ຜົນສຳເລັດຊຸດຝືກອົບຮົມທິດສະດີການເມືອງ ແລະ ການປົກຄອງໄລຍະສັ້ນ 45 ວັນ ຂອງອົງການໄອຍະການປະຊາຊົນທົ່ວປະເທດ.

        ໃນຕອນໃນບ່າຍຂອງ ວັນທີ 27 ສິງຫາ 2018; ທີ່ ຫ້ອງປະຊຸມໃຫ່ຍຊັ້ນ I ອົງການໄອຍະການປະຊາຊົນສູງສຸດ ໄດ້ມີພິທີປິດ ແລະ ມອບໃບໃບຢັ້ງຢືນຊຸດຝືກອົບຮົມທິດສະດີການເມືອງການປົກຄອງ 45 ວັນຂຶິ້ນຢ່າງເປັນທາງການການຝືກອົບຮົມທີດສະດີການເມືອງ ແລະ ການປົກຄອງໃນຄັ້ງນີ້ແມ່ນໄດ້ເລີ່ມຕົ້ນຮຽນແຕ່ວັນທີ 25 ມິຖຸນາ 2018 ຫາ 27 ສິງຫາ 2018 ເຊີ່ງໄດ້ມີນັກສໍາມະນາກອນເຂົ້າຮຽນທັງໜົດ 100 ສະຫາຍ, ຍິງ 33ສະຫາຍ, ໄອຍະການທະຫານຂັ້ນສູງ 4 ສະຫາຍ - ຍິງ 1 ສະຫາຍ. ໃຫ້ກຽດ ເປັນປະທານຮ່ວມຂອງ ທ່ານ ໄຊຊະນະ ໂຄດພູທອນ ຮອງເລຂາຄະນະພັກ, ຮອງຫົວໜ້າອົງການໄອຍະການປະຊາຊົນສູງສຸດ ແລະ ທ່ານ ສຈ ສະໜຸດທອງ ສົມພານິດ ຄະນະບໍລິຫານງານພັກ, ຮອງຫົວໜ້າສະຖາບັນການເມືອງ ແລະ ການປົກຄອງແຫ່ງຊາດ ເຂົ້າຮ່ວມມີ ຄະນະພັກ-ຄະນະນໍາ ອອປສ, ຫົວໜ້າຫ້ອງການ, ຫົວໜ້າກົມ, ອົງການໄອຍະການປະຊາຊົນພາກກາງ ແລະ ສະຖາບັນຄົ້ນຄ້ວາ ແລະ ຝຶກອົບຮົມໄອຍະການ ພ້ອມດ້ວຍພະນັກງານລັດຖະກອນເຂົ້າຮ່ວມ ຈໍານວນ 150 ກວ່າທ່ານ.

       ໃນພິທີດັ່ງກ່າວໄດ້ຮັບຟັງການຜ່ານບົດສະຫຼຸບການຕີລາຄາ ດ້ານດີ, ຜົນສຳເລັດ ແລະ ບົດຮຽນທີ່ຖອດຖອນໄດ້, ການຝຶກອົບຮົມທິດສະດີການເມືອງ ແລະ ການປົກຄອງ 45 ວັນ ຮຸ້ນທີ IX ປີ 2018 ເພື່ອເປັນການຢັ້ງຢືນເຖິງຜົນສໍາເລັດໃນການຝຶກອົບຮົມຄັ້ງນີ້ ທ່ານ ສຈ ສະໜຸດທອງ ສົມພານິດ ຄະນະບໍລິຫານງານພັກ, ຮອງຫົວໜ້າສະຖາບັນການເມືອງ ແລະ ການປົກຄອງແຫ່ງຊາດ ໄດ້ມອບໃບຢັ້ງຢືນ ໃຫ້ແກ່ນັກສຳມະນາກອນ ຈຳນວນ 100 ສະຫາຍ

ແລະ ໄດ້ຮັບຟັງການໂອ້ລົມ ຂອງ  ທ່ານ ໄຊຊະນະ ໂຄດພູທອນ ຮອງເລຂາຄະນະພັກ, ຮອງຫົວໜ້າອົງການໄອຍະການປະຊາຊົນສູງສຸດ ເຊິ່ງ ທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜົນສຳເລັດໃນການຝືກອົບຮົມຄັ້ງນີ້ ພ້ອມທັງເນັ້ນໜັກໃຫ້ນັກສຳມະນາກອນຈົ່ງນຳເອົາບົດຮຽນ ແລະ ຄວາມຮູ້ທີ່ໄດ້ໄປໝູນໃຊ້ເຂົ້າໃນຂົງເຂດວຽກງານຂອງຕົນ

ຄຽງຄູ່ກັບການຈັດຕັ້ງປະຕິບັດກົດໜາຍໃຫ້ຖືກກັບຄວາມເປັນຈິງ ມີຈັນຍາທຳ, ຮູ້ເສີມຂະຫຍາຍສິດເປັນເຈົ້າຂອງປະຊາຊົນໃນການແກ້ໄຂບັນຫາ ແລະ ເປັນພະນັກງານຄຸ້ມຄອງນໍາພາທີ່ມີຄວາມໜັກແໜ້ນແລະ ເປັນແບບຢ່າງໃນການເຄື່ອນໄຫວປະຕິບັດໜ້າທີ່ແຕ່ສູນກາງລົງຮອດທ້ອງຖີ່ນເຮັດໃຫ້ລະບົບອົງການໄອຍະການມີຄວາມເຕີບໃຫ່ຍເຂັ້ມແຂງຮອບດ້ານ.

by:sack

28/08/2018

ປະຕິທິນ

Nov-2018
S M T W T F S
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ