ຄະນະຖ່າຍທໍາຮູບເງົາອົງການໄອຍະການປະຊາຊົນສູງສຸດ ແຫ່ງ ສສ ຫວຽດນາມ ເດີນທາງມາເຮັດວຽກ ຢູ່ ສປປ ລາວ

      ໂດຍຕອບສະໜອງຕາມການເຊື້ອເຊີນຂອງອົງການໄອຍະການປະຊາຊົນສູງສຸດ ແຫ່ງ ສປປ ລາວ ໃນລະ ຫວ່າງ ວັນທີ 8 ຫາ 12 ກໍລະກົດ 2019 ນີ້ ຄະນະຖ່າຍທໍາຮູບເງົາອົງການໄອຍະການປະຊາຊົນສູງສຸດ ແຫ່ງ ສສ ຫວຽດນາມ ຊຶ່ງນຳໂດຍ ທ່ານ ຫງວຽນຢື ຮຸ່ງ ບັນນາທິການໃຫ່ຍວາລະສານໄອຍະການ ອົງການໄອຍະການປະຊາ ຊົນສູງສຸດ ແຫ່ງ ສສ ຫວຽດນາມ ພ້ອມດ້ວຍຄະນະ 6 ທ່ານ ໄດ້ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ເພື່ອສໍາຫຼວດສະຖານທີ່ຖ່າຍທໍາຮູບເງົາ ຢູ່ ສປປ ລາວ.

     ໃນວາລະການຢ້ຽມຢາມ ຄະນະຜູ້ແທນ ໄດ້ເຂົ້່າຢ້ຽມຂໍ່ານັບ ທ່ານ ໄຊຊະນະ ໂຄດພູທອນ ຮອງຫົວໜ້າອົງການໄອຍະການປະຊາຊົນສູງສຸດ,  ຮ່ວມເຮັດວຽກກັບກົມທີ່ກ່ຽວຂ້ອງອົງການໄອຍະການປະຊາຊົນສູງສຸດ ແຫ່ງ ສປປ ລາວ, ກະຊວງປ້ອງກັນຄວາມສະຫງົບ,​ ໂທລະພາບແຫ່ງຊາດ ລາວ, ໂທລະພາບແຫ່ງຊາດຫວຽດນາມ ປະຈໍາ ສປປ ລາວ, ກອງຄຸ້ມຄອງສະໜາມບິນສາກົນວັດໄຕ, ໂຮງແຮມລ້ານຊ້າງ, ສວນພຶກສາ, ເຈົ້າໜ້າທີ່ດ່ານຊາຍແດນ ລາວ - ໄທ ຂົວມິດຕະພາບ ແຫ່ງທີ່ 1, ເຈົ້າໜ້າທີ່ດ່ານຊາຍແດນ ລາວ - ຫວຽດນາມ ນໍ້າພ້າວ - ເກົາແຈວ ພ້ອມທັງລົງສໍາຫຼວດຕົວຈິງ ສະຖານທີ່ຖ່າຍທໍາຕ່າງໆຈໍານວນໜຶ່ງ ຢູ່ ນະຄອນຫຼວງວຽງຈັນ ແລະ ແຂວງບໍລິຄໍາໄຊ.

       ການຢ້ຽມຢາມ ສປປ ລາວ ຂອງຄະນະຜູ້ແທນຖ່າຍທໍາຮູບເງົາໃນຄັ້ງນີ້ ເປັນພື້ນຖານສໍາຄັນໃຫ້ແກ່ການສ້າງຮູບເງົາ ກ່ຽວກັບການຮ່ວມມືທາງດ້ານຍຸຕິທໍາໃນບັນຫາອາຍາ ໂດຍມີການປະສານສົມທົບກັບອົງການໄອຍະການປະຊາຊົນສູງສຸດ ແລະ ອົງການປກປ້ອງກົດໝາຍທີ່ກ່ຽວຂ້ອງຂອງ ສປປ ລາວ ໃນການຈັບຕົວນັກໂທດທີ່ເອົາຕົວຫຼົບໜີ; ເປັນການເພີ່ມທະວີການໂຄສະນາເຜີຍແຜ່ແນວທາງ,​ ແຜນນະໂຍບາຍຂອງພັກ, ນະໂຍບາຍຂອງລັດ ຂອງ ສສ ຫວຽດນາມ ໃນການຕ້ານ  ແລະ ສະກັດກັ້ນການສໍ້ລາດບັງຫຼວງ, ຍົກສູງບົດບາດຂອງອົງການໄອຍະການປະຊາ ຊົນໃນການປະຕິບັດກົດໝາຍ ຊຶ່ງທັງໝົດນັ້ນ ໄດ້ປະກອບສ່ວນສໍາຄັນເຂົ້າໃນການເສີມຂະຫຍາຍ​ສາຍພົວພັນມິດ ຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ  ໃຫ້ນັບມື້ນັບເລິກເຊິ່ງຂຶ້ນ ຢ່າງບໍ່ຢຸດຢັ້ງ.

by:SACK

09/07/2019

ປະຕິທິນ

Sep-2019
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ