ອົງການໄອຍະການປະຊາຊົນ ເຊືອມຊືມເອກະສານດຳເນີນຊີວິດການເມືອງພາຍໃນພັກ

       ໃນຕອນເຊົ້າຂອງວັນທີ 24 ເມສາ 2019; ທີ່ ອົງການໄອຍະການປະຊາຊົນສູງສຸດ ໄດ້ເປີດກອງປະຊຸມວ່າດ້ວຍການເຊື່ອມຊືມເອກະສານດຳເນີນຊິວິດການເມືອງພາຍໃນພັກ ຂື້ນ ໂດຍການເປັນປະທານ ຂອງ  ສະຫາຍ ຄຳສານ ສຸວົງ ກຳມະການສູນກາງພັກ, ເລຂາຄະນະບໍລິຫານງານພັກ, ຫົວໜ້າອົງການໄອຍະການປະຊາຊົນສູງສຸດ, ມີ ບັນດາສະຫາຍໃນຄະນະບໍລິຫານງານພັກ ອົງການໄອຍະການປະຊາຊົນສູງສຸດ, ບັນດາເລຂາໜ່ວຍພັກ ທີ່ຂື້ນກັບ ອົງຄະນະພັກອົງການໄອຍະການປະຊາຊົນສູງສຸດ ແລະ ບັນດາສະມາຊິກພັກທັງໜົດພາຍໃນອົງການໄອຍະການປະຊາຊົນສູງສຸດເຂົ້າຮ່ວມ ຈໍານວນ 160 ສະຫາຍ.

      ໃນກອງປະຊຸມເຊື່ອມຊືມເອກະສານດໍາເນີນຊິວິດການເມືອງພາຍໃນພັກໃນຄັ້ງນີ້ ທ່ານ ຫົວໜ້າອົງການໄອຍະການປະຊາຊົນສູງສຸດ ໄດ້ເນັ້ນໜັກໃຫ້ ສະຫາຍສະມາຊິກພັກ ຂອງ ອົງການໄອຍະການປະຊາຊົນສູງສຸດ ໃຫ້ເຂົ້າໃຈ ແລະ ກໍາແໜ້ນຕໍ່ແນວທາງຂອງພັກ, ມີມູນເຊື້ອເຫັນໄດ້ຄວາມໜາຍ ແລະ ຄວາມສໍາຄັນກ່ຽວກັບຄວາມສາມັກຄີເປັນເອກະພາບພາຍໃນພັກ, ມີແບບແຜນໃນການນຳພາປະຕິບັດໜ້າທີ່ການເມືອງ ແລະ ຄວາມເປັນແບບຢ່າງນໍາໜ້າຂອງພັກ, ມີຄວາມດຸໜັ່ນ, ພາກພຽນ, ປະຢັດ, ສັດຊື່, ປອດໃສ, ມີລະບຽບວີໄນ ແລະ ເຄົາລົບກົດໜາຍ  ເນື້ອໃນການເຊື່ອມຊືມເອກະສານດຳເນີນຊີວິດການເມືອງໃນຄັ້ງນີ້ ມີ 3 ເນື້ອໃນຄື: ໜື່ງ:  ເສີມຂະຫຍາຍມູນເຊື້ອ ແລະ ຄວາມສາມັກຄີພາຍໃນພັກ  ສອງ  ຍົກສູງຄວາມສາມັກຄີນໍາພາ ແລະ ຄວາມເປັນແບບຢ່າງນໍາໜ້າຂອງພັກ  ສາມ ຕັ້ງໜ້າຝຶກຝົນຫຼໍ່ຫຼອມຄຸນທາດການເມືອງ ແລະ ຄຸນສົມບັດສີນທຳປະຕິວັດ.

     ຈາກນັ້ນ ທ່ານ ຫົວໜ້າ ອົງການໄອຍະການປະຊາຊົນສູງສຸດ ກໍຍັງໄດ້ ເຜີຍແຜ່ ແຈ້ງການແນະນຳກ່ຽວກັບການດຳເນີນຊີວິດການເມືອງພາຍໃນພັກເພື່ອກ້າວເຂົ້າສູ່ກອງປະຊຸມໃຫ່ຍຂັ້ນຂອງຕົນ ແລະ ແນະນຳກາານດຳເນີນກອງປະຊຸມໃຫ່ຍຂອງບັນດາໜ່ວຍພັກທີ່ຂື້ນກັບ ອົງຄະນະພັກ ອົງການໄອຍະການປະຊາຊົນສູງສຸດ ເພື່ອໃຫ້ພະນັກງານສະມາຊິກພັກອົງການໄອຍະການ ໃຫ້ເຂົ້າໃຈ ແລະ ປະຕິບັດຕາມສິດໜ້າທີ່-ທີ່ ພັກ-ລັດ ມອບໜາຍໃຫ້ຢ່າງເຂັ້ມງວດ ແລະ ມີຜົນເປັນຈິງ.

by:sack

24/04/2019

ປະຕິທິນ

May-2019
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ