ກອງປະຊຸມ ສ້າງຄວາມເຂັ້ມແຂງກ່ຽວກັບການຕ້ານອາຊະຍາກຳຂ້າມຊາດ

          ກອງປະຊຸມສ້າງຄວາມເຂັ້ມແຂງກ່ຽວກັບການຕ້ານອາຊະຍາກໍາຂ້າມຊາດ ທີ່ມີການຈັດຕັ້ງ ໂດຍສະເພາະ ຢາເສບຕິດ ແລະ ການຟອກເງີນ ໄດ້ໄຂຂື້ນ ໃນລະຫວ່າງ ວັນທີ 27 ກຸມພາ - 1 ມີນາ 2018 ທີ່ ໂຮງແຮມ ດອນຈັນພາເຮດ ໂດຍ ໃຫ້ກຽດເປັນ ປະທານຮ່ວມ ທ່ານ ບຸນຍັງ ຈັນດາລະສານ ຮອງຫົວໜ້າອົງການໄອຍະການປະຊາຊົນສູງສຸດ, ທ່ານ ຣີຊາດ  ຟິລິບປາຣ ປະທານ ສະຖາບັນຊ່ວຍເຫລືອດ້ານກົດໜາຍ ແລະ ວິຊາການ (ILSTA)  ໃຫ້ກຽດເຂົ້າຮ່ວມ  ມີບັນດາ ທ່ານ ຜູ້ຊີ້ນຳວຽກງານປົກປ້ອງກົດໜາຍ ຂັ້ນແຂວງ-ນະຄອນຫຼວງ ໃນຂອບເຂດທົ່ວປະເທດ, ກະຊວງການຕ່າງປະເທດ, ທະນາຄານ ແຫ່ງ ສປປ ລາວ, ກະຊວງຍຸຕິທໍາ, ສານປະຊາຊົນສູງສຸດ, ກະຊວງປ້ອງກັນຄວາມສະຫງົບ, ກະຊວງແຮງງານ ແລະ ສະຫວັດດີການສັງຄົມ, ສູນກາງສະຫະພັນແມ່ຍິງລາວ, ອົງການໄອຍະການທະຫານຂັ້ນສູງ, ອົງການກວດກາລັດຖະບານ, ຄະນະກໍາມະການຕ້ານ ແລະ ສະກັດກັ້ນຢາເສບຕິດ, ຄະນະນິຕິສາດ ແລະ ລັດຖະສາດ ມະຫາວິທະຍາໄລແຫ່ງຊາດ, ອົງການໄອຍະການປະຊາຊົນ, ສານປະຊາຊົນ, ປກສ ແຂວງ-ນະຄອນຫຼວງ ໃນຂອບເຂດທົ່ວປະເທດ, ອົງການຈັດຕັ້ງສູນກາງ ແລະ ອົງການສາກົນປະຈຳ ສປປ ລາວ ເຂົ້າຮ່ວມ 200 ກວ່າທ່ານ.

 

     ກອງປະຊຸມຄັ້ງນີ້, ບັນດາຜູ້ເຂົ້າຮ່ວມຈະໄດ້ພ້ອມກັນແລກປ່ຽນບົດຮຽນກ່ຽວກັບການຕ້ານອາຊະຍາກໍາຢາເສບຕິດ,ການຄ້າມະນຸດ, ການຕ້ານການສໍ້ລາດບັງຫຼວງ ແລະ ອາຊະຍາກໍາອື່ນໆ ທີ່ກ່ຽວຂ້ອງ, ກ່ຽວກັບການຊີ້ນໍາ-ນຳພາ ການແຂ້ໄຂບັນຫາອາຊະຍາກໍາ ແລະ ປາກົດການຫຍໍ້ທໍ້ຢູ່ໃນຂັ້ນທ້ອງຖີ່ນ

ໃນນັ້ນໄດ້ມີການແລກປ່ຽນບົດຮຽນຈາກ ອົງການຈັດຕັ້ງສາກົນ ຈຳນວນໜຶ່ງກ່ຽວກັບການຕ້ານອາຊະຍາກຳຂ້າມຊາດ ທີ່ມີການຈັດຕັ້ງ, ບົດຮຽນ ແລະ ປະສົບການຈາກບັນດາແຂວງກ່ຽວກັບການຮ່ວມມືການຕ້ານອາຊະຍາກໍາຢາເສບຕິດ ແລະ ການຟອກເງີນ, ປະມວນກົດໜາຍ, ການຮ່ວມມືໃນບັນຫາທາງອາຍາ ແລະ ຫົວຂໍ້ກຽ່ວຂ້ອງອື່ນໆ ຈາກອົງການກ່ຽວຂ້ອງໃນຂັ້ນສູນກາງ.

by:sack

01/03/2018

ປະຕິທິນ

Sep-2018
S M T W T F S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ