ຜົນສຳເລັດໃນການຝືກອົບຮົມວຽກງານ ໄອທີ

      ໃນຕອນເຊົ້າວັນທີ 30 ເມສາ 2019 ທີ່ ຫ້ອງການ ອົງການໄອຍະການປະຊາຊົນສູງສຸດ ໄດ້ມີ ພິທິມອບ-ຮັບ ໃບຢັ້ງຢືນ ຂອງ ທ່ານ ຫົວໜ້າ ອົງການໄອຍະການປະຊາຊົນສູງສຸດ ໃຫ້ແກ່ນັກສຳມະນາກອນ ທີ່ໄດ້ເຂົ້າຮ່ວມຝືກອົບຮົມວຽກງານ ໄອທີ ໃນພິທິ ມອບໃບຢັ້ງຢືນ ໂດຍການໃຫ້ກຽດເປັນປະທານ ຂອງ ທ່ານ ຈັນທະບູນ ເພັງຄຳໃສ ຮອງຫົວໜ້າ ຫ້ອງການ ອົງການໄອຍະການປະຊາຊົນສູງສຸດ, ມີຄະນະຮັບຜິດຊອບ ແລະ ນັກສຳມະນາກອນ ເຂົ້າຮ່ວມທັງໜົດ 19 ທ່ານ. 

          ການຝືກອົບຮົມວຽກງານ ໄອທີ ໃນຄັ້ງນີ້ແມ່ນຈັດຂື້ນໂດຍ ຫ້ອງການໄອຍະການປະຊາຊົນສູງສຸດ ໃນຫົວຂໍ້ “ ໄມໂຄຊ໊ອບເອກເຊວ 2010 ” ໂດຍມີຜູ້ເຂົ້າຮ່ວມ ມາຈາກ ຫ້ອງການການ ອົງການໄອຍະການປະຊາຊົນສູງສຸດ, ບັນດາກົມ, ອົງການໄອຍະການປະຊາຊົນນະຄອນຫຼວງ, ອົງການໄອຍະການປະຊາຊົນ 4 ເຂດ ນະຄອນຫຼວງ ຈໍານວນ 09 ທ່ານ, ຍິງ 03 ທ່ານ. ການຝືກອົບຮົມໄດ້ເລີ້ມແຕ່ວັນທີ 01 ເມສາ 2019 ຫາ 12 ເມສາ 2019 ໂດຍການເປັນອາຈານສອນຂອງທ່ານ ປອ ລີຍອງໂຮ ຊ່ຽວຊານ ໄອຊີທີ ສ. ເກົາຫຼີ ໃນພິທີ ດັ່ງກ່າວ ຄະນະຮັບຜິດຊອບໄດ້ຜ່ານບົດລາຍງານ ຜົນສໍາເລັດໃນການຝືກອົບຮົມວຽກງານ ໄອທີ ໃນຫົວຂໍ້ “  ໄມໂຄຊ໊ອບເອັກເຊວ 2010  ຊຸດທີ III ”

ທ່ານ ປອ ລີຢອງໂຮ ຊຽວຊານ ໄອທີຊີ ສ. ເກຼົາຫຼີ ຝືກອົບຮົມວຽກງານ ໄອທີ ທີ່ຫ້ອງ ຝືກອົບຮົມ

       ຈາກນັ້ນ, ທ່ານ ຮອງຫົວໜ້າຫ້ອງການ ອົງການໄອຍະການປະຊາຊົນສູງສຸດ ໄດ້ມີຄວາມເຫັນ ແລະ ໃຫ້ທິດຊີ້ນໍາໃນການຈັດຕັ້ງປະຕິບັດຕໍ່ໜ້າ ໂດຍສະເພາະ ເນັ້ນໃສ່ບັນຫາ ຕໍ່ນັກສຳມະນາກອນ ທີ່ໄດ້ຮຽນສຳເລັດແລ້ວໃຫ້ໄປໜູນໃຊ້ເຂົ້າສູ່ວຽກງານຂອງຕົນເອງເພື່ອໃຫ້ມີປະສິດທິຜົນໃນການຕອບສະໜອງຕາມ 04 ແຜນງານ, 21 ໂຄງການ ຂອງ ອົງການໄອຍະການປະຊາຊົນສູງສຸດ ທີ່ໄດ້ກໍານົດໄວ້ ເພື່ອເຮັດໃຫ້ວຽກ ໄອທີ ຢູ່ ອົງການໄອຍະການປະຊາຊົນ ແຕ່ລະຂັ້ນໃດ້ຮັບການປັບປຸງໃຫ້ທັນສະໄຫມເທືອລະກ້າວ.

by: ແສງຈັນ

09/05/2019

ປະຕິທິນ

May-2019
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ