ການສໍາມະນາລຽກປ່ຽນບົດຮຽນ ລະຫວ່າງ ອົງການໄອຍະການປະຊາຊົນສູງສຸດ ແຫ່ງ ສປປ ລາວ ແລະ ອົງການໄອຍະການສູງສຸດ ແຫ່ງ ສ. ສິງກະໂປ

         ຕອນເຊົ້າຂອງວັນທີ 12 ມິຖຸນາ 2019 ທີ່ ອົງການໄອຍະການປະຊາຊົນສູງສຸດ ໄດ້ເປີດການສໍາມະນາ ແລກປ່ຽນບົດຮຽນ ລະຫວ່າງ ອົງການໄອຍະການປະຊາຊົນສູງສຸດ ແຫ່ງ ສປປ ລາວ  ແລະ ອົງການໄອຍະການສູງສຸດ ແຫ່ງ ສ. ສິງກະໂປ ໃນຫົວຂໍ້ “ ອົງການໄອຍະການສູງສຸດ ປະຕິບັດດູນພິນີດໄອຍະການ ຢູ່ປະເທດ ສິງກະໂປ ແລະ  ເຕັກນິກການສືບສວນ- ສອບສວນ ອາຊະຍາກຳຊາຍເບີ ” ໂດຍ ໄອຍະການອາວຸໂສສໍານານງານ ອົງການໄອຍະການສູງສຸດ ແຫ່ງ ສ. ສີງກະໂປ ໃຫ້ກຽດເປັນປະທານຮ່ວມໂດຍ ທ່ານ ຄຳສານ ສຸວົງ ຫົວໜ້າ ອົງການໄອຍະການປະຊາຊົນສູງສຸດ ແລະ ທ່ານ ລູເຊີນ ວັອງ ຫົວໜ້າອົງການໄອຍະການສູງສຸດ ແຫ່ງ ສ. ສິງກະໂປ, ມີບັນດາ ຫົວໜ້າກົມ, ຫົວໜ້າຫ້ອງການ, ສະຖາບັນຄົ້ນຄ້ວາ ແລະ ຝຶກອົບຮົບໄອຍະການ ພ້ອມດ້ວຍພະນັກງານອົງການໄອຍະການປະຊາຊົນສູງສຸດ ເຂົ້າຮ່ວມທັງໜົດ 100 ກວ່າທ່ານ.

       ຈຸດປະສົງເພື່ອແນ່ໃສ່ສ້າງຄວາມຮັບຮູ້ ແລະ ເຫັນໄດ້ຄວາມສໍາຄັນໃນການຮ່ວມມືການແກ້ໄຂການດຳເນີນຄະດີໃນຂັ້ນຕອນຕ່າງໆ ທັກສະທີ່ຈໍາເປັນໃນການສືບສວນ-ສອບສວນ ແລະ ອາຊະຍາກໍາທາງດ້ານຄອມພິວເຕີ້ ກໍ່ຄືຂັ້ນຕອນໃນການດໍາເນີນຄະດີທີ່ຕິດພັນກັບລະບົບຄອມພິວເຕີ ແລະ ລະບົບອິນເຕີເນັດ ເນື່ອງຈາກປະຈຸບັນໄດ້ມີການນໍາໃຊ້ລະບົບເຕັກໂນໂລຊີ ທີ່ທັນສະໄຫມໃນການຈັດເກັບ ແລະ ສົ່ງຂໍ້ມູນ ໃນນັ້ນໄດ້ເນັ້ນໃສ່ບັນຫາວິທີຈະດໍາເນີນຄະດີທີ່ຜູ້ກະທໍາຜິດທາງດ້ານອາຊະຍາກຳທາງຄອມພິວເຕີ ເຊັ່ນ:  ການປອມແປງຂໍ້ມູນ, ການໃສ່ຮ້າຍ, ການສ້າງຂໍ້ມູນທີ່ບໍ່ເປັນຈິງ ແລະ ການແຫກຂໍ້ມູນ, ການທຳທຸລະກຳທາງດ້ານການເງີນ.  

    ເພືອປະຕິບັດດູນພິນິດໃນການດຳເນີນຄະດີ ທີ່ຜູ້ກະທໍາຜິດຕ້ອງມີຂັ້ນຕອນ ແລະ ມີການຮ່ວມມືກັບພາກສ່ວນທີ່ຂ້ອງ ເຊັ່ນ: ພະນັກງານໄອຍະການ ທີ່ມີຄວາມຮູ້ທາງດ້ານຄອມພິວເຕີ, ພະນັກງານທີ່ຮັບຜິດຊອບ ແລະ ຊ່ຽວຊານທາງດ້ານການສອບສວນ-ສືບສວນ ອາຊະຍາກຳຊາຍເບີໂດຍກົງ ການສຳມະນາແມ່ນໄດ້ມີການແລກປ່ຽນບົດຮຽນ ເຊີ່ງກັນ ແລະ ກັນ ໃນການສ້າງຄວາມຮັບຮູ້ໃຫ້ແກ່ພະນັກງານໄອຍະການປະຊາຊົນ ແຫ່ງ ສປປ ລາວ ໃນການນໍາໄປໜູນໃຊ້ປະຕິບັດເຂົ້າສູ່ວຽກງານຕົວຈິງ.

by:SACK

14/06/2019

ປະຕິທິນ

Jul-2019
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ