ຕິດຕາມຊຸກຍູ້ວຽກງານຫ້ອງການຢູ່ອົງການໄອຍະການປະຊາຊົນທ້ອງຖິ່ນ

    ໂດຍເປັນການຜັນຂະຫຍາຍມະຕິກອງປະຊຸມໃຫຍ່ ຄັ້ງທີ່ IV ຂອງອົງຂະນະພັກອົງການໄອຍະການປະຊາຊົນສູງສຸດ, ມະຕິກອງປະຊຸມໃຫຍ່ ຄັ້ງທີ V ຂອງໜ່ວຍພັກຫ້ອງການ ມີ 05 ແຜນງານ ແລະ 21 ໂຄງການ ໃນນັ້ນການປັບປຸງລະບົບຂໍ້ມູນ ຂ່າວສານ ແມ່ນໜຶ່ງໃນ 21 ໂຄງການ ທີ່ໄດ້ຮັບການຊີ້ນໍາຢ່າງໃກ້ສິດຈາກຄະນະພັກ-ຄະນະນຳ ອົງການໄອຍະການປະຊາຊົນສູງສຸດ ໂດຍສະເພາະແມ່ນການສ້າງຖານຂໍ້ມູນ, ສ້າງລະບົບເຄືອຂ່າຍຢູ່ອົງການໄອຍະການປະຊາຊົນສູງສຸດ ແລະ ກ້າວໄປຮອດການປະຕິ ບັດ. ສະນັ້ນ, ໃນລະຫວ່າງວັນທີ 24-28 ມິຖຸນາ 2019 ຄະນະນຳຫ້ອງການ ອົງການໄອຍະການປະຊາຊົນສູງສຸດ ໄດ້ລົງເຄື່ອນໄຫວ ຕິດ ຕາມຊຸກຍູ້ວຽກງານຫ້ອງການ ຕາມຂໍ້ຕົກລົງຂອງ ທ່ານຫົວໜ້າອົງການໄອຍະການປະຊາຊົນສູງສຸດ ເປົ້າໝາຍໃນການ ເຄື່ອນໄຫວ ຢູ່ 03 ແຂວງພາກເໜືອ ຄື: ອົງການໄອຍະການປະຊາຊົນ ແຂວງອຸດົມໄຊ, ຫຼວງນໍ້າທາ ແລະ ບໍ່ແກ້ວ. ໂດຍ ທ່ານ ຈັນທະບູນ ເພັງຄໍາໃສ ຮອງຫົວໜ້າຫ້ອງການ ອົງການໄອຍະການປະຊາຊົນສູງສຸດ ພ້ອມດ້ວຍພະແນກເຕັກນິກ-ຂໍ້ມູນ ແລະ ຂ່າວສານ ຮ່ວມກັບ ຊ່ຽວຊານໄອທີ ຈາກມູນນິທິ ຄົ້ນຄວ້າແຫ່ງຊາດ ສ.ເກົາຫຼີ ທີ່ມາປະຈຳຢູ່ ອົງການໄອຍະການປະຊາຊົໍນສູງ ສຸດ ລວມ 06 ທ່ານ.

     ຈຸດປະສົງໃນການລົງເຄື່ອນໄຫວວຽກງານຄັ້ງນີ້ ແມ່ນເພື່ອເນັ້ນໃຫ້ມີການພັດທະນາປັບປຸງພື້ນຖານໂຄງລ່າງ ລະບົບໄອທີ ຢູ່ຂັ້ນທ້ອງຖິ່ນ ໃຫ້ມີຄວາມເຂັ້ມແຂງ ສາມາດເຊື່ອມໂຍງບັນດາຖານຂໍ້ມູນລະຫວ່າງສູນກາງ ແລະ ທ້ອງຖິ່ນໃຫ້ມີຄວາມສະ ດວກ, ວ່ອງໄວ ແລະ ຮັບປະກັນທາງດ້ານຄວາມປອດໄພ. ພ້ອມນັ້ນ, ຄະນະຮັບຜິດຊອບວຽກງານໄອທີຢູ່ບັນດາແຂວງ ຍັງໄດ້ ເຮັດວຽກຮວ່ມກັບຄະນະ ຮັບຜິດຊອບວຽກງານໄອທີຢູ່ອົງການໄອຍະການປະຊາຊົນສູງສຸດ ແລະ ຊ່ຽວຊານໄອຊີທີ ເກົາຫຼີ ທີ່ປະຈໍາຢູ່ອົງການໄອຍະການປະຊາຊົນ ສູງສຸດ ໂດຍໄດ້ຮຽນຮູ້ເອົາບົດຮຽນດ້ານວຽກງານໄອທີ, ການນໍາໃຊ້ໂປຼແກຼມຖານຂໍ້ມູນ ຈາກຊ່ຽວຊານເກົາຫຼີ ເພື່ອນຳໃຊ້ເຂົ້າໃນການວຽກ ງານປະຈຳວັນ ຢ່າງມີປະສິດຕິຜົນ. ນອກຈາກໄດ້ເຄື່ອນໄຫວຢູ່ 03 ແຂວງທີ່ ກ່າວມານັ້ນແລ້ວ; ຍັງໄດ້ຮັບການຊີ້ນໍາຈາກຄະນະພັກ-ຄະນະ ນໍາອົງການໄອຍະການປະຊາຊົນສູງສຸດໃຫ້ສືບຕໍ່ເຄື່ອນໄຫວຢູ່ບັນ ດາແຂວງອື່ນໃນທົ່ວປະເທດອິກດ້ວຍ.

     ນອກຈາກນັ້ນ, ອົງການໄອຍະການປະຊາຊົນ 03 ແຂວງພາກເໜືອ ຍັງຂາດເຂີນອຸປະກອນຮັບໃຊ້ ເປັນຕົ້ນ ເຄື່ອງຄອມ ພິວເຕີ, ລະບົບເຄື່ອຂ່າຍ, ອິນເຕີເນັດ ແມ່ນຍັງບໍ່ໄດ້ຕິດຕັ້ງ ແລະ ອຸປະກອນໄອທີຈໍານວນໜຶ່ງ ແລະ ເຮັດວຽກຮ່ວມມືກັບ ຊ່ຽວຊານໄອທີ ສ.ເກົາຫຼີ ສາມາດຖອດຖອນບົດຮຽນ ປະສົບການອັນ ໃໝ່ ເພື່ອໝູນໃຊ້ເຂົ້າສູ່ວຽກງານຕົວຈິງ ໂດຍສະເພາະ ແມ່ນນຳໃຊ້ເຂົ້າສູ່ໜ້າວຽກຕົວຈິງ ຂອງຫ້ອງການໄອຍະການປະຊາຊົນທ້ອງຖິ່ນ ແລະ ພັດທະນາ ປັບປຸງພື້ນຖານໂຄງລ່າງ ໃຫ້ ມີຄວາມເຂັ້ມແຂງ ແລະ ສາ ມາດເຊື່ອມໂຍງ ລະຫວ່າງ ສູນກາງຫາທ້ອງຖິ່ນໃຫ້ສະດວກ, ວ່ອງໄວ ແລະ ມີຄວາມປອດໄພ.

 

by:ຈະເລີນສິນ

08/07/2019

ປະຕິທິນ

Jul-2019
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ