ຜົນສຳເລັດການດຳເນີນຊີວິດການເມືອງທ້າຍສະໄຫມ ຂອງ ໜ່ວຍພັກ ອົງການໄອຍະການປະຊາຊົນ ແຂວງ ສາລະວັນ

       ໃນລະຫວ່າງວັນທີ 29-30 ເມສາ 2019 ແລະ ຕອນເຊົ້າຂອງວັນທີ 2 ພຶດສະພາ 2019 ລວມເປັນສອງວັນເຄີ່ງ, ຢູ່ທີ່ຫ້ອງປະຊຸມອົງການໄອຍະການປະຊາຊົນ ແຂວງ ສາລະວັນ ໄດ້ເປີດກອງປະຊຸມດຳເນີນຊີວິດການເມືອງທ້າຍສະໄຫມຂອງໜ່ວຍພັກຮາກຖານຄັ້ງທີ III ຂອງ ອົງການໄອຍະການປະຊາຊົນ ແຂວງ ສາລະວັນ ໂດຍການເປັນປະທານ ຂອງສະຫາຍ ຄຳປຸ່ນ ອາໄພຈິດ ເລຂາໜ່ວຍພັກ, ຮັກສາການ ຫົວໜ້າອົງການໄອຍະການປະຊາຊົນ ແຂວງ ສາລະວັນ ໂດຍໃຫ້ກຽດເຂົ້າຮ່ວມ ຂອງ ສະຫາຍ ຄໍາຈັນ ແຈ່ມສະໜອນ ກຳມະການປະຈໍາພັກແຂວງ, ປະທານກວດກາ ແຂວງ ສາລະວັນ, ຕາງໜ້າການນຳຂັ້ນແຂວງ, ມີແຂກຮັບເຊີນຈາກຄະນະກວດກາແຂວງ, ຄະນະຈັດຕັ້ງແຂວງ, ພະແນກພາຍໃນແຂວງ, ຫ້ອງວ່າການປົກຄອງແຂວງ ແລະ ສະມາຊີກພັກພາຍໃນອົງການໄອຍະການປະຊາຊົນ ແຂວງ ສາລະວັນ ເຂົ້າຮ່ວມທັງໜົດ 22 ສະຫາຍ ຍິງ 07 ສະຫາຍ.

       ກອງປະຊຸມໄດ້ເຜີຍແຜ່ບັນດາເອກະສານຕ່າງໆ ເພື່ອໃຫ້ສະມັກຊີກພັກໄດ້ເຊື່ອມຊືມ ແລະ ກຳແໜ້ນກ່ຽວກັບການປັບປຸງປົວແປງພັກໃຫ້ປອດໃສ, ເຂັ້ມແຂງ ແລະ ໜັກແໜ້ນ, ເຊື່ອມຊືມຄຳແນະນຳຂອງຄະນະຈັດຕັ້ງສູນກາງພັກກ່ຽວກັບການຈັດຕັ້ງປະຕິບັດຄຳສັ່ງຂອງຄະນະເລຂາທິການສູນກາງພັກ, ເຊື່ອມຊືມຄໍາສັ່ງຂອງຄະນະປະຈໍາພັກແຂວງ ວ່າດ້ວຍການກະກຽມດຳເນີນກອງປະຊຸມໃຫ່ຍຂອງຄະນະພັກແຂວງ, ອົງຄະນະພັກເມືອງ, ແລະ ຮາກຖານພັກ,ເຊື່ອມຊືມບົດແນະນໍາຂອງຄະນະກວດກາ ແຂວງ ກ່ຽວກັບການດຳເນີນຊີວິດການເມືອງພາຍໃນພັກ ເພື່ອກ້າວເຂົ້າສູ່ກອງປະຊຸມໃຫ່ຍ 03 ຂັ້ນຂອງພັກ, ນອກຈາກນັ້ນ, ຍັງໄດ້ສຸມໃສ່ປະກອບຄໍາຄິດຄໍາເຫັນຕໍ່ ຮ່າງ ບົດລາຍງານການເມືອງຂອງຄະນະໜ່ວຍພັກ, ຮ່າງບົດສະຫຼຸບການນຳພາລວມຂອງຄະນະໜ່ວຍພັກ ແລະ ຜ່ານຮ່າງແຜນພັດທະນາວຽກງານ ຂອງ ອົງການໄອຍະການປະຊາຊົນ ແຂວງ ສາລະວັນ ຢ່າງຟົດຟື້ນ ແລະ ເປັນເອກະພາບສູງໃນການຕົກລົງຜ່ານຮ່າງດັ່ງກ່າວໃຫ້ປະກົດຜົນເປັນຈິງ.

      ຈາກນັ້ນ, ສະຫາຍ ຄໍາຈັນ ແຈ່ມສະໜອນ ກຳມະການປະຈໍາພັກແຂວງ, ປະທານຄະນະກວດກາ ແຂວງ ສາລະວັນ ຕາງໜ້າການນໍາຂັ້ນແຂວງ ໄດ້ໃຫ້ຄໍາເຫັນທິດຊີ້ນຳໂດຍເນັ້ນໜັກໃຫ້ ຄະນະໜ່ວຍພັກ, ສະມາຊິກພັກ ຍົກສູງທາງດ້ານຄຸນທາດການເມືອງ, ຄຸນສົມບັດສີນທຳປະຕິວັດໃນດ້ານແບບແຜນນຳພາ ແລະ ວິທີເຮັດວຽກໃຫ້ມີປະສິດທິຜົນສູງກວ່າເກົ່າເພື່ອຮັບປະກັນໃນການຈັດຕັ້ງປະຕິບັດໜ້າທີ່ວຽກງານໃຫ້ມີຜົນສຳເລັດ.

by:SACK

14/05/2019

ປະຕິທິນ

May-2019
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ