ຍົກລະດັບຄວາມຮູ້ຄວາມສາມາດດ້ານທິດສະດີການເມືອງ ແລະ ການປົກຄອງ ໄລຍະສັ້ນ 45 ວັນ

   ໃນຕອນເຊົ້າຂອງວັນທີ 25 ມີຖຸນາ 2018 ທີ່ຫ້ອງປະຊຸມໃຫ່ຍ ຊັ້ນ I ຂອງອົງການໄອຍະການປະຊາຊົນສູງສຸດ ໄດ້ເປີດພິທີຝຶກອົບຮົມທິດດີການເມືອງ ແລະ ການປົກຄອງ ໄລຍະສັ້ນ 45 ວັນ, ຊຸດທີ IX ໃຫ້ແກ່ພະນັກງານຫຼັກແຫຼ່ງອົງການໄອຍະການປະຊາຊົນ ທົ່ວປະເທດ. ໂດຍພາຍໃຕ້ການເຂົ້າຮ່ວມເປັນປະທານ ຂອງທ່ານ ຄໍາສານ ສຸວົງ ກໍາມະການສູນກາງພັກ, ຫົວໜ້າອົງການໄອຍະການະຊາຊົນສູງສຸດ ເຂົ້າຮ່ວມມີທ່ານ ຮອງ ສຈ ສະໝຸດທອງ ສົມພານິດ ຄະນະບໍລິຫານງານພັກ, ຮອງຫົວໜ້າສະຖາບັນການເມືອງ ແລະ ການປົກຄອງແຫ່ງຊາດ, ຫົວໜ້າຫ້ອງການ, ຫົວໜ້າກົມ, ຮອງຫົວໜ້າກົມ ແລະ ພະນັກງານຝຶກອົບຮົມເຂົ້າຮ່ວມຈໍານວນທັງໝົດ 100 ທ່ານ. ເປັນຍິງ 33 ທ່ານ.

   ໃນພິທີດັ່ງກ່າວ ທ່ານ ຄຳສານສຸວົງ ກຳມະການສູນກາງພັກ, ຫົວໜ້າອົງການໄອຍະການປະຊາຊົນສູງສຸດ ໄດ້ມີຄຳເຫັນຍ້ອງຍໍຊົມເຊີຍຕໍ່ການກະກຽມເງື່ອນໄຂຄວາມພ້ອມດ້ານຕ່າງໆ ຂອງສະຖາບັນຄົ້ນຄ້ວາ ແລະ ຝຶກອົບຮົມໄອຍະການ ໃນການຈັດຝຶກອົບຮົມ ໂດຍການປະສານສົມທົບກັບສະຖາບັນການເມືອງ ແລະ ການປົກຄອງແຫ່ງຊາດ ໃນການນຳເອົາຫຼັກສູດຕຳລາຮຽນ  ແລະ ອາຈານມາຂຶ້ນຫ້ອງສິດສອນ-ຮໍ່າຮຽນທິດສະດີການເມືອງ ແລະ ການປົກຄອງ ໄລຍະ 45 ວັນ, ໃຫ້ແກ່ສະມາຊິກພັກ, ພະນັກງານຫຼັກແຫຼ່ງ  ຂອງອົງການໄອຍະການປະຊາຊົນ ແລະ ອົງການໄອຍະການທະຫານ.

   ການຮຽນທິດສະດີການເມືອງໃນຄັ້ງນີ້ ແມ່ນເພື່ອເພີ່ມຄວາມຮູ້ທາງດ້ານທິດສະດີ, ການກຳແໜ້ນແນວທາງນະໂຍບາຍຂອງພັກໃນແຕ່ລະໄລຍະ, ກຳແໜ້ນທິດສະດີມາກ-ເລນິນ ເພື່ອໝູນໃຊ້ເຂົ້າໃນວຽກງານຕົວຈິງ ຂອງອົງການໄອຍະການປະຊາຊົນ, ແນໃສ່ປັບປຸງ ແລະ ຍົກສູງຄວາມຮູ້ທາງດ້ານທິດສະດີການເມືອງ ໃຫ້ພະນັກງານອົງການໄອຍະການປະຊາຊົນ ໃຫ້ມີຄວາມໜັກແໜ້ນ, ສາມາດວິເຄາະວິໃຈເຖິງບັນຫາຕ່າງໆ ດ້ວຍຄວາມຖືກຕ້ອງ, ສິດຈະວິພາກ ແລະ ເປັນການປະກອບສ່ວນເຂົ້າໃນການພັດທະນາວຽກງານໄອຍະການປະຊາຊົນ ໃຫ້ມີຄວາມປອດໃສ, ໜັກແໜ້ນ, ເຂັ້ມແຂງ.

   ທ່ານຍັງໄດ້ຮຽກຮ້ອງໃຫ້ພະນັກງານເຂົ້າຮ່ວມຮ່ຳຮຽນໃນຄັ້ງນີ້ ຈົ່ງໄດ້ຍົກສູງຄວາມຮັບຜິດຊອບຂອງຕົນເຂົ້າໃນການຮ່ຳຮຽນ, ເອົາໃຈໃສ່ບຸກບືນຜ່ານຜ່າທຸກຄວາມຫຍຸ້ງຍາກ ຍົກລະດັບຕວາມຮູ້ຄວາມສາມາດຂອງຕົນໃຫ້ມີຄຸນນະພາບ, ຕັ້ງໜ້າປະຕິບັດກົດລະບຽບ, ຂໍ້ກຳນົດຕ່າງໆ ຂອງສະຖາບັນຄົ້ນຄ້ວາ ແລະ ຝຶກອົບຮົມໄອຍະການ ກໍຄືສະຖາບັນການເມືອງ ແລະ ການປົກຄອງແຫ່ງຊາດ ວາງອອກຢ່າງເຂັ້ມງວດ.

by:sengphachan

05/07/2018

ປະຕິທິນ

Nov-2018
S M T W T F S
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ