ພິທີມອບໃບຍ້ອງຍໍ ໃຫ້ຊ່ຽວຊານ ໄອທີ ສ.ເກົາຫຼີ ທີ່ປະຈຳຢູ່ ອົງການໄອຍະການປະຊາຊົນສູງສຸດ

    ຕອນເຊົ້າຂອງວັນທີ 16 ສິງຫາ 2019 ເວລາ 9:30 ນາທີ ທີ່ ຫ້ອງປະຊຸມຊັ້ນ 3 ອົງການໄອຍະການປະຊາຊົນສູງສຸດ ໂດຍໃຫ້ ກຽດເປັນປະທານຂອງ ທ່ານ ບຸນຍັງ ຈັນດາລະສານ ຮອງຫົວໜ້າອົງການໄອຍະການປະຊາຊົນປະຊາຊົນສູງສຸດ, ຫົວໜ້າຫ້ອງການ, ຕາງໜ້າ ກົມ ແລະ ພະນັກງານຫຼັກແຫຼ່ງເຂົ້າຮ່ວມທັງໜົດ 18 ທ່ານ.

    ໄດ້ຈັດພິທີການມອບໃບຍ້ອງຍໍຜົນສຳເລັດໄລຍະການປະຕິບັດໜ້າທີ່ວຽກງານ 2 ປີ ໃຫ້ຊ່ຽວຊານໄອຊີທີ ມູນນິທິຄົ້ນຄວ້າ ແຫ່ງຊາດ ສ.ເກົາຫຼີ ທີ່ໄດ້ເຮັດວຽກຮ່ວມກັບຫ້ອງການອົງການໄອຍະການປະຊາຊົນສູງສຸດ, ພະແນກເຕັກນິກ-ຂໍ້ມູນ ແລະ ຂ່າວສານ ຊຶ່ງໃນພິທີດັ່ງ ກ່າວ ຫົວໜ້າພະແນກເຕັກນິກຂໍ້ມູນ ແລະ ຂ່າວສານ ໄດ້ສັງລວມໂດຍຫຍໍ້ກ່ຽວກັບການເຄື່ອນໄຫວ ເຮັດວຽກຮ່ວມກັບຊ່ຽວຊານໄອຊີທີ ສ.ເກົາຫຼີ ຕະຫຼອດໄລຍະຜ່ານມາ ພິເສດ: ທ່ານ ປອ ລີຢອງໂຮ ຊ່ຽວຊານໄອຊີທີ ສ.ເກົາ ຫຼີ ກໍໄດ້ປະກອບຄຳເຫັນໃນກອງປະຊຸມ ກ່ຽວກັບຜົນສຳເລັດທີ່ ໄດ້ຍາດແຍ່ງໃຫ້ການຊ່ວຍເຫຼືອໃນການພັດທະນາປັບປຸງລະບົບ ພື້ນຖານໂຄງລ່າງໄອຊີທີ ອົງການໄອຍະການປະຊາ ຊົນ ໃຫ້ມີຄວາມເຂັ້ມແຂງ ແລະ ທັນສະໄໝ.

    ໃນຕອນທ້າຍ ທ່ານ ບຸນຍັງ ຈັນດາລະສານ ກໍໄດ້ມີຄຳເຫັນ ກ່ຽວກັບການພັດທະນາປັບປຸງລະບົບພື້ນຖານໂຄງລ່າງໄອຊີທີ ທີ່ຊ່ຽວຊານ ໄອຊີທີໄດ້ປະກອບສ່ວນຢ່າງຕັ້ງໜ້າ ເວົ້າລວມ, ເວົ້າສະເພາະແມ່ນການບໍລິຫານຈັດການລະບົບໄອທີ ຢູ່ ອົງການ ໄອຍະການປະຊາຊົນສູງ ສຸດໃຫ້ມີຄວາມກ້າວໜ້າທັນສະໄໝ ແລະ ເຮັດໃຫ້ລະບົບຂໍ້ມູນຂ່າວສານມີຄວາມວ່ອງໄວ, ປອດໄພ ລວມທັງການຍາດແຍ່ງທຶນຊ່ວຍເຫຼືອ ໃນການຈັດຊື້ວັດຖຸອຸປະກອນ ໄອທີ ຕ່າງໆ ໃຫ້ແກ່ອົງການໄອຍະການປະຊາຊົນ ເພື່ອ ນໍາໃຊ້ເຂົ້າໃນການພັດທະນາວຽກງານ ໄອທີ ພ້ອມ ກັນນັ້ນ ກໍຍັງໄດ້ຈັດຝຶກອົບຮົມ, ການຖ່າຍຖອດບົດຮຽນ ແລະ ປະສົບ ການທາງເຕັກນິກໄອທີໃຫ້ແກ່ພະນັກງານເຂົ້າໃຈຢ່າງເລິກເຊິ່ງ ແລະ ສາມາດນຳໄປຈັດຕັ້ງປະຕິບັດນໍາໃຊ້ເຂົ້າສູ່ວຽກງານຕົວ ຈິງໃນປະຈຸບັນ ແລະ ອະນາຄົດ.

by:ແສງພະຈັນ

16/08/2019

ປະຕິທິນ

Sep-2019
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ