ການເຂົ້າຢ້ຽມຂ່ຳນັບ ທ່ານ ຮອງຫົວໜ້າອົງການໄອຍະການປະຊາຊົນສູງສຸດ

    ໃນຕອນເຊົ້າຂອງ ວັນທີ 4 ກັນຍາ 2019, ເວລາ 10:30 ໂມງ, ທີ່ ຫ້ອງຮັບແຂກ ຊັ້ນ 2 ອົງການໄອຍະການປະຊາຊົນສູງສຸດ ໄດ້ຈັດພິທີຕ້ອນຮັບການຢ້ຽມຂ່ຳນັບຂອງ  ທ່ານ ຊີຄຽງອີ ແລະ ນັກກວດສອບຂອງ ບໍລິສັດ ແມ່ເຄບີແຄັບປີຕອນ ພ້ອມດ້ວຍຄະນະ. ໃຫ້ກຽດໂດຍ ທ່ານ ບຸນຍັງ ຈັນດາລະສານ ຮອງຫົວໜ້າອົງການໄອຍະການປະຊາຊົນສູງສຸດ, ມີຮອງຫົວໜ້າຫ້ອງການ, ພະນັກງານພະແນກເຕັກນິກ-ຂໍ້ມູນ ແລະ ຂ່າວສານ ແລະ ກົມແຜນການ ແລະ ຮ່ວມ ມືກັບຕ່າງປະເທດເຂົ້້າຮ່ວມ.

 

    ການເຂົ້າຢ້ຽມຂ່ຳນັບໃນຄັ້ງນີ້, ທັງສອງຝ່າຍໄດ້ລາຍງານກ່ຽວກັບລະບົບການຈັດຕັ້ງປະຕິບັດວຽກງານໄອຊີທີ, ທັງໄດ້ປຶກສາຫາລືກັນກ່ຽວກັບການສືບຕໍ່ໃຫ້ການຊ່ວຍເຫຼືອທາງດ້ານລະບົບໄອຊີທີຢູ່ໃນລະບົບອົງການໄອຍະການປະຊາຊົນຂັ້ນສູນກາງ ແລະ ທ້ອງຖິ່ນ ໃຫ້ມີຄວາມເຂັ້ມແຂງສາມາດເຊື່ອມໂຍງກັນໄດ້, ພື້ນຖານໂຄງລ່າງລະບົບໄອຊີທີໃຫ້ມີຄວາມທັນສະໄໝ; ໃນນັ້ນ ສະເໜີໃຫ້ມີການຍົກລະດັບຄວາມຮູ້, ຄວາມສາມາດ ແລະ ປະສົບການຂອງພະນັກງານກ່ຽວ ກັບລະບົບເຕັກນິກ-ຂໍ້ມູນ ແລະ ຂ່າວສານ ໂດຍສະເພາະແມ່ນການຝຶກອົບຮົມກັບທີ່ ຫຼື ການເຂົ້າຮ່ວມຝຶກອົບຮົມວຽກງານໄອທີ ຢູ່ ສ.ເກົາຫຼີ ໃນໄລຍະສັ້ນ 1-2 ອາທິດ.

    ໃນຕອນທ້າຍ ທ່ານ ບຸນຍັງ ຈັນດາລະສານ ຮອງຫົວໜ້າອົງການໄອຍະການປະຊາຊົນສູງສຸດ ຕາງໜ້າໃຫ້ຄະນະນຳ ອົງການໄອຍະການປະຊາຊົນສູງສຸດ ໄດ້ສະເໜີມາຍັງ ບໍລິສັດ ເຄບີໂຄລາວ ເຊົ່າສິນເຊື່ອ ຈຳກັດ ສຶບຕໍ່ເສີມຂະຫຍາຍການພົວພັນຮ່ວມມືສະໜັບສະໜູນ, ຊ່ວຍເຫຼືອໃນຕໍ່ໜ້າ, ໂດຍສະເພາະ ແມ່ນການພັດທະນາປັບປຸງພື້ນຖານໂຄງລ່າງລະບົບໄອຊີທີ ໃຫ້ມີຄວາມທັນສະໄໝເທື່ອລະກ້າວ.

by:ແສງພະຈັນ

05/09/2019

ປະຕິທິນ

Dec-2019
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ