ຝຶກອົບຮົມ Microsoft Excel 2010

     ໂດຍອີງຕາມຂໍ້ຕົກລົງຂອງທ່ານອົງການໄອຍະການປະຊາຊົນສູງສຸດ ສະບັບເລກທີ 020/ອອປສ, ວັນທີິ 12 ມັງກອນ 2018. ໃນຕອນເຊົ້າຂອງ ວັນທີ 16 ມັງກອນ ຫາ 1 ມີ 2018 ທີ່ ຫ້ອງການອົງການໄອຍະການປະຊາຊົນສູງສຸດ, ພະແນກເຕັກນິກຂໍ້ມູນ ແລະ ຂ່າວສານ ໄດ້ເປີດຊຸດຝຶກອົບຮົມໄລຍະ 7 ອາທິດ, ໜຶ່ງທິດຮຽນສອງມື້, ມື້ໜຶ່ງ 2 ຊົ່ວໂມງ, ວັນອັງຄານ ແລະ ວັນພະຫັດ ເວລາ 9:00 ໂມງ ຫາ 11:00 ໂມງ ໃຫ້ແກ່ພະນັກງານລັດຖະກອນພາຍໃນອົງການໄອຍະການປະຊາຊົນສູງສຸດ ລວມມີ 12 ທ່ານເຂົ້າຮ່ວມ.

ໃຫ້ສາມາດນໍາໃຊ້ຫລັກການ ແລະ ຖືກຫລັກວິຊາສະ ເພາະຂອງວຽກງານໄອທີ ເວົ້າລວມ, ການນຳໃຊ້ລະບົບຄອມພິວເຕີ ເວົ້າສະເພາະ, ການເປັນຄູຝຶກໃນການຝຶກອົບຮົມຄັ້ງນີ້, ໂດຍ ທ່ານ ປອ ຢອນໂຮລີ, ທີ່ປຶກສາ ຊ່ຽວຊານ ຈາກມູນນິທິຄົ້ນຄວ້າແຫ່ງຊາດ ສາທາລະນະລັດເກົາຫລີ ທີ່ເຮັດວຽກຮ່ວມກັບຫ້ອງການອົງການໄອຍະການປະຊາຊົນສູງສຸດ, ພະແນກເຕັກນິກຂໍ້ມູນ ແລະ ຂ່າວສານ. ໃນນັ້ນຈະເນັ້ນໃສ່ວິຊາການຜູ້ທີ່ມີຄວາມຮູ້ ຄວາມສາມາດ ແລະ ປະສົບການທາງດ້ານ ການນຳໃຊ້ຂັ້ນພື້ນຖານໄມໂກຊ໋ອບເອັກເຊວ  Microsoft Excel 2010.

ເນື່ອງຈາກວ່າບົດຮຽນດັ່ງກ່າວແມ່ນມີຄວາມສຳຄັນ ແລະ ທັງເປັນປະໂຫຍດໃນການໃຊ້ເຂົ້າສູ່ວຽກງານຕົວຈິງ ແລະ ຜັນຂະຫຍາຍໃນຕໍ່ໜ້າ. ຜູ້ເຂົ້າຮ່ວມມີບັນດາວິຊາການຂອງກົມວິຊາການ ແລະ ຫ້ອງການ. ນອກນັ້ນກໍເປັນການຜັນຂະຫຍາຍແຜນງານແລະໂຄງການທີ່ພົວພັນກັບວຽກງານຂອງຫ້ອງການສະເພາະ.

ໃນການຝຶກອົບຮົມໃນຄັ້ງນີ້ ໄດ້ມີການປະສານງານລະຫວ່າງຫ້ອງການອົງການໄອຍະການປະຊາຊົນສູງສຸດ ແລະ ທີ່ປຶກສາໄອທີ ຊ່ຽວຊານ ມູນນິທິຄົ້ນຄວ້າແຫ່ງຊາດ ສາທາລະນະລັດເກົາຫລີ ເພື່ອຈັດລຽງຮູບແບບບົດຮຽນຂຶ້ນສອນເພື່ອໃຫ້ເໝາະສົມກັບການນຳໃຊ້ເຂົ້າສູ່ວຽກງານຂອງແຕ່ລະຂະແໜງການທີ່ກ່ຽວຂ້ອງໃຫ້ມີປະສິດທິຜົນນອກຈາກນັ້ນແລ້ວວຽກງານດັ່ງກ່າວກໍເປັນວຽກງານໜຶ່ງທີ່ຕິດພັນກັບທຸກໆຂະແໜງການທີ່ກ່ຽວຂ້ອງເພື່ອມີການພັດທະນາປັບປຸງຍົກລະດັບຄວາມຮູ້ຄວາມສາມາດຂອງພະນັກງານໃຫ້ມີຄວາມກ້າວໜ້າ. 

by:sack

17/01/2018

ປະຕິທິນ

Aug-2018
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ