ຜົນສຳເລັດການຝຶກອົບຮົມວຽກງານໄອຍະການ

   ພິທີປິດຝຶກອົບຮົມວຽກງານໄອຍະການ ໃຫ້ແກ່ພະນັກງານວິຊາການຂອງອົງການໄອຍະການປະຊາຊົນສູງສຸດ, ພາກກາງ, ນະຄອນຫຼວງວຽງຈັນ ແລະ ອົງການໄອຍະການທະຫານ ໄດ້ອັດລົງດ້ວຍຜົນສຳເລັດໃນວັນທີ 8 ມີຖຸນາ 2018 ໂດຍໃຫ້ກຽດເຂົ້າຮ່ວມຂອງທ່ານ ໄຊຊະນະ ໂຄດພູທອນ ຮອງເລຂາຄະນະພັກ, ຮອງຫົວໜ້າອົງການໄອຍະການປະຊາຊົນສູງສຸດ.

   ໃນພິທີດັ່ງກ່າວໄດ້ຮັບຟັງການຜ່ານບົດສະຫຼຸບການຈັດຕັ້ງປະຕິບັດດຳເນີນຊຸດອົບຮົມ ໃນການຕີລາຄາດ້ານດີ, ຜົນສຳເລັດ ແລະ ບົດຮຽນທີ່ຖອດຖອນໄດ້ ເຊິ່ງຊຸດອົບຮົມໄດ້ເລີມດຳເນີນແຕ່ວັນທີ 21 ພຶດສະພາ ຫາ 08 ມິຖຸນາ 2018 ໂດຍມີນັກສໍາມະນາກອນຈາກອົງການໄອຍະການປະຊາຊົນສູງສຸດ, ພາກກາງ, ນະຄອນຫຼວງວຽງຈັນ ແລະ ອົງການໄອຍະການທະຫານ ເຂົ້າຮ່ວມ 64 ທ່ານ, ຍິງ 19 ທ່ານ.

ໃນຊຸດອົບຮົມຄັ້ງນີ້ແມ່ນໄດ້ຍົກລະດັບຄວາມຮູ້ຄວາມສາມາດໃຫ້ແກ່ຖັນແຖວພະນັກງານໄອຍະການ ແລະ ເປັນການສ້າງບຸກຄະລາກອນໃຫ້ມີຄຸນະພາບ, ມີຄວາມເປັນເອກະພາບ ແລະ ມີຄວາມເຂົ້າໃຈໃນການຈັດຕັ້ງປະຕິບັດກົດໝາຍ ເວົ້າລວມ, ເວົ້າເພາະແມ່ນພາລະບົດບາດ, ສິດ ແລະ ໜ້າທີ່ຂອງວຽກງານໄອຍະການ ຊຶ່ງທັງເປັນການເພີ່ມຄວາມຮູ້ທາງດ້ານກົດໝາຍ ແລະ ຄວາມຮັບຜິດຊອບອັນສູງສົງຂອງພະນັກງານໄອຍະການໃນການປະຕິບັດຕໍ່ລະບຽບກົດໝາຍ.

   ເພື່ອເປັນການຢັ້ງຢືນເຖິງຜົນສຳເລັດໃນການຝຶກອົບຮົມຄັ້ງນີ້ ທ່ານ ໄຊຊະນະ ໂຄດພູທອນ, ຮອງຫົວໜ້າອົງການໄອຍະການປະຊາຊົນສູງສຸດ. ໄດ້ມອບໃບຢັ້ງຢືນໃຫ້ແກ່ນັກສຳມະນາກອນ ຈຳນວນ 64 ທ່ານ ແລະ ໄດ້ຮັບຟັງການໂອ້ລົມ ເຊິ່ງທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜົນສຳເລັດອັນໃໝ່ໃນຊຸດອົບຮົມຄັ້ງນີ້ ພ້ອມທັງເນັ້ນໜັກໃຫ້ສຳມະນາກອນຈົ່ງນຳເອົາບົດຮຽນ ແລະ ຄວາມຮູ້ທີ່ໄດ້ໄປໝູນໃຊ້ເຂົ້າໃນຂົງເຂດວຽກງານຂອງຕົນໃຫ້ໄດ້ຮັບການພັດທະນາກ້າວຂຶ້ນຢ່າງບໍ່ຢຸດຢັ້ງ.

by:sengphachan

08/06/2018

ປະຕິທິນ

Nov-2018
S M T W T F S
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ