ຜົນສຳເລັດຝຶກອົບຮົມທິດສະດີການເມືອງ-ການປົກຄອງໄລຍະສັ້ນ 45 ວັນ

    ວັນທີ 25 ກໍລະກົດ 2019 ເວລາ 1: 30  ທີ່ ອົງການໄອຍະການປະຊາຊົນສູງສຸດ ໄດ້ປິດຊຸດຝຶກອົບຮົມທິດສະດີການເມືອງ-ການປົກຄອງ 45ວັນ (ຊຸດທີ X)  ຢ່າງເປັນທາງການ ໂດຍ ໃຫ້ກຽດເປັນປະທານ ທ່ານ ໄຊຊະນະ ໂຄດພູທອນ ຮອງຫົວໜ້າອົງການໄອຍະການປະຊາຊົນສູງສຸດ, ມີອາຈານຮັບເຊີນຕາງໜ້າສະຖາບັນການເມືອງ ແລະ ການປົກຄອງແຫ່ງຊາດ ມີ ນັກສໍາມະນາກອນອົງການໄອຍະການປະຊາຊົນ ແລະ ອົງການໄອຍະການທະຫານ ລວມທັງສູນກາງ ແລະ ທ້ອງຖີ່ນ ທັງໜົດ 100 ສະຫາຍ, ຍິງ 30 ສະຫາຍ.

    ໃນພິທີດັ່ງກ່າວໄດ້ຮັບຟັງການຜ່ານບົດສະຫຼຸບການຕີລາຄາ ດ້ານດີ, ຜົນສຳເລັດ ແລະ ບົດຮຽນທີ່ຖອດຖອນໄດ້, ການຝຶກອົບຮົມທິດສະດີການເມືອງ ແລະ ການປົກຄອງ 45 ວັນ ຊຸດທີ X ປີ 2019  ກໍເພື່ອເປັນການຢັ້ງຢືນເຖິງຜົນສໍາເລັດໃນການຝຶກອົບຮົມຄັ້ງນີ້ ທ່ານ  ໄຊຊະນະ ໂຄດພູທອນ ຮອງຫົວໜ້າອົງການໄອຍະການປະຊາຊົນສູງສຸດ ໄດ້ມອບໃບຢັ້ງຢືນ ໃຫ້ແກ່ນັກສຳມະນາກອນ ຈຳນວນ 100 ສະຫາຍ.

ແລະ ໄດ້ໃຫ້ທິດຊີ້ນຳໃນການໂອ້ລົມ  ແລະ  ທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜົນສຳເລັດໃນການຝືກອົບຮົມຄັ້ງນີ້ ພ້ອມທັງເນັ້ນໜັກໃຫ້ນັກສຳມະນາກອນຈົ່ງນຳເອົາບົດຮຽນ ແລະ ຄວາມຮູ້ທີ່ໄດ້ຮັບຜົນສຳເລັດໄປໝູນໃຊ້ເຂົ້າໃນຂົງເຂດວຽກງານຂອງຕົນຄຽງຄູ່ກັບການຈັດຕັ້ງປະຕິບັດກົດໜາຍໃຫ້ຖືກກັບຄວາມເປັນຈິງມີຈັນຍາບັນ-ຈັນຍາທຳ, ຮູ້ເສີມຂະຫຍາຍສິດເປັນເຈົ້າຂອງປະຊາຊົນໃນການແກ້ໄຂບັນຫາ ແລະ ເປັນພະນັກງານຄຸ້ມຄອງນໍາພາທີ່ມີຄວາມໜັກແໜ້ນແລະ ເປັນແບບຢ່າງໃນການເຄື່ອນໄຫວປະຕິບັດໜ້າທີ່ວຽກງານແຕ່ສູນກາງລົງຮອດທ້ອງຖີ່ນເຮັດໃຫ້ລະບົບອົງການໄອຍະການມີຄວາມເຕີບໃຫ່ຍເຂັ້ມແຂງຢ່າງຮອບດ້ານ.

by:SACK

25/07/2019

ປະຕິທິນ

Aug-2019
S M T W T F S
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ