ກອງປະຊຸມກຳນົດພະນັກງານນຳພາ-ຄຸ້ມຄອງ ຂັ້ນສູນກາງຄຸ້ມຄອງຂອງ ອອປສ ແລະ ອຍກ ພາກ

          ອົງການໄອຍະການປະຊາຊົນສູງສຸດໄດ້ຈັດກອງປະຊຸມແຜນກໍານົດພະນັກງານນໍາພາ-ຄຸ້ມຄອງ ຂັ້ນສູນກາງຄຸ້ມຄອງ ຂອງ ອົງການໄອຍະການປະຊາຊົນສູງສຸດ ແລະ ອົງການໄອຍະການປະຊາຊົນພາກ ຂື້ນໃນລະຫວ່າງ ວັນທີ  12-16 ກຸມພາ 2018. ໂດຍພາຍໃຕ້ການເປັນປະທານຂອງ ທ່ານ ຄໍາສານ ສຸວົງ ກໍາມະການສູນກາງພັກ,ເລຂາຄະນະພັກ,ຫົວໜ້າອົງການໄອຍະການປະຊາຊົນສູງສຸດ, ໃຫ້ກຽດເຂົ້າຮ່ວມມີ ຄະນະຈັດຕັ້ງສູນກາງພັກ,ຄະນະພັກ,ຄະນະນຳອົງການໄອຍະການປະຊາຊົນສູງສຸດ,ມີບັນດາຫົວໜ້າອົງການໄອຍະການປະຊາຊົນພາກ,ຫົວໜ້າກົມ,ຫົວໜ້າຫ້ອງການ,ຫົວໜ້າສະຖາບັນຄົ້ນຄວ້າ ແລະ ຝືກອົບຮົມວຽກງານໄອຍະການ, ພ້ອມດ້ວຍພະນັກງານທັງໜົດ ຈຳນວນ 200 ກວ່າທ່ານ.

      ກອງປະຊຸມໄດ້ເຜີຍແຜ່ມະຕິ ເລກທີ 032/ກມສພ. ຂອງກົມການເມືອງສູນກາງພັກ ແລະ ມະຕິ ເລກທີ 030/ກມສພ. ວ່າດ້ວຍມາດຕະຖານພະນັກງານນໍາພາ-ຄຸ້ມຄອງ, ຕຳແໜ່ງບໍລິຫານຂອງລັດຖະກອນອົງການໄອຍະການປະຊາຊົນ. ການສ້າງແຜນກໍານົດພະນັກງານແມ່ນການກະກຽມບຸກຄະລະກອນໃນລັກສະນະເປີດກວ້າງເລືອກເຟັ້ນພະນັກງານນໍາພາ-ຄຸ້ມຄອງຕອບສະໜອງດ້ານຈໍານວນ,ຄຸນນະພາບຕາມຄວາມຮຽກຮ້ອງຕ້ອງການຕາມຕໍາແໜ່ງງານທີ່  ເໜາະສົມ ແລະ ແທດເໜາະ

 

     ການຄາດຄະເນເປົ້າໜາຍພະນັກງານທີ່ຈະຈັດວາງເຂົ້າຕໍາແໜ່ງງານ ແລະ ແມ່ນຄວາມຮັບຜິດຊອບໂດຍກົງຂອງຄະນະພັກແຕ່ລະຂັ້ນ,ເປັນສູນລວມປະຕິບັດຫລັກການ ປະຊາທິປະໄຕ ຢ່າງເຂັ້ມງວດ,ຄົ້ນ   ຄ້ວາເປົ້າໜາຍເຂົ້າໃນແຜນກໍານົດພະນັກງານເປັນໜູ່ຄະນະ ແລະ ຕົກລົງຕາມສຽງສ່ວນຫຼາຍ,ຮັບປະກັນຄວາມຖືກຕ້ອງໂປ່ງໃສ,ພາວະວິໄສ,ຮອບດ້ານ,ຍຸຕິທຳ,ຄຳນືງເຖີງໂຄງປະກອບ ເພດ,ເຜົ່າ ແລະ ເລັ່ງໃສ່ພະນັກງານໜຸ່ມໃຫ້ກວມອັດຕາສ່ວນຫຼາຍຫັນໄປສູ່ຄວາມກ້າວໜ້າ ແລະ ທັນສະໄຫມຮອບດ້ານໃນປັດຈຸບັນ ແລະ ອານາຄົດ.

 

       ກອງປະຊຸມຍັງໄດ້ຮັບຟັງຄໍາເຫັນຂອງປະທານ ທ່ານ ຫົວໜ້າອົງການໄອຍະການປະຊາຊົນສູງສຸດ ເຊິ່ງໄດ້ເນັ້ນໜັກເຖີງຄວາມໜາຍ ແລະ ຄວາມສຳຄັນໃນການສ້າງແຜນກຳນົດພະນັກງານນໍາພາ-ຄຸ້ມຄອງຕາມມະຕິເລກທີ 032/ກມສພ. ລົງວັນທີ 03 ມັງກອນ2018ວ່າດ້ວຍວຽກງານສ້າງແຜນກໍານົດພະນັກງານນໍາພາ-ຄຸ້ມຄອງ ຊື່ງເປັນການກວດກາ,ຈັດຕັ້ງຜັນຂະຫຍາຍແນວທາງຂອງພັກ-ລັດກໍ່ຄືພະນັກງານອົງການໄອຍະການປະຊາຊົນໃຫ້ມີຄວາມເຂັ້ມແຂງ,ມີລະບຽບແບບແຜນໃນການຈັດຕັ້ງປະຕິບັດໜ້າທີ່ການເມືອງຂອງພັກ-ລັດໃນສະເໜາະໜ້າແລະຍາວນານ,ເປັນການຫັນຍຸດທະສາດກ່ຽວກັບວຽກງານພະນັກງານເປັນອັນລະອຽດ,ສ້າງໂຄ່ງການສັງລວມພື້ນຖານໃຫ້ແກ່ການສ້າງແຜນກໍ່ສ້າງ-ບຳລຸງ,ຄາດຄະເນສັບຊ້ອນ ແລະ ຈັດວາງພະນັກງານຢ່າງສົມເຫດສົມຜົນ.

 

by:sack

13/02/2018

ປະຕິທິນ

Apr-2018
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ