ກອງປະຊຸມວຽກງານກວດກາ ປະຈຳປີ 2018 ຂອງຄະນະກວດກາ

   ວັນທີ 25 ມີນາ 2019 ອົງການໄອຍະການປະຊາຊົນສູງສຸດ ໄດ້ຈັດສະຫຼຸບວຽກງານກວດກາ ປະຈຳປີ 2018 ທີ່ຫ້ອງປະຊຸມໃຫ່ຍ ຂອງອົງການໄອຍະການປະຊາຊົນສູງສຸດ, ໂດຍພາຍໃຕ້ການເປັນປະທານຂອງ ທ່ານ ບຸນຍັງ ຈັນດາລະສານ ຄະນະປະຈຳພັກ, ປະທານກວດກາ, ຮອງຫົວໜ້າອົງການໄອຍະການປະຊາຊົນສູງສຸດ, ມີບັນດາທ່ານໃນຄະນະບໍລິຫານງານພັກ ຂອງອົງການໄອຍະການປະຊາຊົນສູງສຸດ, ຄະນະໜ່ວຍພັກ ຂອງບັນດາກົມ, ຫ້ອງການ ແລະ ສະຖາບັນຄົ້ນຄວ້າ-ຝຶກອົບຮົມໄອຍະການ, ຫົວໜ້າກົມ, ຮອງຫົວໜ້າກົມ, ຫົວໜ້າພະແນກ ແລະ ຮອງຫົວໜ້າພະແນກ ເຂົ້າຮ່ວມທັງໝົດ 110 ທ່ານ.

   ກອງປະຊຸມໄດ້ຜ່ານຮ່າງບົດສະຫຼຸບຕີລາຄາການຈັດຕັ້ງປະຕິບັດວຽກງານກວດກາ ປະຈຳປີ 2018 ແລະ ທິດທາງແຜນການເຄື່ອນໄຫວ ປະຈຳປີ 2019 ຂອງອົງການໄອຍະການປະຊາຊົນສູງສຸດ ແລະ ບົດສະຫຼຸບ ຂອງຄະນະກວດກາພັກ-ອົງການກວດກາລັດຖະບານ, ເຜີຍແພ່ບົດໂອ້ລົມ ຂອງ ທ່ານປອ ບຸນທອງ ຈິດມະນີ ກຳມະການກົມການເມືອງສູນກາງພັກ, ເລຂາທິການສູນກາງພັກ, ຮອງນາຍົກລັດຖະມົນຕີ, ປະທານຄະນະກວດກາສູນກາງພັກ, ປະທານອົງການກວດກາລັດຖະບານ ແລະ ຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງ ຕໍ່ກອງປະຊຸມວຽກງານກວດກາທົ່ວປະເທດ ປະຈຳປີ 2018 ແລະ ເອກະສານຄຳແນະນຳ ຂອງອົງການກວດກາລັດຖະບານ ສະບັບເລກທີ 419/ອກລ, ລົງວັນທີ 04 ທັນວາ 2018 ກ່ຽວກັບການຈັດຕັ້ງປະຕິບັດກົດໝາຍວ່າດ້ວຍການກວດກາລັດ (ສະບັບປັບປຸງ).

by:ຈະເລີນສິນ

26/03/2019

ປະຕິທິນ

Jun-2019
S M T W T F S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ