ປະທານສະພາແຫ່ງຊາດ ຕ້ອນຮັບການຢ້ຽມຂໍ່ານັບ ຂອງ ຄະນະຜູ້ແທນຂັ້ນສູງ ອົງການໄອຍະການສູງສຸດ ສ. ສີງກະໂປ

       ໂດຍການຕອບສະໜອງໃນການຮ່ວມມື ລະຫວ່າງ ອົງການໄອຍະການປະຊາຊົນສູງສຸດ ແຫ່ງ ສປປ ລາວ ແລະ ອົງການໄອຍະການສູງສຸດ ແຫ່ງ ສ.ສີງກະໂປ. ຄະນະຜູ້ແທນຂັ້ນສູງ ອົງການໄອຍະການສູງສຸດ ແຫ່ງ ສ. ສີງກະໂປ ໄດ້ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ  ໃນລະຫວ່າງ ວັນທີ 10-12 ມິຖຸນາ 2019 ຢ່າງເປັນທາງການ.    ໃນໂອກາດມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນຕອນບ່າຍຂອງວັນທີ 11 ມິຖຸນາ 2019 ຄະນະຜູ້ແທນຂັ້ນສູງ ອົງການໄອຍະການສູງສຸດ ແຫ່ງ ສ. ສີງກະໂປ ນຳໂດຍ ທ່ານ ລູເຊີນ ວັອງ ຫົວໜ້າ ອົງການໄອຍະການສູງສຸດ ແຫ່ງ ສ. ສິງກະໂປ ພ້ອມດ້ວຍຄະນະຈໍານວນ 07 ທ່ານ,  ໄດ້ເຂົ້າຢ້ຽມຂໍ່ານັບ ທ່ານ ປານີ ຢ່າທໍ່ຕູ້  ປະທານສະພາແຫ່ງຊາດ ແຫ່ງ ສປປ ລາວ ທີ່ ຫ້ອງຮັບແຂກ ສະພາແຫ່ງຊາດ, ໂດຍການເຂົ້າຢ້ຽມຂໍ່ານັບຂອງ ຄະນະຜູ້ແທນຂັ້ນສູງ ສ.ສີງກະໂປ

      ໃນຄັ້ງນີ້ ແມ່ນເພື່ອນໍາເອົາເນື້ອໃນຈິດໃຈໃນການມາເຮັດວຽກ ແລະ ຢ້ຽມຢາມ ສປປ ລາວ  ລະຫວ່າງ ສອງ ອົງການໄອຍະການປະຊາຊົນສູງສຸດ ແຫ່ງ ສປປ ລາວ ແລະ ອົງການໄອຍະການສູງສຸດ ແຫ່ງ ສ. ສິງກະໂປ ໃນການຮ່ວມມື ແລະ ເສີມຂະຫຍາຍສາຍພົວພັນມິດຕະພາບລະຫວ່າງສອງອົງການໃຫ້ໃກ້ຊິດສະໜິດແໜ້ນກົ່ວເກົ່າ ໂດຍໄດ້ລາຍງານຜົນຂອງການ ພົບປະ ແລະ ເຊັນບົດບັນທືກຄວາມເຂົ້າໃຈ ລະຫວ່າງ ອົງການໄອຍະການປະຊາຊົນສູງສຸດ  ແຫ່ງ ສປປ ລາວ ແລະ ອົງການໄອຍະການສູງສຸດ ແຫ່ງ ສ.ສີງກະໂປ ໃນຄັ້ງວັນທີ 11 ມິຖຸນາ 2019 ທີ່ ໂຮງແຮມລາວພຣາຊາ, ເພື່ອໃຫ້ທ່ານປະທານສະພາແຫ່ງຊາດຊາບ.

      ໃນຕອນທ້າຍ ທ່ານ ປານີ ຢ່າທໍ່ຕູ້  ປະທານສະພາແຫ່ງຊາດ ກໍໄດ້ສະແດງຄວາມຍ້ອງຍໍຊົມເຊີຍຢ່າງສູງ ໃນການມາຢ້ຽມຢາມ ແລະ ເຮັດວຽກຢູ່ ສປປ ລາວ  ຂອງ ຄະນະຜູ້ແທນ ອົງການໄອຍະການສູງສຸດ ແຫ່ງ ສ. ສີງກະໂປ ເຊີ່ງ ທ່ານໄດ້ຍົກໃຫ້ເຫັນວ່າ ການມາຢ້ຽມຢາມ ແລະ ເຮັດວຽກໃນຄັ້ງນີ້ ກໍເພື່ອເປັນການເສີມຂະຫຍາຍສາຍພົວພັນການຮ່ວມມື ແລະ ການແລກປ່ຽນປ່ຽນບົດຮຽນເຊີງກັນ ແລະ ກັນ ໃນດ້ານຂົງເຂດກົດໜາຍ, ການຕ້ານ ແລະ ສະກັດກັ້ນອາຊະຍາກຳຂ້າມຊາດ, ການສັ່ງຟ້ອງອາຊະຍາກໍາຕ່າງໆ, ການກໍ່ສ້າງພະນັກງານ ແລະ ອືນໆ

     ພ້ອມນັ້ນ ກໍອວຍພອນໃຫ້ສາຍພົວພັນ ແລະ ການຮ່ວມມື ລະຫວ່າງ ອົງການໄອຍະການປະຊາຊົນ ແຫ່ງ ສປປ ລາວ ແລະ ອົງການໄອຍະການສູງສຸດ ແຫ່ງ ສ.ສີງກະໂປ ໃຫ້ເຕີບໃຫ່ຍຂະຫຍາຍຕົວນັບມື້ນັບແໜ້ນແຟ້ນ ແລະ ມີປະສິດຜົນຢ່າງບໍ່ຢຸດຢັ້ງ.

by:SACK

11/06/2019

ປະຕິທິນ

Aug-2019
S M T W T F S
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ