ອອປສ ເຊຶ່ອມຊຶມມະຕິ 6 ( ສະໄໝທີ X ), ຄໍາສັ່ງຂອງຄະນະເລຂາທິການສູນກາງພັກ ແລະ ປາຖະກະຖາວັນລັດຖະທຳມະມູນແຫ່ງຊາດ ຄົບຮອບ 27 ປີ.

        ໃນຕອນເຊົ້າຂອງ ວັນທີ 07 ສິງຫາ 2018,  ອົງການໄອຍະການປະຊາຊົນສູງສຸດ ໄດ້ຮັບຟັງເອກະສານເຊຶ່ອມຊຶມມະຕິ 6  ( ສະໄໝທີ X ), ຄໍາສັ່ງ ຂອງ ຄະນະເລຂາທິການສູນກາງພັກ, ສະບັບເລກທີ 04/ຄລສພ ລົງວັນທີ 07 ພຶດສະພາ 2018  ແລະ ປາຖະກະຖາວັນລັດຖະທໍາມະມູນແຫ່ງຊາດ ຄົບຮອບ 27 ປີ, ໂດຍການເປັນ ປະທານ ທ່ານ ຄຳສານ ສຸວົງ ກຳມະການສູນກາງພັກ, ເລຂາຄະນະພັກ, ຫົວໜ້າອົງການໄອຍະການປະຊາຊົນສູງສຸດ,  ມີຄະນະພັກ-ຄະນະນຳ ອອປສ, ບັນດາກົມ,ຫ້ອງການ,ສະຖາບັນຄົ້ນຄ້ວາ ແລະ ຝືກອົບຮົມວຽກງານໄອຍະການ, ພ້ອມດ້ວຍພະນັກງານ-ລັດຖະກອນ ພາຍໃນ ອົງການໄອຍະການປະຊາຊົນສູງສຸດ ເຂົ້າຮ່ວມທັງໜົດ 150 ກວ່າທ່ານ.

       ທ່ານ ຫົວໜ້າອົງການໄອຍະການປະຊາຊົນສູງສຸດໄດ້ຍົກໃຫ້ເຫັນກ່ຽວກັບເອກະສານເຊຶ່ອມຊຶມມະຕິ 6  ( ສະ  ໄໝທີ X ), ຄໍາສັ່ງ ຂອງ ຄະນະເລຂາທິການສູນກາງພັກ, ສະບັບເລກທີ 04/ຄລສພ ລົງວັນທີ 07 ພຶດສະພາ 2018 ເຊິ່ງ ໄດ້ເນັ້ນໜັກໃຫ້ເຫັນກ່ຽວກັບສະພາບລວມໃນປັດຈຸບັນໃນການປະຕິບັດວຽກງານໃນຂົງເຂດກົດໜາຍ ອົງການໄອຍະການປະຊາຊົນ ກໍຄື ພະນັກງງານອົງການໄອຍະການປະຊາຊົນ ໃຫ້ມີຄວາມເອົາໃຈໃສ່ເພີ້ມຕື່ມກ່ຽວກັບໜ້າວຽກຂອງຕົນທີ່ໄດ້ຮັບຜິດຊອບ, ມີຄວາມທ່ຽງທຳ, ປະຕິບັດກົດໜາຍໃຫ້ຖືກຕ້ອງມີຄວາມຂາວສະອາດ ແລະ ເປັນຫຼັກໜັ້ນໃຫ້ແກ່ປະຊາຊົນ ແລະ ປະເທດຊາດໃຫ້ມີຄວາມຍຸດຕິທຳ.

        ນອກນັ້ນ ທ່ານຫົວໜ້າອົງການໄອຍະການປະຊາຊົນສູງສຸດ ຍັງ ໄດ້ປາຖະກະຖາວັນລັດຖະທໍາມະນູນຄົບຮອບ 27 ປີ ເຊີ່ງເປັນວັນສໍາຄັນຂອງຊາດ ໃນການການປະກາດໃຊ້ລັດຖະທໍາມະນູນ ເປັນເຫດການເມືອງທີ່ສໍາຄັນຂອງຊາດ ທັງເປັນເຫດໜາຍໃໜ່ໄປສູ່ການຄຸ້ມຄອງລັດ,ຄຸມຄອງສັງຄົມດ້ວຍກົດໜາຍ, ລັດຖະທຳມະນູນຂອງ ສ.ປ.ປ.ລາວ ສະບັບທຳອິດ ໃນປີ 1991 ປະກອບມີທັງຫມົດ10 ຫມວດ ແລະ 80 ມາດຕາ, ເຊິ່ງຕໍ່ມາໃນເດືອນພຶດສະພາ 2003 ກອງປະຊຸມສະໄຫມສາມັນຄັ້ງທີ 3 ຂອງສະພາແຫ່ງຊາດຊຸດທີ V ຈຶ່ງໄດ້ມີການຍື່ນຍັດຕິແກ້ໄຂລັດຖະທຳມະນູນເປັນຄັ້ງທຳອິດ, ເຊິ່ງໄດ້ມີການປ່ຽນແປງ ແລະ ເພີ່ມບາງຫມວດ ແລະ ບາງມາດຕາເຂົ້າໃສ່ຕື່ມ ກາຍມາເປັນ 11 ຫມວດ ແລະ 98 ມາດຕາໃນປະຈຸບັນ ໂດຍມີການຮັບຮອງເອົາຕາມມະຕິຕົກລົງຂອງສະພາແຫ່ງຊາດ ໃນວັນທີ 6 ພຶດສະພາ 2003 ແລະ ປະກາດນຳໃຊ້ໂດຍປະທານປະເທດ ແຫ່ງ ສ.ປ.ປ.ລາວ ຕາມລັດຖະດຳລັດເລກທີ 032/ສປປ ລົງວັນທີ 28 ພຶດສະພາ 2003; ອັນໄດ້ກາຍມາເປັນພື້ນຖານໃຫ້ແກ່ບັນດາກົດຫມາຍຂະແຫນງຕ່າງໆ ໂດຍສະເພາະໃນຂົງເຂດບໍລິຫານ ແລະ ຍຸດຕິທຳ, ລວມເຖິງໃນຂົງເສດເສດຖະກິດ, ວັດທະນະທຳ-ສັງຄົມອີກດວ້ຍ.

by:sack

08/08/2018

ປະຕິທິນ

Nov-2018
S M T W T F S
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ