ຫ້ອງການໄອຍະການປະຊາຊົນສູງສຸດ ລົງເຄື່ອນໄຫວວຽກງານຫ້ອງການຢູ່ທ້ອງຖີ່ນ ແຂວງ ພາກໃຕ້

  ໃນລະຫວ່າງວັນທີ 15-24/10/2018, ທ່ານຫົວໜ້າຫ້ອງການອົງການໄອຍະການປະຊາຊົນສູງສຸດ ພ້ອມດ້ວຍຄະນະໄດ້ລົງເຄື່ອນໄຫວວຽກງານຢູ່ບັນດາອົງການໄອຍະການປະຊາຊົນແຂວງພາກໃຕ້ຄື:ອົງການໄອຍະການປະຊາຊົນ ແຂວງ ສາລະວັນ,ເຊກອງ,ອັດຕະປື,ຈໍາປາສັກ,ສະຫວັນນະເຂດ, ອົງການໄອຍະການປະຊາຊົນພາກໃຕ້ ແລະ ບັນດາເຂດຕັ້ງໃໜ່.ການລົງເຄື່ອນໄຫວເຮັດວຽກງານຂອງຫ້ອງການໄອຍະການປະຊາຊົນສູງສຸດ ຢູ່ຂັ້ນທ້ອງຖີ່ນໃນຄັ້ງນີ້ກໍ່ເພືອລົງຕິດຕາມກວດກາຊຸກຍູ້ ແລະ ແນະນໍາກ່ຽວກັບວຽກງານຫ້ອງການ ເປັນຕົ້ນ ແມ່ນ ວຽກງານຄົ້ນຄ້ວາ-ສັງລວມ ການສະຫຼຸບລາຍງານທາງດ້ານສະຖິຕິຄະດີ, ການບໍລິຫານຄະດີຄົບວົງຈອນ ຂອງ ອົງການໄອຍະການປະຊາຊົນຂັ້ນທ້ອງຖີ່ນໃຫ້ອົງການໄອຍະການປະຊາຊົນສູງສຸດ, ວຽກງານຄຸ້ມຄອງບໍລິຫານຊັບສີນຂອງລັດ ແລະ ວຽກງານ ໄອທີ ລະບົບຖານຂໍ້ມູນ ແລະ ຂ່າວສານ ທັງນັ້ນກໍ່ເພືອເຮັດໃຫ້ວຽກງານດັ່ງກ່າວໄດ້ຮັບການຈັດຕັ້ງປະຕິບັດໃຫ້ຖືກຕ້ອງເປັນເອກະພາບໃນຂອບເຂດທົ່ວປະເທດ.

        ພາຍຫລັງທີ່ໄດ້ຮັບຟັງການລາຍງານການຈັດຕັ້ງປະຕິບັດວຽກງານອົງການໄອຍະການປະຊາຊົນຢູ່ບັນດາ ແຂວງ, ພາກ, ແລະ ເຂດ ກ່ຽວກັບວຽກງານດັ່ງກ່າວທາງດ້ານດີ,ຜົນສໍາເລັດໃນການຈັດຕັ້ງຜ່ານມາ, ດ້ານອ່ອນ, ຂໍ້ຫຍຸ້ງຍາກ ແລະ ທິດທາງໃນການປະຕິບັດໃນຕໍ່ໜ້າລວມທັງບັນຫາຂໍ້ຄິດເຫັນ,ຂໍ້ສະເໜີຕ່າງໆຕໍ່ສູນກາງຫ້ອງການນັ້ນ ທ່ານ ຫົວໜ້າຫ້ອງການອົງການໄອຍະການປະຊາຊົນສູງສຸດ ກໍໄດ້ໃຫ້ຄໍາເຫັນ ຄໍາແນະນໍາຕໍ່ຖັນແຖວພະນັກງານຂອງຫ້ອງການຂອງບັນດາແຂວງ,ເຂດ ແລະ ພາກໃຕ້.ຈົ່ງໄດ້ຍົກສູງຄວາມຮັບຜິດຊອບຕໍ່ໜ້າທີ່ການເມືອງໂດຍຕິດພັນກັບຄວາມສາມັກຄີເປັນເອກະພາບຂອງບັນດາສະຫາຍຄະນະພັກ-ຄະນະນໍາ, ສະມາຊິກພັກ,ພະນັກງານອົງການໄອຍະການປະຊາຊົນ ແຂວງ, ພາກ ແລະ ເຂດ ໃຫ້ມີຄວາມໜັກແໜ້ນຕັ້ງໜ້າປະຕິບັດພາລະບົດບາດສິດ ແລະ ໜ້າທີ່ຂອງຫ້ອງການໃຫ້ມີຜົນສໍາເລັດ, ມີຄວາມຖືກຕ້ອງໂປ່ງໃສ ແລະ ທັນເວລາ. ພ້ອມນັ້ນກໍໃຫ້ມີສະຕິຕໍ່ການຈັດຕັ້ງລະບຽບວິໄນຂອງລັດຖະກອນໃຫ້ຖືກຕ້ອງ ແລະ ເຂັ້ມງວດ.

by:sack

02/11/2018

ປະຕິທິນ

Nov-2018
S M T W T F S
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ