ພິທີມອບ-ຮັບໃບຢັ້ງຢືນເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ

   ວັນ​ທີ 05 ມິຖຸນາ 2019 ເວລາ 14:30 ໂມງ, ​ໜ່ວຍ​ພັກ ​ອົງການ​ໄອ​ຍະ​ການ​ປະຊາຊົນ​ ແຂວງຫຼວງພະບາງ ​ໄດ້​ຈັດພິທີ ​ມອບ-ຮັບ ໃບ​ຢັ້ງ ຢືນ​ ເປັນ​ໜ່ວຍ​ພັກປອດໃສ, ເຂັ້ມແຂງ, ໜັກແໜ້ນ ສະ​ໄໝ​ທີ I ປະຈຳ​ປີ 2018, ທີ່​ຫ້ອງ​ປະຊຸມ​ຂອງ​ອົງການ​ໄອຍະການປະຊາຊົນແຂວງ ຫຼວງພະບາງ, ​ເປັນ​ກຽດ​​ເຂົ້າ​ຮ່ວມ​​ໂດຍ ສະຫາຍ ບົວທອງ​ ແພງ​ສະຫວັນ ​ຮອງເລຂາພັກແຂວງ ປະທານ​ກວດກາ ​ພັກ-ລັດ​ ແຂວງ​ຫຼວງ​ພະ​ບາງ ພ້ອມ​ດ້ວຍ​ຜູ້ຕ່າງ​ໜ້າ​ຈາກ​ພະແນ​ກການ​ອ້ອມ​ຂ້າງຕະຫຼອດ​ຮອດ​ ຫົວໜ້າ ​ອົງການ​ໄອ​ຍະ​ການປະຊາຊົນເຂດ ​ແລ​ະ ສະ​ມາ​ຊິກ​ພັກ ພາຍ​ໃນ​​ອົງການ​ໄອ​ຍະ​ການ​ປະຊາຊົນ​ແຂວງ.

   ໃນພິທີ ສະຫາຍ ບຸນເລື່ອມ ມະນີວົງ ກໍາມະການພັກແຂວງ, ເລຂາໜ່ວຍພັກ ຫົວໜ້າ ອົງການໄອຍະການປະຊາຊົນ ແຂວງຫຼວງ ພະບາງ ໄດ້ຜ່ານບົດສະຫຼຸບຕີ​ລາຄາ​ ການຈັດ​ຕັ້ງ​ປະຕິບັດ​ແຜນການ​ກໍ່ສ້າງ​ໜ່ວຍ​ພັກ​ປອດ​ໃສ,​ ​ເຂັ້ມ​ແຂງ, ໜັກ​ແໜ້ນ ປະຈໍາປີ 2018 ແລະ ທິດທາງແຜນການໃນການກໍ່ສ້າງໜ່ວຍພັກປອດໃສ,ເຂັ້ມແຂງ, ໜັກແໜ້ນ​ໃນປີ 2019. ໂດຍປະຕິບັດຕາມຄຳສັ່ງເເນາະນຳ ຂອງກົມການເມືອງສູນການພັກ ສະບັບເລກທີ 01/ກມສພ, ລົງວັນທີ 03 ມັງກອນ 2018 ວ່າດ້ວຍການເພີ່ມທະວີການກໍ່ສ້າງໜ່ວຍ ພັກປອດໃສ, ເຂັ້ມແຂງ, ໜັກແໜ້ນ. ຄຳສັ່ງແນະນຳ ສະບັບເລກທີ 291/ຄຈສພ, ລົງວັນທີ 26/06/2018 ກ່ຽວກັບວຽກງານຈັດ ຕັ້ງປະຕິບັດຄຳສັ່ງ ຂອງກົມການເມືອງສູນກາງພັກ ວ່າດ້ວຍການເພີ່ມທະວີ ການກໍ່ສ້າງພັກປອດໃສ, ເຂັ້ມແຂງ, ໜັກແໜ້ນ.

 

   ໜ່ວຍພັກໄດ້ນຳເອົາເນື້ອໃນມະຕິ​ຂອງ​ ພັກ-ລັດ ມາ​ຈັດ​ຕັ້ງ​ເຊື່ອມ​ຊືມ​ ໃຫ້​ສະມາຊິກ​ພັກ-ພະນັກງານ​ພາຍ​ໃນໜ່ວຍພັກ ອົງການໄອຍະ ການປະຊາຊົນແຂວງ ​ເຊິ່ງມີຈໍານວນສະມາຊິກພັກ 24 ສະຫາຍ, ຍິງ 11 ສະຫາຍ. ຈັດ​ປະ​ເພດ​ແຂງ 23 ສະຫາຍ, ຍິງ 10 ສະ​ຫາຍ, ປະ​ເພດ​ກາງ 01 ສະຫາຍ. ​ເຊັ່ນ​ ມະຕິກອງ​ປະຊຸມ​ສະພາ​ແຫ່ງ​ຊາດສະ​ໄໝສາມັນ​ເທື່ອ​ທີ່ V ຊຸດ​ທີ່ VIII, ມະຕິ VI ສ​ະ​ໄໝ​ທີ່ X ຂອງພັກ, ມະຕິ IX ສະ​ໄໝ​ທີ່ VII ຂອງແຂວງ, ມະຕິ​ກອງ​ປະຊຸມ​ສ​ໄໝ​ສາມັນ​ເທື່ອ​ທີ່ 6 ຂອງ​ສະພາ​ປະຊາຊົນ​ແຂວງ ​ແລະ ນິຕີິກຳ​ຕ່າງໆ ຫຼາຍສະບັບ. ເພື່ອຫັນມາເປັນແຜນງານ ໂຄງການ ໃນການຈັດຕັ້ງປະຕິບັດໜ້າທີ່ວຽກງານ, ເອົາໃຈໃສຢ່າງຕັ້ງໜ້າປະຕິບັດການກໍ່ສ້າ ງໜ່ວຍພັກ ປອດໃສ, ເຂັ້ມແຂງ, ໜັກແໜ້ນ. ໂດຍໄດ້ຖືເອົາການສຶກສາອົບຮົມການເມືອງ-ນຳພາແນວຄິດ ພະນັກງານ, ສະມາຊິກພັກ ແລະ ລັດຖະກອນໃນອົງການ​ໄອ​ຍະ​ການປະຊາຊົນແຂວງຢ່າງເປັນປົກກະຕິ, ເຮັດໃຫ້ສະມາຊິກພັກຮັບຮູ້ເຂົ້າໃຈ, ກຳແໜ້ນແນວທາງນະໂຍ ບາຍຂອງພັກ, ມະຕິ, ຄຳສັ່ງຕ່າງໆຂອງພັກ-ລັດ, ຍົກສູງຄວາມຮັບຜິດຊອບ, ເຂົ້າໃຈຢ່າງເລິກເຊິ່ງ ພາລະບົດບາດ, ສິດ ແລະ ໜ້າທີ່ຂອງ ຕົນມີທັດສະນະຮັບໃຊ້ປະຊາຊົນທີ່ແທ້ຈິງ ໃນການປະຕິບັດບັນດາແຜນງານ, ໂຄງການ ທີ່ວາງໄວ້ໃຫ້ບັນລຸຜົນສຳເລັດ ຕາມຈຸດປະສົງ ແລະ ຄາດໝາຍ ແລະ ໄດ້ຮັບໃບຢັ້ງຢືນໜ່ວຍພັກ ປອດໃສ, ເຂັ້ມແຂງ, ໜັກແໜ້ນ ສະໄໝທີ I ປະຈຳປີ 2018 ນອກຈາກນັ້ນແລ້ວ ໜ່ວຍ​ພັກ ​ອົງການໄອຍະການກໍໄດ້ຮັບນາມມະຍົດເປັນໜ່ວຍພັກແຂງ ຮູ້ນຳພາ ຮອບດ້ານ XII  ສະ​ໄໝ​ຕິດຕໍ່​ກັນ.

by:ແສງພະຈັນ

01/07/2019

ປະຕິທິນ

Oct-2019
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ