ເປິດຊຸດຝຶກອົບຮົມວຽກງານໄອຍະການໃຫ້ແກ່ພະນັກງານ

      ໃນຕອນເຊົ້າຂອງວັນທີ 12 ພະຈີກ 2018 ທີ່ສະຖາບັນຄົ້ນຄ້ວາ ແລະ ຝຶກອົບຮົມໄອຍະການ ໄດ້ເປີດຊຸດຝຶກອົບຮົມວຽກງານໄອຍະການໃຫ້ແກ່ພະນັກງານວິຊາການໄອຍະການປະຊາຊົນໃນຂອບເຂດທົ່ວປະເທດ ຂື້ນຢ່າງເປັນທາງການ ໃນນັ້ນໄດ້ມີນັກສໍາມະນາກອນ ເຂົ້າຮ່ວມທັງໜົດ 66 ສະຫາຍ; ຍິງ 14 ສະຫາຍ  ຄື :  ອົງການໄອຍະການປະຊາຊົນສູງສຸດ, ອົງການໄອຍະການປະຊາຊົນພາກ,  03 ພາກ, ອົງການປະຊາຊົນບັນດາແຂວງ, ອົງການໄອຍະການທະຫານ ແລະ ນະຄອນຫຼວງວຽງຈັນ, ໃຫ້ກຽດການເຂົ້າຮ່ວມເປັນປະທານໂດຍ ທ່ານ ໄຊຊະນະ ໂຄດພູທອນ ຮອງເລຂາຄະນະພັກ, ຮອງຫົວໜ້າອົງການໄອຍະການປະຊາຊົນສູງສຸດ,ຄະນະພັກ-ຄະນະນໍາ (ອອປສ), ຫົວໜ້າກົມ, ອົງການໄອຍະການປະຊາຊົນພາກກາງ, ສະຖາບັນຄົ້ນຄ້ວາ ແລະ ຝຶກອົບຮົມໄອຍະການ ແລະ ຄະນະຮັບຜິດຊອບ ເຂົ້າຮ່ວມ ຈໍານວນທັງໜົດແມ່ນ 90 ທ່ານ.

         ຈຸດປະສົງແມ່ນຜັນຂະຫຍາຍຕາມແຜນການຝຶກອົບຮົມປະຈໍາປີ 2018 ຂອງສະຖາບັນຄົ້ນຄ້ວາ ແລະ ຝຶກອົບຮົມໄອຍະການ ໃນການຈັດຕັ້ງຜັນຂະຫຍາຍມະຕິກອງປະຊຸມໃຫ່ຍ ຄັ້ງທີ IV ຂອງຄະນະບໍລິຫານງານພັກ, ກໍຄືສຶບຕໍ່ຜັນຂະຫຍາຍມະຕິກອງປະຊຸມໃຫ່ຍຄັ້ງທີ X ຂອງພັກປະຊາຊົນປະຕິວັດລາວເຂົ້າໃນການເຄື່ອນໄຫວໃນຂົງເຂດວຽກງານໃຫ້ສອດຄ່ອງກັບສະພາບຕົວຈິງ ແລະ ຖືກຕ້ອງຕາມລະບຽບກົດໜາຍ, ແນ່ໃສ່ປັບປຸງ ແລະ ພັດທະນາຂົງເຂດວຽກງານໄອຍະການປະຊາຊົນໃຫ້ເຕີບໃຫ່ຍເຂັ້ມແຂງ,ໂດຍສະເພາະຮັບປະກັນໃຫ້ແກ່ການຈັດຕັ້ງປະຕິບັດກົດໜາຍວ່າດ້ວຍ ອົງການໄອຍະການປະຊາຊົນໃນວຽກງານກວດກາຢ່າງຄົບຖ້ວນ. ໃນນັ້ນເນັ້ນໃສ່ການກວດການປະຕິບັດກົດ   ໜາຍຂອງເຈົ້າໜ້າທີ່ສຶບສວນ-ສອບສວນ ແລະ ສານປະຊາຊົນໃຫ້ມີຄຸນນະພາບດີຂຶ້ນ, ການເປີດຊຸດຝຶກອົບຮົມວຽກງານໄອຍະການໃຫ້ແກ່ພະນັກງານວິຊາການໄອຍະການປະຊາຊົນໃນຂອບເຂດທົ່ວປະເທດ ໃນຄັ້ງນີ້ ແມ່ນມີຄວາມໜາຍສໍາຄັນໃນການພັດທະນາຂີດຄວາມສາມາດຂອງພະນັກງານໃນຂົງເຂດອົງການໄອຍະການໃຫ້ມີຄວາມໜັກແໜ້ນທາງດ້ານຄຸນທາດການເມືອງ,ທິດສະດີ,ຄຸນສົມບັດສີນທໍາປະຕິວັດ,ບັນດາຫລັກການຂອງກົດໜາຍ ແລະ ພາກປະຕິບັດຕົວຈິງ ໂດຍສະເພາະເຕັກນິກ ແລະ ການຕິດຕາມກວດກາການປະຕິບັດກົດໜາຍຕາມພາລະບົດບາດ,ສິດ ແລະ ໜ້າທີ່ໆກົດ ໝາຍໄດ້ກໍານົດໄວ້.

      ໃນພິທີດັ່ງກ່າວ ທ່ານ ໄຊຊະນະ ໂຄດພູທອນ ຮອງເລຂາຄະນະພັກ, ຮອງຫົວໜ້າອົງການໄອຍະການປະຊາຊົນສູງສຸດ ກໍໄດ້ເນັ້ນຄວາມຈໍາເປັນ ແລະ ຄວາມຕ້ອງການໃນການພັດທະນາລະບົບອົງການໄອຍະການປະຊາຊົນໃຫ້ມີຄວາມເຂັ້ມແຂງເທື່ອລະກ້າວ ແລະ ຍັງໄດ້ໃຫ້ທິດຊີ້ນໍາເຍືອງທາງໃຫ້ບັນດານັກສໍາມະນາກອນໄດ້ມີການຄົ້ນຄ້ວາຝືກອົບຮົມຕົນເອງໃຫ້ມີຄວາມຮັບຮູ້ ແລະ ເຂົ້າໃຈໃນການນໍາເອົາບົດຮຽນຈາກບັນດາຄູອາຈານ ນໍາໃຊ້ເຂົ້າໃນວຽກງານຕົວຈີງໃຫ້ມີປະສິດທິພາບສູງໃນການແກ້ໄຂບັນຫາຕ່າງໆ ທີ່ເກີດຂື້ນໃນສັງຄົມ ໂດຍສະເພາະ ພາກສ່ວນທີ່ກ່ຽວຂ້ອງໃນການດຳເນີນຄະດີໃຫ້ຖືກຕ້ອງຕາມຂັ້ນຕອນ ແລະ  ເພື່ອຮັບປະກັນໃຫ້ຖືກຕ້ອງໃນສັງຄົມໃນປັດຈຸບັນ ແລະ ອານາຄົດ.

by:sack

13/11/2018

ປະຕິທິນ

Jan-2019
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ