ຜົນສຳເລັດການຈັດຝຶກອົບຮົມວຽກງານໄອຍະການໃນລະຫວ່າງ ວັນທີ 12 ພະຈິກ 2018 ຫາ 30 ພະຈີກ 2018.

       ພິທີປິດຊຸດຝຶກອົບຮົມວຽກງານໄອຍະການໃຫ້ແກ່ພະນັກງານວິຊາການອົງການໄອຍະການປະຊາຊົນ ໃນຂອບເຂດ ທົ່ວປະເທດ  ແລະ ອົງການໄອຍະການທະຫານ ໄດ້ປິດລົງດ້ວຍຜົນສຳເລັດຢ່າງເປັນທາງການ ໃນຄັ້ງວັນທີ 30 ພະຈິກ 2018 ໂດຍໃຫ້ກຽດເປັນປະທານ ທ່ານ ສົມບູນ ລາດສະບົວສີ ຄະນະພັກ, ຫົວໜ້າກົມຈັດຕັ້ງ- ພະນັກງານ  ອົງການໄອຍະການປະຊາຊົນສູງສຸດ ມີຄະນະພັກ-ຄະນະນໍາ (ອອປສ), ຫົວໜ້າກົມ,ຫ້ອງການ, ອົງການໄອຍະການປະຊາຊົນພາກກາງ, ສະຖາບັນຄົ້ນຄ້ວາ ແລະ ຝຶກອົບຮົມໄອຍະການ, ຄະນະຮັບຜິດຊອບ  ແລະ ນັກສຳມະນາກອນ ເຂົ້າຮ່ວມ ທັງໜົດ 66 ສະຫາຍ, ຍິງ 14 ຫາຍ.

         

         ທ່ານ ນ ພອນເພັດ ອຸ່ນແກ້ວ ຫົວໜ້າສະຖາບັນຄົ້ນຄ້ວາ ແລະ ຝຶກອົບຮົມໄອຍະການ ໄດ້ຜ່ານບົດສະຫຼຸບກ່ຽວກັບການຈັດຕັ້ງປະຕິບັດການດຳເນີນການຝຶກອົບຮົມ ໃນການຕີລາຄາ ດ້ານດີ,ຜົນສຳເລັດ ແລະ ບົດຮຽນທີຖອດຖອນໄດ້ໃນໄລຍະການຈັດຊຸດຝຶກອົບຮົມທີ່ຜ່ານມາ. ການຝຶກອົບຮົມວຽກງານໄອຍະການໃຫ້ແກ່ພະນັກງານວິຊາການ ອົງການໄອຍະການປະຊາຊົນ ແລະ ອົງການໄອຍະການທະຫານ ກໍແມ່ນຜົນສຳເລັດໃນການປະຕິບັດແຜນງານ ແລະ ໂຄງການພັດທະນາບຸກຄະລາກອນ ໃນການຍົກລະດັບຄວາມຮູ້,ຄວາມສາມາດໃຫ້ແກ່ພະນັກງານໄອຍະການ ກ່ຽວກັບການຊີ້ນໍາ-ນໍາພາ ການປະຕິບັດໜ້າທີ່ວຽກງານໄອຍະການ ໂດຍສະເພາະ ພາລະບົດບາດ, ສິດ ແລະ ໜ້າທີ່ ຕາມທີ່ກໍານົດໄວ້ໃນກົດໝາຍ.

         ໃນຕອນທ້າຍ ທ່ານ ສົມບູນ ລາດສະບົວສີ ຄະນະພັກ, ຫົວໜ້າກົມຈັດຕັ້ງ- ພະນັກງານ ຕາງໜ້າໃຫ້ຄະນະພັກ-ຄະນະນໍາ ອົງການໄອຍະການປະຊາຊົນສູງສຸດ ໄດ້ໂອ້ລົມໂດຍໃຫ້ທິດຊີ້ນໍາ ໃນການຈັດຕັ້ງປະຕິບັດໜ້າທີ່ວຽກງານ ທີ່ໄດ້ຮໍ່າຮຽນ ນໍາບັນດາ ຄູອາຈານ ແລະ ນັກສຳມະນາກອນ ໃຫ້ໄປໜູນໃຊ້ເຂົ້າໃນການຈັດຕັ້ງປະຕິບັດໃຫ້ສອດຄ່ອງກັບໜ້າວຽກຕົວຈິງໃຫ້ເກີດຜົນສຳເລັດ ແລະ ຜັນຂະຫຍາຍໃຫ້ມີຄວາມກ້າວໜ້າໄປເທືອລະກ້າວ. ພ້ອມກັນນັ້ນ, ທ່ານ ກໍຍັງໄດ້ມອບໃບຢັ້ງຢືນຜົນສໍາເລັດໃນການຝຶກອົບຮົມວຽກງານໄອຍະການໃຫ້ແກ່ນັກສຳມະນາກອນອົງການໄອຍະການປະຊາຊົນ ແລະ ປິດຢ່າງເປັນທາງການ.  

 

by:sack

30/11/2018

ປະຕິທິນ

Dec-2018
S M T W T F S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ