ກອງປະຊຸມວຽກງານໄອຍະການປະຊາຊົນທົ່ວປະເທດ ປະຈໍາປີ 2018

         ໃນລະຫ່ວາງວັນທີ 04 ຫາ 05 ກຸມພາ 2019; ອົງການໄອຍະການປະຊາຊົນສູງສຸດ ໄດ້ຈັດກອງປະຊຸມວຽກງານໄອຍະການປະຊາຊົນ ທົ່ວປະເທດ ປະຈໍາປີ 2018  ທີ່ ຫໍປະຊຸມແຫ່ງຊາດ ຫຼັກ 6 ຂື້ນ ຢ່າງເປັນທາງການ. ໂດຍ ການໃຫ້ກຽດເປັນປະທານ ທ່ານ ຄຳສານ ສຸວົງ  ກຳມະການສູນກາງພັກ, ເລຂາຄະນະບໍລິຫານງານພັກ, ຫົວໜ້າອົງການໄອຍະການປະຊາຊົນສູງສຸດ  ມີ ຄະນະພັກ-ຄະນະນຳ ອົງການໄອຍະການປະຊາຊົນສູງສຸດ,ບັນດາກົມ, ຫ້ອງການ, ບັນດາ ອົງການໄອຍະການປະຊາຊົນແຂວງ 18 ແຂວງ, ອົງການໄອຍະການປະຊາຊົນພາກ 03 ພາກ, ອົງການໄອຍະການປະຊາຊົນເຂດ ໃນຂອບເຂດທົ່ວປະເທດ, ບັນດາ ກະຊວງອ້ອມຂ້າງ ແລະ  ແຂກທີ່ຖືກເຊີນ ເຂົ້າຮ່ວມຈໍານວນທັງໜົດ 200 ກວ່າທ່ານ.

          ກອງປະຊູມໄດ້ລາຍງານຜ່ານບົດສະຫຼຸບການເຄື່ອນໄຫວວຽກງານໄອຍະການປະຊາຊົນ ໄລຍະ 3 ປີ ຂອງ ແຜນການ 5 ປີ (2016-2020) ການຈັດຕັ້ງປະຕິບັດ ວຽກງານປະຈໍາປີ 2018 ແລະ ທິດທາງແຜນການຮອດ 2020, ວຽກງານຈຸດສຸມ ປີ 2019 ໂດຍ ທ່ານ ໄຊຊະນະ ໂຄດພູທອນ ຮອງຫົວໜ້າອົງການໄອຍະການປະຊາຊົນສູງສຸດ, ກອງປະຊຸມຍັງໄດ້ຕີລາຄາ ດ້ານດີ ແລະ ດ້ານອ່ອນ, ຜົນສໍາເລັດ-ຂໍ້ຄົງຄ້າງ,ໃນການສືກສາອົບຮົມການເມືອງ-ນຳພາແນວຄິດ,ການປັບປຸງບູລະນະກົງຈັກການຈັດຕັ້ງ ແລະ ການພັດທະນາບຸກຄະລະກອນ,ການຕິດຕາມກວດກາການເຄົາລົບປະຕິບັດກົດໜາຍ ແລະ ການສັ່ງຟ້ອງຜູ້ຖືກຫາຂື້ນສານ ໃນນັ້ນ ອົງການໄອຍະການປະຊາຊົນ ໄດ້ຕີລາຄາການແກ້ໄຂຄະດີໃນຂັ້ນຕ່າງໆ ເຊັ່ນ: ຄະດີອາຍາ ໄດ້ຮັບສຳນວນຄະດີອາຍາ ຂັ້ນຕົ້ນ ຈາກອົງການສືບສວນ-ສອບສວນ ຈໍານວນ 27.437 ເລື່ອງ,ໄດ້ຄົ້ນຄ້ວາ ແລະ ແກ້ໄຂແລ້ວ ຈໍານວນ 27.040 ເລື່ອງ ເທົ່າກັບ 98,55%; ຄະດີແພ່ງ  ໄດ້ຮັບບົດສະຫຼຸບຄະດີແພ່ງຂັ້ນຕົ້ນ ມີຈໍານວນ 2.390 ເລື່ອງ ໄດ້ຄົ້ນຄ້ວາ ແລະ ແກ້ໄຂແລ້ວ ຈໍານວນ 2.371 ເລື່ອງ ເທົ່າກັບ 99,21% ; ການປະຕິບັດກວດກາຄ້າຍຄຸມຂັງ-ດັດສ້າງ ມີນັກໂທດພະໄພຍະໂທດ ຈໍານວນ 5.051 ຄົນ, ຍິງ 1.010 ຄົນ, ຄົນຕ່າງປະເທດ ຈໍານວນ 98 ຄົນ, ຍິງ 25 ຄົນ; ຕິດຕາມກວດກາການປະຕິບັດຄໍາຕັດສີນຂອງສານ ໂດຍການປະສານສົມທົບກັບອົງການຈັດຕັ້ງປະຕິບັດຄໍາຕັດສີນຂອງສານ ໃນທົ່ວປະເທດມີ ຄະດີອາຍາ ຈໍານວນ 25.181 ເລື່ອງ, ປະຕິບັດສຳເລັດ ຈໍານວນ 5.156 ເລື່ອງ, ກໍາລັງປະຕິບັດ ຈໍານວນ 20.025 ເລື່ຶອງ; ຄະດີແພ່ງ  ຈໍານວນ 10.178 ເລື່ອງ, ປະຕິບັດສຳເລັດ 34.54 ເລື່ອງ, ກໍາລັງປະຕິບັດ 6.724 ເລື່ອງ. ສະເພາະປີ 2018 ອົງການໄອຍະການໄອຍະປະຊາຊົນທຸກຂັ້ນໄດ້ເອົາໃຈໃສ່ວຽກງານຈຸດສຸມໂດຍແນ່ໃສ່ ດ້ານການຍົກສູງລະດັບຄວາມຮູ້ ດ້ານວິຊາການ ດ້ານຈັນບັນ-ຈັນຍາທໍາ,ເຕັກນິກຂໍ້ມູນທີ່ຮັບປະກັນຄວາມໂປ່ງໃສຂາວສະອາດ ສະດວກວ່ອງໄວ,ຍຸຕິທໍາຖືກຕ້ອງຕາມເວລາ ຕາມຄາດໜາຍ 4 ຮັບປະກັນ ຄື: ຮັບປະກັນຖືກຕ້ອງ, ຄວາມປ່ອງໃສ, ຍຸຕິທຳ ແລະ ຖືກຕ້ອງຕາມເວລາ.

ການປະກອບຄຳເຫັນຂອງບັນດາຜູ້ແທນ ຈາກອົງການໄອຍະການປະຊາຊົນ ບັນດາພາກ, ແຂວງ-ນະຄອນ, ອົງການໄອຍະການທະຫານ ແລະ ບັນດາກົມອ້ອມຂ້າງອົງການ ໄອຍະການປະຊາຊົນສູງສຸດ, ກອງປະຊຸມຍັງໄດ້ພ້ອມກັນສະຫລຸບຕີລາຄາເຫັນດີປັບປຸງ ແຂ້ໄຂຈຸດອ່ອນ ແລະ ຂໍ້ຄົງຄ້າງໃນການປະຕິບັດໜ້າທີ່ວຽກງານຊຸມປີຜ່ານມາ ເພີືອຄວາມເປັນເອກະພາບໃນວຽກງານຈຸດສຸມ ແລະ ພ້ອມກັນແກ້ໄຂເນັ້ນໜັກບາງບັນຫາກ່ຽວກັບການດຳເນີນຄະດີໃນຂັ້ນຕ່າງ ໂດຍສະເພາະ ຂັ້ນຕອນໃນການປະຕິບັດວຽກງານກັບພາກສ່ວນກ່ຽວຂ້ອງ ໃຫ້ຖືກຕ້ອງ ແລະ ໃຫ້ມີຜົນສຳເລັດ.

       ກອງປະຊຸມຍັງໄດ້ໃຫ້ກຽດຮັບຟັງຄໍາໂອ້ລົມ ຂອງ ທ່ານ ນາງ ປານີ ຍ່າທໍຕູ້ ປະທານສະພາແຫ່ງຊາດ ໄດ້ສະແດງຄວາມຊົມເຊີຍໃນການປະຕິບັດວຽກງານໃນຄວາມຮັບຜິດຊອບສູງ ໂດຍສະເພາະ ເນັ້ນໜັກ ການເພີ້ມທະວີບັນດາອົງການລັດ ແລະ ເຈົ້າໜ້າທີ່ກ່ຽວຂ້ອງໃຫ້ສາມາດແກ້ໄຂກໍລະນີຕ່າງໆ ທີ່ລະເມີດກົດໜາຍຢ່າງມີປະສິດທິຜົນ ເປັນຕົ້ນຕ້ອງຍົກສູງພາລະບົດບາດ ປັບປຸງກົດໜາຍໃຫ້ແທດເໜາະໃນການປະຕິບັດຕາມສິດ ແລະ ໜ້າທີ່ອົງການໄອຍະການປະຊາຊົນ.

 

by:sack

06/02/2019

ປະຕິທິນ

Feb-2019
S M T W T F S
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ