ຄະນະນຳອົງການໄອຍະການປະຊາຊົນສູງສຸດ ຕ້ອນຮັບຄະນະຜູ້ແທນ ມູນນິທິ ຮັນໄຊເດັນ

   ໃນຄັ້ງວັນທີ 04 ເມສາ 2019 ເວລາ 16:00 ຫາ 17:00 ໂມງ ທີ່ຫ້ອງຮັບແຂກ ຊັ້ນ 02 ຂອງອົງການໄອຍະການປະຊາຊົນສູງສຸດ, ໂດຍໃຫ້ກຽດຕ້ອນຮັບຂອງ ທ່ານ ໄຊຊະນະ ໂຄດພູທອນ ຮອງຫົວໜ້າອົງການໄອຍະການປະຊາຊົນສູງສຸດ, ກົມແຜນການ ແລະ ຮ່ວມມືກັບຕ່າງປະເທດ, ກົມຕິດຕາມກວດກາການດຳເນີນຄະດີແພ່ງ ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ນາງ ດຣ. ຊູຊານເນີ ລູດເທີ ຫົວໜ້າສະຖາບັນຮ່ວມມືກັບຕ່າງປະເທດ ແລະ ມູນນິທິ ຮັນໄຊເດັນ ປະເທດເຢຍລະມັນ ພ້ອມດ້ວຍຄະນະ ລວມທັງໝົດ 04 ທ່ານ.

   ຈຸດປະສົງການເຂົ້າພົບປະຢ້ຽມຂໍ່ານັບຂອງ ທ່ານ ດຣ. ຊູຊານເນີ ລູດເທີ ຫົວໜ້າສະຖາບັນຮ່ວມມືກັບຕ່າງປະເທດ ແລະ ມູນນິທິ ຮັນໄຊເດັນ ໃນຄັ້ງນີ້ແມ່ນເພື່ອປະຊຸມປຶກສາຫາລື ເສີມຂະຫຍາຍກ່ຽວກັບການພົວພັນຮ່ວມມືທີ່ດີໃນໄລຍະຜ່ານມາໃຫ້ມີຄວາມເຂັ້ມແຂງ ທາງດ້ານກົດໝາຍ ເພື່ອສຸມໃສ່ທາງດ້ານການຂຽນປື້ມຄູ່ມືການເຂົ້າປະຊຸມສານ, ເຜີຍແຜ່ປື້ມຄູ່ມືສົ່ງຜູ້ຮ້າຍຂ້າມແດນ, ແຜນຝຶກອົບຮົມ, ແລກປ່ຽນບົດຮຽນການເຮັດວຽກງານຮ່ວມກັນຕະຫຼອດໄລຍະຜ່ານມາ ແລະ ແຜນການຮ່ວມມືໃນອະນາຄົດ ລະຫວ່າງ ອົງການໄອຍະການປະຊາຊົນສູງສຸດ ແລະ ມູນນິທິ ຮັນໄຊເດັນ ໃນອະນາຄົດ ຢ່າງມີປະສິດທິຜົນ.

by:ແສງພະຈັນ

08/04/2019

ປະຕິທິນ

Jun-2019
S M T W T F S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ