ເຊື່ອມຊຶມມະຕິ 8 ສະໄຫມທີ X ຂອງຄະນະບໍລິຫານງານສູນກາງພັກ ແລະ ສະຫຼຸບຜົນສຳເລັດບັ້ນດຳເນີນຊີວິດການເມືອງພາຍໃນບັນດາໜ່ວຍພັກທີ່ຂື້ນກັບອົງຄະນະພັກ ປີ 2019

       ໃນຕອນເຊົ້າຂອງວັນທີ 2 ສິງຫາ 2019 ທີ່ ອົງການໄອຍະການປະຊາຊົນສູງສຸດ  ໄດ້ເປີດກອງປະຊຸມຮັບຟັງ ເຊື່ອມຊຶມມະຕິ 8 ສະໄຫມ ທີ X  ຂອງຄະນະບໍລິຫານງານສູນກາງພັກ ແລະ ສະຫຼຸບຜົນສໍາເລັດບັ້ນດໍາເນີນຊີວິດການເມືອງພາຍໃນບັນດາໜ່ວຍພັກ ທີ່ ຂື້ນກັບ ອົງຄະນະພັກ, ອົງການໄອຍະການປະຊາຊົນສູງສຸດ ໂດຍການໃຫ້ກຽດເປັນປະທານ ຂອງ ສະຫາຍ  ຄໍາສານ ສຸວົງ  ກຳມະການສູນກາງພັກ, ເລຂາຄະນະບໍລິຫານງານພັກ , ຫົວໜ້າອົງການໄອຍະການປະຊາຊົນສູງສຸດ ມີ ຄະນະພັກ, ຄະນະໜ່ວຍພັກ, ສະມາຊິກພັກ ແລະ ພະນັກງານ-ລັດຖະກອນ ເຂົ້າຮ່ວມທັງໜົດ 200 ກວ່າສະຫາຍ.   

       

 

ກອງປະຊຸມໄດ້ຮັບການເຜີຍແຜ່ເຊື່ອມຊຶມມະຕິ 8 ສະໄຫມ ທີ X  ຂອງ ຄະນະບໍລິຫານງານສູນກາງພັກ ວ່າດ້ວຍການເພີ້ມທະວີການນໍາພາແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງີນ ແລະ ສ້າງຄວາມເຂັ້ມແຂງຂອງການຄຸ້ມຄອງມະຫາພາກ, ການພັດທະນາຊົນນະບົດ ແລະ ການແກ້ໄຂຄວາມທຸກຍາກຂອງປະຊາຊົນ; ການແບ່ງຂັ້ນຄຸ້ມຄອງໃນລະບົບອົງການບໍລິຫານລັດ ແລະ ການດໍາເນີນຄະດີຕາມຂະບວນການຍຸຕິທຳ ເຊິ່ງໄດ້ສາ້ງຄວາມຮັບຮູ້ທີ່ຖືກຕ້ອງ ແລະ ຄວາມເຂົ້າໃຈເປັນເອກະພາບ ໃຫ້ແກ່ຫັນແຖວສະມາຊິກພັກ- ພະນັກງານ ໃນ ອົງການໄອຍະການປະຊາຊົນສູງສຸດ.

        ກອງປະຊຸມຍັງໄດ້ສະຫຼຸບຕີລາຄາຜົນສຳເລັດ,ດ້ານດີ, ດ້ານອ່ອນ, ຂໍ້ຄົງຄ້າງ, ບົດຮຽນທີ່ຖອດຖອນໄດ້ ແລະ ວິທີການແກ້ໄຂໃນຕໍ່ໜ້າ. ບັ້ນດຳເນີນຊີວິດການເມືອງບັນດາໜ່ວຍພັກ ທີ່ຂື້ນກັບ ອົງຄະນະພັກອົງການໄອຍະການປະຊາຊົນສູງສຸດ ການດຳເນີນຊີວິດການເມືອງພາຍໃນບັນດາໜ່ວຍພັກ ແມ່ນ ໄດ້ຈັດຕັ້ງປະຕິບັດມາແຕ່ວັນທີ 24 ເມສາ 2019 – 5 ມິຖຸນາ 2019. ຈື່ງສຳເລັດ ໂດຍຜ່ານການສຳຫຼວດກວດກາຕີລາຄາຈັດແບ່ງປະເພດ ສະມາຊິກພັກ, ໜ່ວຍພັກ ສະຫຼຸບໄດ້ດັ່ງນີ້:  ໜ່ວຍພັກທົ່ວອົງຄະນະພັກ ອົງການໄອຍະການປະຊາຊົນສູງສຸດ ປະກອບດ້ວຍ 10 ໜ່ວຍພັກຂື້ນກັບ; ມີສະມາຊິກພັກທັງໜົດ 154 ສະຫາຍ, ເປັນຍິງ 56 ສະຫາຍ, ສະມາຊິກສຳຮອງ 16 ສະຫາຍ, ເປັນຍິງ 08 ສະຫາຍ.   ຜ່ານການກວດກາຕີລາຄາປະເພດບຸກຄົນສະມາຊີກພັກ: ປະເພດແຂງ ມີ 72 ສະຫາຍ, ຍິງ 23 ສະຫາຍ, ປະເພດກາງ 60 ສະຫາຍ, ຍິງ 25 ສະຫາຍ; ບໍ່ໄດ້ຈັດປະເພດ 22 ສະຫາຍ, ເປັນຍິງ 08 ສະຫາຍ; ປະເພດໜ່ວຍພັກແຂງ ມີ 4 ໜ່ວຍພັກ, ປະເພດກາງ ມີ 6 ໜ່ວຍພັກ.

      ໃນຕອນທ້າຍຂອງພິທີ  ສະຫາຍ ຄໍາສານ  ສຸວົງ  ກຳມະການສູນກາງພັກ, ເລຂາຄະນະບໍລິຫານງານພັກ, ຫົວໜ້າ ອົງການໄອຍະການປະຊາຊົນສູງສຸດ ໄດ້ເນັ້ນໜັກໃຫ້ສະມາຊິກພັກ  ແລະ ພະນັກງານລັດຖະກອນ ໃຫ້ເພີ້ມທະວີການສືກສາອົບຮົມການເມືອງ-ນໍາພາແນວຄິດ, ປັບປຸງທັດສະນະໜັກໜັ້ນຊົນຊັ້ນ, ຄຸນທາດການເມືອງ, ຄຸນສົມບັດສີນທໍາປະຕິວັດ, ຍົກສູງຄວາມເຊື່ອໜັ້ນຕໍ່ພັກ, ມີສະຕິຄວາມຮັບຜິດຊອບຕໍ່ໜ້າທີ່ການເມືອງ, ເພີ້ມທະວີວຽກງານກວດກາ, ວຽກງານປ້ອງກັນພັກ, ປະຕິບັດກົດໜາຍຕາມພາລະບົດບາດ, ສິດ ແລະ ໜ້າທີ່ຂອງອົງການປະຊາຊົນທຸກຂັ້ນໃຫ້ມີຄວາມຮັບຜິດຊອບສູງ ແລະ ປະຕິບັດໜ້າທີ່ດ້ວຍຄວາມຖືກຕ້ອງໂປ່ງໃສ ຄວາມຍຸຕິທໍາ ແລະ ຮັບໃຊ້ໃຫ້ແກ່ປະຊາຊົນ.

by:SACK

02/08/2019

ປະຕິທິນ

Aug-2019
S M T W T F S
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ