ຄະນະພັກ-ຄະນະນຳອົງການໄອຍະການປະຊາຊົນສູງສຸດ ລະນຶກວັນກຳມະກອນສາກົນ 1 ພຶດສະພາ ຄົບຮອບ 133 ປີ

   ຕອນເຊົ້າ ວັນທີ 03 ພຶດສະພາ 2019 ຢູ່ທີ່ສະໂມສອນ ຂອງອົງການໄອຍະການປະຊາຊົນສູງສຸດ ໄດ້ຈັດຕັ້ງການປາຖະກະຖາ ວັນກຳມະກອນສາກົນ 1 ພຶດສະພາ 2019 ຄົບຮອບ 133 ປີ (1 ພຶດສະພາ 1886-1 ພຶດສະພາ 2019), ໃຫ້ກຽດປາຖະກະຖາໂດຍແມ່ນ ທ່ານ ອິນແປງ ໝື່່ນວິເສດ, ຄະນະບໍລິຫານງານສູນກາງກໍາມະບານລາວ, ຫົວໜ້າກົມພົວພັນຕ່າງປະເທດ ສູນກາງກຳມະບານລາວ, ເຂົ້າຮ່ວມມີ ທ່ານ ຫົວໜ້າ-ຮອງຫົວໜ້າຫ້ອງການ, ທ່ານ ຫົວໜ້າກົມ-ຮອງກົມ, ຫົວໜ້າພະແນກ-ຮອງຫົວໜ້າພະແນກ ພ້ອມດ້ວຍວິຊາການເຂົ້າຮ່ວມ ຈຳນວນ 150 ກວ່າຄົນ.

   ໂອກາດອັນສຳຄັນ ທ່ານ ອິນແປງ ໝື່່ນວິເສດ ໄດ້ຍົກໃຫ້ເຫັນປະຫວັດການກຳເນີດ ແລະ ເຕີບໃຫ່ຍຂະຫຍາຍຕົວຂອງຊົນຊັ້ນກຳມະກອນ ຊາວຜູ້ອອກແຮງງານ ແລະ ພາລະກໍາປະຫວັດສາດຂອງຂະບວນການກຳມະກອນສາກົນ, ສະພາບຈຸດພິເສດການຕໍ່ສູ້ຂອງຊົນຊັ້ນກຳມະກອນທົ່ວໂລກ, ພາລະກໍາປະຫວັດສາດ ແລະ ລັກສະນະດີເລີດຂອງຊົນຊັ້ນກຳມະກອນສາກົນ; ກຳມະກອນລາວ ກັບການປະກອບສ່ວນເຂົ້າໃນພາລະກິດຕໍ່ສູ້ປົດປ່ອຍຊາດ, ການປົກປັກຮັກສາ ແລະ ພັດທະນາປະເທດຊາດ, ການເສີມຂະຫຍາຍມູນເຊື້ອອັນດີງາມຂອງຊົນຊັ້ນກຳມະກອນລາວ.

ທັ້ງນີ້ ກໍເພື່ອເປັນການໂຄສະນາສຶກສາອົບຮົມໃຫ້ແກ່ສະມາຊິກກຳມະບານ, ກຳມະກອນ ແລະ ຊາວຜູ້ອອກແຮງງານລາວໃຫ້ຮັບຮູ້, ເຂົ້າໃຈກ່ຽວກັບມູນເຊື້ອວັນກຳມະກອນສາກົນ, ການເຕີບໃຫ່ຍຂະຫຍາຍຕົວຂອງກຳມະກອນສາກົນ ຕິດພັນກັບການເຕີບໃຫ່ຍຂະຫຍາຍຕົວຂອງຊົນຊັ້ນກຳມະກອນລາວ.

   ຈາກນັ້ນ ທ່ານ ຍັງໄດ້ເນັ້ນໃຫ້ປະທານກຳມະບານ ອົງການໄອຍະການປະຊາຊົນສູງສຸດ ເອົາໃຈໃສ່ປຸກລະດົມ ແລະ ສ້າງຈິດສຳນຶກໃຫ້ແກ່ສະມາຊິກກຳມະບານ, ໃຫ້ມີຄວາມບຸກບືນ, ຕັ້ງໜ້າປະກອບສ່ວນເຂົ້າໃນການເຄື່ອນໄຫວວຽກງານກຳມະບານ ແລະ ເພື່ອເປັນການປຸກລະດົມສ້າງຂະບວນການແຂ່ງຂັ້ນ ໃນການປະຕິບັດໜ້າທີ່ວິຊາສະເພາະ, ມີລະບຽບວິໄນໃນການອອກແຮງງານ ແລະ ປະຕິບັດຂໍ້ແຂ່ງຂັນ 05 ເປັນເຈົ້າ ຂະສະຫະພັນກຳມະບານລາວ ຕິດພັນກັບຂໍ້ແຂ່ງຂັນ ຮັກຊາດ ແລະ ພັດທະນາ ໃຫ້ເປັນຂະບວນການຟົດຟື້ນ

by:ແສງພະຈັນ

06/05/2019

ປະຕິທິນ

May-2019
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ