ງສັງຄົມ, ອົງການປົກຄອງຖິ່ນທ້ອງ, ວິສາຫະກິດ ແລະ ພົນລະເມືອງ.

 

ເອີ້ນວ່າ ການຕິດຕາມກວດາທົ່ວໄປ; ຕິດຕາມກວດກາການປະຕິບັດກົດໝາຍຂອງອົງການສືບສວນ-ສອບສວນ; ດຳເນີນການສືບສວນ-ສອບ ສວນຄະ ດີໃດໜຶ່ງ ເປັນທັງໝົດ ຫຼື ບາງສ່ວນຕາມທີ່ໄດ້ກຳນົດໄວ້ໃນກົດໝາຍ; ສັງຟ້ອງຜູ້ຖືກຫາຂຶ້ນສານ; ຕິດຕາມກວດກາການປະຕິບັດ ກົດໝາຍໃນການດຳ ເນີນຄະດີຢູ່ສານ; ຕິດຕາມກວດກາການປະຕິບັດຄຳສັ່ງ, ຄໍາຊີ້ຂາດ, ຄໍາຕັດສິນ, ຄໍາພິພາກສາຂອງສານທີ່ໃຊ້ໄດ້ເດັດ ຂາດແລ້ວ; ຕິດຕາມ ກວດກາ ການປະຕິບັດກົດໝາຍໃນສະຖານທີ່ກັກຕົວ, ສະຖານທີ່ກັກຂັງ, ສູນດັດສ້າງ, ຄ້າຍດັດສ້າງ ແລະ ສະຖານ ທີ່ ທີ່ປະຕິບັດມາດຕະການບັງຄັບອື່ນໆຂອງ ສານ; ຕິດຕາມກວດກາຄົ້ນຄວ້າ, ສະເໜີ ແລະ ການຈັດຕັ້ງປະຕິບັດການໃຫ້ອະ ໄພຍະໂທດ ຕາມລັດຖະດຳລັດຂອງປະທານປະເທດ; ປະສານສົມທົບກັບ ອົງການສືບສວນ-ສອບສວນ ແລະ ອົງການອື່ນໆທີ່ກ່ຽວຂ້ອງດຳເນີນການສະ ກັດກັ້ນ, ຕ້ານອາຊະຍາກຳ ຫລື ການກະທຳຜິດ ແລະ ການລະເມີດກົດ ໝາຍ ອື່ນ ພ້ອມທັງລົບລ້າງບັນຫາສາເຫດ ແລະ ເງື່ອນໄຂທີ່ພາ ໃຫ້ກະທຳຜິດເກີດຂຶ້ນ; ຮື້ຟື້ນຄະດີຕາມກົດໝາຍໃນກໍລະນີ ມີ ຫລັກຖານໃຫມ່, ນຳໃຊ້ ສິດ ແລະ ປະຕິບັດໜ້າທີ່ອື່ນຕາມກົດໝາຍໄດ້ກຳ ນົດໄວ້.

 

      ໃນການເຕີບໃຫຍ່ຂະຫຍາຍຕົວຂອງອົງການໄອຍະການປະຊາຊົນ ໄດ້ຜ່ານ 3 ໄລຍະ ຄື: 1990 ຫາ 2003 ປະຕິບັດພາລະບົດບາດ ສິດ ແລະ ໜ້າ ທີ່ພາຍໃຕ້ກົດໝາຍອົງການໄອຍະການປະຊາຊົນ ສະບັບທໍາອິດ, 2003 ຫາ 2009 ປະຕິບັດພາລະບົດບາດ ພາຍໃຕ້ກົດໝາຍອົງການໄອຍະການ ປະຊາ ຊົນ ສະບັບປັບປຸງ 2003, 2009 ຫາ 2017 ກົດໝາຍວ່າດ້ວຍອົງການໄອຍະການປະຊາຊົນ ສະບັບເລກທີ 21 ພຶດສະພາ 2017 ໄດ້ຮັບຮອງໃນກອງ ປະຊຸມສະໄໝສາມັນເທື່ອ 3 ຂອງສະພາແຫ່ງຊາດ ຊຸດທີ VIII.

by:sengphachan

08/01/2018

ປະຕິທິນ

Dec-2018
S M T W T F S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ