ການເຂົ້າຢ້ຽມຂ່ຳນັບຂອງຄະນະກົມຄຸມການປະພຶດ ກະຊວງຍຸຕິທຳ ແຫ່ງ ຣາຊາອານາຈັກໄທ

   ໃນຕອນບ່າຍຂອງວັນທີ 06 ພະຈິກ 2018 ເວລາ 13:00 ທີ່ຫ້ອງປະຊຸມ ຊັ້ນ 3 ຂອງອົງການໄອຍະການປະຊາຊົນສູງສຸດ, ໂດຍໃຫ້ກຽດຕ້ອນຮັບຂອງ ທ່ານ ບຸນຍັງ ຈັນດາລະສານ ຮອງຫົວໜ້າອົງການໄອຍະການປະຊາຊົນສູງສຸດ, ກົມແຜນການ ແລະ ຮ່ວມມືກັບຕ່າງປະເທດ, ກົມກວດກາຄ້າຍຄຸມຂັງ-ດັດສ້າງ ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ປະສານ ມະຫາລີ້ຕຣະກຸນ ອະທິບໍດີກົມຄຸມການປະພຶດ ກະຊວງຍຸຕິທຳ ແຫ່ງ ຣາຊາອານາຈັກໄທ ພ້ອມດ້ວຍຄະນະ.

    ຈຸດປະສົງການເຂົ້າພົບປະຂອງກົມຄຸມການປະພຶດ ກະຊວງຍຸຕິທຳ ແຫ່ງ ຣາຊາອານາຈັກໄທ ໃນຄັ້ງນີ້ແມ່ນເພື່ອແລກປ່ຽນຖອດຖອນບົດຮຽນ ເພື່ອພັດທະນາປັບປຸງໃຫ້ດີຂຶ້ນເທື່ອລະກ້າວ ຍັງເປັນການຕິດຕາມຊຸກຍຸ້ສົ່ງເສີມ ແລະ ເຮັດວຽກຮ່ວມກັບກົມທີ່ກ່ຽວຂ້ອງຂອງອົງການໄອຍະການປະຊາຊົນສູງສຸດ ກ່ຽວກັບວຽກງານຕິດຕາມ, ສົ່ງເສີມສະໜັບສະໜູນ ແລະ ໃຫ້ຄຳແນະນຳໃນການໃຊ້ລະບົບການປະຕິບັດຕໍ່ຜູ້ກະທຳຜິດໃນຊຸມຊົນໃນ ສປປ ລາວ ໃຫ້ເກີດປະສິດທິພາບສູງສຸດ, ນອກຈາກນັ້ນຍັງໄດ້ຮັບຟັງການບັນຍາຍໃນຫົວຂໍ້ Community-based treatment of offenders, restorative justice and division in Lao PDR ຂອງອົງການໄອຍະການປະຊາຊົນສູງສຸດອີກດ້ວຍ.

by:ແສງພະຈັນ

12/11/2018

ປະຕິທິນ

Jan-2019
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ