ກອງປະຊຸມ ພົບປະ ສອງຝາ່ຍ ລະຫວ່າງ ອົງການໄອຍະການປະຊາຊົນສູງສຸດ ແຫ່ງ ສປປ ລາວ ແລະ ອົງການໄອຍະການສູງສຸດ ສ. ສີງກະໂປ

       ໃນຕອນເຊົ້າຂອງ ວັນທີ 11 ມິຖຸນາ 2019; ທີ່ ໂຮງແຮມລາວ ພຮາຊາ ນະຄອນຫລວງວຽງຈັນ ໄດ້ມີກອງປະຊຸມ ພົບປະ ສອງຝ່າຍ  ລະຫວ່າງ ຄະນະນຳອົງການໄອຍະການປະຊາຊົນສູງສຸດ ແລະ ຄະນະຜູ້ແທນຂັ້ນສູງຂອງອົງການໄອຍະການສູງສູດ ແຫ່ງ ສ.ສິງກະໂປ  ຕາງໜ້າໃຫ້ຄະນະນຳອົງການໄອຍະການປະຊາຊົນສູງສຸດ ທ່ານ ຄຳສານ ສຸວົງ ຫົວໜ້າອົງການໄອຍະການປະຊາຊົນສູງສຸດ ແລະ ຕາງໜ້າໃຫ້ຄະນະຜູ້ແທນຂັ້ນສູງ ອົງການໄອຍະການສູງສູດ ແຫ່ງ ສ.ສິງກະໂປ ທ່ານ ລູເຊີນ ວັອງ ຫົວໜ້າ ອົງການໄອຍະການສູງສຸດ ແຫ່ງ ສ. ສິງກະໂປ, ທ່ານ ໂດມີນິກ ໂກ ເອກອັກຄະລັດຖະທູດ ແຫ່ງ ສ. ສິງກະໂປ ປະຈໍາ ສປປ ລາວ ມີ ບັນດາ ທ່ານຫົວໜ້າກົມ, ຫົວໜ້າຫ້ອງການ ເຂົ້າຮ່ວມ ຈໍານວນທັງໜົດ 14 ທ່ານ.

          ໃນກອງປະຊຸມປຶກສາຫາລືຄັ້ງນີ້ທັງສອງຝ່າຍແມ່ນໄດ້ພົບປະແລກປ່ຽນບົດຮຽນກ່ຽວກັບການຮ່ວມມືກັນລະຫວ່າງ ອົງການໄອຍະການປະຊາຊົນສູງສຸດ ແລະ ອົງການໄອຍະການສູງສຸດ ສ. ສິງກະໂປ  ໂດຍ ໄດ້ຍົກໃຫ້ເຫັນວ່າ ສປປ ລາວ ແລະ ສ. ສິງກະໂປ ແມ່ນສອງປະເທດສະມາຊິກອາຊຽນ, ມີການພົວພັນ ແລະ ຮ່ວມມືກັນຢ່າງໃກ້ຊິດໃນຂົງເຂດການຄ້າ, ການລົງທືນ, ການທ່ອງທ່ຽວ, ແລະ ຂົງເຂດອື່ນໆ ການພົວພັນຮ່ວມມື ລະຫວ່າງ ສອງລັດ ແລະ ປະຊາຊົນສອງຊາດ ລາວ-ສິງກະໂປ, ສິງກະໂປ-ລາວ  ແມ່ນໄດ້ຮັບການຍົກສູງຂື້ນຢ່າງບໍ່ຢຸດຢັ້ງ ໂດຍ ມີການຢ້ຽມຢາມຂອງຄະນະຜູ້ແທນຂັ້ນສູງຂອງສອງຝ່າຍຢ່າງເປັນປົກກະຕິ ໃນໄລຍະຜ່ານມາ ປີ 2000 ຄະນະຜູ້ແທນ ອົງການໄອຍະການປະຊາຊົນສູງສຸດ ໄດ້ໄປແລກປ່ຽນບົດຮຽນວຽກງານສິດທິເດັກ ທີ່ ອົງການໄອຍະການສູງສຸດ ປະເທດສິງກະໂປ,  ປີ 2011 ຄະນະຜູ້ແທນໄອຍະການປະຊາຊົນສູງສຸດ ໄດ້ເຂົ້າຮ່ວມກອງປະຊຸມຫົວໜ້າອົງການໄອຍະການ ອາຊຽນ-ຈີນ ຄັ້ງທີ່ 07 ທີ່ປະເທດສີງກະໂປ  ແລະ ຕົ້ນປີ 2018 ອົງການໄອຍະການປະຊາຊົນສູງສຸດ ກໍໄດ້ຕ້ອນຮັບ ຄະນະຜູ້ແທນ ອົງການໄອຍະການສູງສຸດ ສ. ສິງກະໂປ ສອງ ຄະນະ   ແລະ ກາງປີ 2018 ຄະນະຜູ້ແທນ ອົງການໄອຍະການປະຊາຊົນສູງສຸດ ກໍໄດ້ເດີນທາງໄປຮ່ວມກອງປະຊຸມຫົວໜ້າ ອົງການໄອຍະການສູງສຸດ ອາຊຽນ ທີ່ ປະເທດສີງກະໂປ  ທັງໜົດນັ້ນໄດ້ປະກອບສ່ວນສຳຄັນເຂົ້າໃນການເສີມຂະຫຍາຍການພົວພັນຮ່ວມມືລະຫວ່າງສອງລັດ ແລະ ປະຊາຊົນສອງຊາດ ລາວ-ສີງກະໂປ, ສິງກະໂປ-ລາວ ໄດ້ຮັບການເສີມຂະຫຍາຍນັບມື້ນັບແໜ້ນແຟ້ນຢ່າງບໍ່ຢຸດຢັ້ງ.

      ໃນໂອກາດ ພົບປະ  ທ່ານ ຄໍາສານ ສຸວົງ ຫົວໜ້າອົງການໄອຍະການປະຊາຊົນສູງສຸດ ຕາງໜ້າໃຫ້ຄະນະນໍາອົງ ການໄອຍະການປະຊາຊົນສູງສຸດ ສະແດງຄວາມປິຕິຊົມຊື່ນເປັນຢ່າງຍິ່ງ ທີ່ ໄດ້ຮັບຕ້ອນຄະນະຜູ້ແທນຂັ້ນສູງ ອົງການໄອຍະການສູງສູດ ແຫ່ງ ສ.ສິງກະໂປ ທີ່ ໄດ້ມາຢ້ຽມຢາມ ແລະ ແລກປ່ຽນບົດຮຽນໃນຄັ້ງນີ້. ໃນການມາຢ້ຽມຢາມຄັ້ງນີ້ ແມ່ນເປັນການເສີມຂະຫຍາຍສາຍພົວພັນຮ່ວມມືຮອບດ້ານ ໂດຍໄດ້ກຳນົດຂົງເຂດການຮ່ວມມື ເຊັ່ນ: ການແລກປ່ຽນການຢ້ຽມຢາມເຮັດວຽກທາງການ, ການຝຶກອົບຮົມ, ການສຳມະນາ ແລະ ອື່ນໆ  ກໍຄືສອງອົງການໄອຍະການປະຊົນລາວ-ສີງກະໂປ, ສີງກະໂປລາວ ໃຫ້ແຕກດອກອອກຜົນຍິ່ງຂື້ນ.

     ຈາກນັ້ນ, ຄະນະຜູ້ແທນທັງສອງຝ່າຍໄດ້ລົງນາມເຊັນບົດບັນທຶກຄວາມເຂົ້າໃຈ ລະຫວ່າງ ອົງການໄອຍະການປະຊາຊົນສູງສຸດ ແລະ ອົງການໄອຍະການສູງສຸດ ແຫ່ງ ສ. ສິງກະໂປ “ຄູ່ພາຄີ ແລະ ເອີ້ນສະເພາະ ພາຄີ ” ໂດຍເຂົ້າໃຈເຖິງ ຄວາມສໍາຄັນຂອງການສ້າງ, ເພີ້ມທະວີ ແລະ ພັດທະນາມິດຕະພາບ, ເພີ້ມທະວີການຮ່ວມມືໃນຂົງເຂດໄອຍະການ ໃນການຕ້ານອາຊະຍາກຳຂ້າມຊາດທີ່ມີການຈັດຕັ້ງ ແລະ ບັນດາຫຼັກການແຫ່ງຄວາມສະເໜິພາບ, ເຄົາລົບຄວາມເປັນເອກະລາດ, ອຳນາດອະທິປະໄຕ ແລະ ຜົນປະໂຫຍດຮ່ວມກັນ. ບົດບັນທຶກຄວາມເຂົ້າໃຈ ມີຜົນສັກສິດໃນມື້ລົງລາຍເຊັນ ແລະ ມີຜົນພາຍໃນໄລຍະ 5 ປີ.

by:SACK

11/06/2019

ປະຕິທິນ

Sep-2019
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ