ຫວນຄືນມູນເຊື້ອ ວັນສ້າງຕັ້ງພັກປະຊາຊົນປະຕິວັດລາວ

      ເນື່ອງໃນວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 64 ປີ (22/03/1955 - 22/03/2019) ໃນຕອນເຊົ້າຂອງວັນທີ 02 ເມສາ 2019. ອົງການໄອຍະການປະຊາຊົນສູງສຸດ ໄດ້ຈັດ ປາຖະກະຖາຫວນຄືນມູນເຊື້ອ ວັນສ້າງຕັ້ງພັກປະຊາຊົນປະຕິວັດລາວ ຂື້ນ ເປັນກຽດເຜີຍແຜ່ເອກະສານໃນຄັ້ງນີ້ໂດຍ  ສະຫາຍ ຄໍາສານ ສຸວົງ ກໍາມະການສູນກາງພັກ, ເລຂາຄະນະບໍລິຫານງານພັກ, ຫົວໜ້າອົງການໄອຍະການປະຊາຊົນສູງສຸດ; ມີຄະນະພັກ-ຄະນະນໍາອົງການໄອຍະການປະຊາຊົນສູງສຸດ, ຄະນະນຳຫ້ອງການ, ບັນດາທ່ານຄະນະນຳກົມ, ຄະນະນຳສະຖາບັນຄົ້ນຄວ້າ ແລະ ຝຶກອົບຮົມໄອຍະການ, ອົງການໄອຍະການປະຊາຊົນພາກກາາງ, ພ້ອມດ້ວຍສະມາຊິກພັກ, ພະນັກງານລັດຖະກອນທັງໝົດ 200 ກວ່າທ່ານ.

       ສະຫາຍເລຂາຄະນະບໍລິຫານງານພັກ, ຫົວໜ້າອົງການໄອຍະການປະຊາຊົນສູງສຸດ ໄດ້ກ່າວວ່າ: ເນື່ອງໃນ ວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 64 ປີ (22/03/1955-22/03/2019) ຊື່ງ ເປັນວັນທີ່ມີຄວາມໜາຍຄວາມສຳຄັນ ຂອງ ຊາດ ກໍຄື ຂອງ ສປປ ລາວ ຕະຫຼອດໄລຍະໃນການຕໍ່ສູ້ປົດປ່ອຍຊາດ ໂດຍພາຍໃຕ້ ການຊີ້ນໍາ-ນໍາພາຂອງພັກປະຊາຊົນປະຕິວັດລາວ ຕໍ່ສູ້ຕ້ານການຮຸກຮານຂອງຈັກກະພັດ ແລະ ລູກມືປະຕິການຂາຍຊາດໃນແຕ່ລະໄລຍະທີ່ຜ່ານມາຢ່າງດຸເດືອດຂ້ຽວຂາດ  ແລະ ກ້າວໄປເຖີງການປົດປ່ອຍປະເທດຊາດຢ່າງສົມບູນ.   ໃນນາມສະມາຊິກ ພັກປະຊາຊົນ ປະຕິວັດລາວ ກໍ່ຄື ໃນນາມ ຄະນະພັກ-ຄະນະນໍາ ອົງການໄອຍະການປະຊາຊົນສູງສຸດ ຮູ້ສຶກພາກພູມໃຈເປັນຢ່າງຍິ່ງທີ່ເຫັນປະເທດຊາດມີຄວາມເປັນເອກະລາດ ແລະ ມີການພັດທະນາຢ່າງຕໍ່ເນື່ອງ ຍ້ອນພາຍໃຕ້ແສງສະຫວ່າງຂອງລັດທິມາກ-ເລນິນ ແລະ ພັກຄອມມູນິດອິນດູຈີນ ກໍ່ຄືຄວາມຮຽກຮ້ອງຕ້ອງການໜ້າທີ່ການເມືອງພັກປະຊາຊົນ ປະຕິວັດລາວ ຈຶ່ງໄດ້ກໍາເນິີດຂື້ນເພື່ອນໍາພາປະຊາຊົນບັນດາເຜົ່າຕໍ່ສູ້ປົດປ່ອຍຊາດອອກຈາກແອກປົກຄອງຂອງຈັກກະພັດຕ່າງດ້າວ ແລະ ລະບອບສັກດິນາ ສະຖາປະນາເປັນສາທາລະນະລັດ ປະຊາທິປະໄຕ ປະຊາຊົນລາວ ຂື້ນໃນວັນທີ 2 ທັນວາ 1975

      ຜົນງານດັ່ງກ່າວແມ່ນຍ້ອນການນໍາພາອັນສະຫຼາດສ່ອງໃສ ແລະ ປີຊາສາມາດຂອງ ພັກປະຊາຊົນ ປະຕິວັດລາວ ເຊິ່ງໄດ້ເຕີບໃຫ່ຍ ຂະຫຍາຍຕົວ ແລະ ເຂັ້ມແຂງ ເປັນກ້າວໆມາ. ຄຽງຄູ່ກັບການປັງປຸງບູລະນະລະບົບອໍານາດລັດ ປະຊາທິປະໄຕ ປະຊາຊົນ ຕາມແນວທາງປ່ຽນແປງໃໝ່ຢ່າງຮອບດ້ານ ແລະ ມີຫຼັກການ ຂອງ ພັກ ກໍ່ຄືພາລະກິດປົກປັກຮັກສາໝາກຜົນຂອງການປະຕິວັດ ແລະ ການສ້າງສາພັດທະນາປະເທດຊາດ, ອົງການໄອຍະການປະຊາຊົນ ກໍ່ ໄດ້ປະກອບສ່ວນຢ່າງຕັ້ງໜ້າເຂົ້າໃນພາລະກິດດັ່ງກ່າວເປັນຕົ້ນປົກປ້ອງຄວາມຍຸຕິທໍາ, ນອກຈາກນັ້ນ, ຍັງໄດ້ສ້າງ ແລະ ປັບປຸງກົດໝາຍ ໃນຂົງເຂດຍຸຕິທໍາ ກໍ່ຄືຂົງເຂດອື່ນໆ ເປັນບ່ອນອີງໃນການເຄືອນໄຫວຮັບໃຊ້ໜ້າທີການເມືອງ ລະບົບກົງຈັກການຈັດຕັ້ງ ບຸກຄະລາກອນ ຂອງ ອົງການໄອຍະການປະຊາຊົນແຕ່ລະຂັ້ນ ໂດຍສະເພາະ ເຂດ, ແຂວງ ແລະ ນະຄອນຫຼວງ ແຕ່ຂັ້ນສູນກາງລົງເຖິງທ້ອງຖິ່ນໃຫ້ມີຄວາມເຂັ້ມແຂງໜັກແໜ້ນປະຕິບັດສິດ ແລະ ໜ້າທີ່ຮັບໃຊ້ປະຊາຊົນ ໂດຍປະຊາຊົນ ແລະ ເພື່ອຜົນປະໂຫຍດຂອງປະຊາຊົນລາວບັນດາເຜົ່າ.

by:sack

02/04/2019

ປະຕິທິນ

Oct-2019
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ