ສ້າງຄວາມເຂັ້ມແຂງໃນການຕິດຕາມກວດກາການດຳເນີນຄະດີແພ່ງ

   ອົງການໄອຍະການປະຊາຊົນສູງສຸດ ໄດ້ຈັດຊຸດອົບຮົມຍົກລະດັບຄວາມສາມາດໃນການຕິດຕາມກວດກາການດຳເນີນຄະດີແພ່ງ ເພື່ອຈັດ ຕັ້ງປະຕິບັດກົດໝາຍໃນການຕິດຕາມກວດກາການດຳເນີນຄະດີແພ່ງ ຂອງບັນດາ 5 ແຂວງພາກເໜືອ ຂຶ້ນໃນວັນທີ 28-30 ພຶດສະພາ 2018 ຜ່ານມານີ້ ຢູ່ທີ່ຫ້ອງປະຊຸມໂຮງແຮມມິດຕະພາບແຂວງອຸດົມໄຊ ກ່ຽວກັບການສ້າງຄວາມເຂັ້ມແຂງທາງດ້ານວິຊາການ. ໂດຍການ ເປັນປະທານຂອງ ທ່ານ ໄຊຊະນະ ໂຄດພູທອນ ຮອງຄະນະບໍລິຫານງານພັກ, ຮອງຫົວໜ້າອົງການໄອຍະການປະຊາຊົນສູງສຸດ ແລະ ດຣ ສົນທະຍາ ເຄືອເວດ ໄອຍະການຜູ້ຊ່ຽວຊານພິເສດ ເລຂານຸການສຳນັກງານຄະດີສານສູງພາກ 5, ມີສຳມະນາກອນຈາກອົງການໄອຍະການ ປະຊາຊົນພາກເໜືອ, ແຂວງຜົ້ງສາລີ, ແຂວງບໍ່ແກ້ວ, ຫຼວງນ້ຳທາ, ແຂວງຫົວພັນ ແລະ ແຂວງອຸດົມໄຊ ພ້ອມດ້ວຍພະນັກງານທີ່ກ່ຽວຂ້ອງ ເຂົ້າຮ່ວມ ຈຳນວນ 49 ທ່ານ.

   ໃນຊຸດຝຶກອົບຮົມທ່ານ ໄຊຊະນະ ໂຄດພທອນ ໄດ້ກ່າວວ່າ: ການຈັັດຊຸດຝຶກອົບຮົມຄັ້ງນີ້ແມ່ນເພື່ອສ້າງຄວາມຊຳນິຊຳນານໃຫ້ແກ່ພະນັກ ງານໄອຍະການກ່ຽວກັບວຽກງານຕິດຕາມກວດກາການດຳເນີນຄະດີແພ່ງຂັ້ນຕ່າງໆໃນຂອບເຂດທົ່ວປະເທດ ໃຫ້ເຂົ້າໃຈຢ່າງເລິກເຊິ່ງທາງ ດ້ານກົດໝາຍ ແລະ ຂັ້ນຕອນໃນການຕິດຕາມກວດກາການປະຕິບັດກົດໝາຍໃນການດຳເນີນຄະດີແພ່ງໃຫ້ມີປະສິດທິຜົນ. ພ້ອມນີ້ຍັງ ເປັນການສ້າງຄວາມເປັນເອກະພາບໃນການຈັດຕັ້ງປະຕິບັດໃຫ້ຖືກຕ້ອງຕາມຂັ້ນຕອນຂອງກົດໝາຍ, ການປະຕິບັດຄຳແນະນຳຮ່ວມລະ ຫວ່າງອົງການໄອຍະການປະຊາຊົນສູງສຸດ ແລະ ສານປະຊາຊົນສູງສຸດ ເພື່ອໃຫ້ການດຳເນີນຄະດີແພ່ງຄົບຖ້ວນ, ຮອບດ້ານ ແລະ ພາວະ ວິໄສ.

   ໃນຊຸດອົບຮົມສຳມະນາກອນແມ່ນໄດ້ຮຽນຮູ້ບົດຮຽນກ່ຽວກັບການຕິດຕາມກວດກາການດຳເນີນຄະດີແພ່ງ ຢູ່ຕ່າງປະເທດ ຈາກຊ່ຽວຊານ ຕ່າງປະເທດ ແລະ ບົດຮຽນການຕິດຕາມກວດກາການດຳເນີນຄະດີແພ່ງ ຢູ່ສານຂັ້ນຕົ້ນ, ສານອຸທອນ, ສານຂັ້ນລົບລ້າງ, ເຕັກນິກການ ຄົ້ນຄວ້າສຳນວນຄະດີແພ່ງ, ເຕັກນິກການຂຽນຮ່າງຄຳຖະແຫຼງ, ການເຜີຍແຜ່ຄຳແນະນຳຮ່ວມລະຫວ່າງຫົວໜ້າອົງການໄອຍະການປະຊາ ຊົນສູງສຸດ ແລະ ປະທານສານປະຊາຊົນສູງສຸດ ວ່າດ້ວຍການເຂົ້າຮ່ວມໃນການດຳເນີນຄະດີແພ່ງ, ແຮງງານ, ການຄ້າ, ຄອບຄົວ ແລະ ເດັກ ຢູ່ສານຂັ້ນຕົ້ນ. ນອກນີ້ສຳມະນາກອນ ຍັງໄດ້ມີການສົນທະນາຄົ້ນຄວ້າແລກປ່ຽນບົດຮຽນເຊິ່ງກັນ ແລະ ກັນ ພ້ອມທັງຮັບຟັງການແກ້ຂໍ້ ຂ້ອງໃຈກ່ຽວກັບບັນຫາຕ່າງໆອີກດ້ວຍ.

by:sengphachan

04/06/2018

ປະຕິທິນ

Nov-2018
S M T W T F S
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ