ຫົວໜ້າອົງການໄອຍະການປະຊາຊົນສູງສຸດ ຕ້ອນຮັບການມາເຮັດວຽກຂອງຮອງປະທານສູນກາງ ສະຫະພັນກຳມະບານລາວ

      ໃນຕອນບ່າຍຂອງວັນທີ 5 ກັນຍາ 2019 ຢູ່ທີ່ ອົງການໄອຍະການປະຊາຊົນສູງສຸດ ທ່ານ ຄຳສານ ສຸວົງ ກຳມະການສູນກາງພັກ, ເລຂາຄະນະບໍລິຫານງານພັກ, ຫົວໜ້າອົງການໄອຍະການປະຊາຊົນສູງສຸດ ໄດ້ຕ້ອນຮັບ ທ່ານ ສີມູນ ອຸ່ນລາສີ ຮອງປະທານ ສູນກາງສະຫະພັນກຳມະບານລາວ ພ້ອມດ້ວຍຄະນະທີ່ໄດ້ເຄື່ອນໄຫວເຮັດວຽກຢູ່ ອົງການໄອຍະການປະຊາຊົນສູງສຸດ. ໃນໂອກາດດັ່ງກ່າວ ທ່ານ ຮອງປະທານສູນກາງສະຫະພັນກຳມະບານລາວ ໄດ້ສະເໜີຈຸດປະສົງ ໃນການມາເຮັດວຽກໃນຄັ້ງນີ້ ເພື່ອຕິດຕາມກວດກາ ແລະ ຊຸກຍູ້ການເຄື່ອນໄຫວວຽກງານຮອບດ້ານຂອງ ະຫະພັນກຳມະບານ ອົງການໄອຍະການປະຊາຊົນສູງສຸດ ເປັນຕົ້ນ ແມ່ນການຈັດຕັ້ງປະຕິບັດມະຕິກອງປະຊຸມໃຫ່ຍຜູ້ແທນສະຫະພັນກຳມະບານທົ່ວປະເທດຄັ້ງທີ Vll  ແລະ ການຈັດຕັ້ງປະຕິບັດມະຕິກອງປະຊຸມໃຫ່ຍຄັ້ງທີ VI ຂອງສະຫະພັນກຳມະບານ ອົງການໄອຍະການປະຊາຊົນສູງສຸດ, ການຈັດຕັ້ງປະຕິບັດຂະບວນການແຂ່ງຂັນ 5 ເປັນເຈົ້າຂອງກຳມະບານ, ການກະກຽມກອງປະຊຸມໃຫ່ຍ 3 ຂັ້ນ ຂອງສະຫະພັນກຳມະບານ ອົງການໄອຍະການປະຊາຊົນສູງສຸດ.

     ຫລັງຈາກນັ້ນ ທ່ານ ຄຳສານ ສຸວົງ ຫົວໜ້າ ອົງການໄອຍະການປະຊາຊົນສູງສຸດ ກໍໄດ້ກ່າວສະແດງຄວາມຕ້ອນຮັບຢ່າງອົບອຸ່ນ ແລະ ຂອບໃຈນຳ ທ່ານ ຮອງປະທານສູນກາງສະຫະພັນກຳມະບານລາວ ພ້ອມດ້ວຄະນະທີ່ໄດ້ມາເຄື່ອນໄຫວວຽກງານໃນຄັ້ງນີ້ພ້ອມໄດ້ມີຄຳເຫັນວ່າ : ຄະນະບໍລິຫານງານພັກ ອົງການໄອຍະການປະຊາຊົນສູງສຸດ  ໄດ້ຖືເປັນສຳຄັນວຽກງານກຳມະບານເຊີ່ງຕັ້ງແຕ່ໃດມາສະຫະພັນກຳມະບານລາວເປັນກຳລັງຫຼັກແຫຼ່ງທີ່ສໍາຄັນຂອງພັກປະກອບສ່ວນຢ່າງໃຫ່ຍຫລວງຕໍ່ພາລະກິດຕໍ່ສູ້ກູ້ຊາດ, ພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ໂດຍສະເພາະອົງການໄອຍະການປະຊາຊົນສູງສຸດ ກໍໄດ້ຖືສຳຄັນໃນວຽກດັ່ງກ່າວໂດຍມອບໜາຍໃຫ້ ສະຫາຍ ແລະ ຄະນະພັກ 1 ສະຫາຍ ເປັນຜູ້ຊີ້ນຳໂດຍກົງເຮັດໃຫ້ຂະບວນການຂອງກຳມະບານໄດ້ກາຍເປັນສີ່ງກະຕຸກຍຸກຍູ້ໃຫ້ການປະຕິບັດໜ້າທີ່ວິຊາສະເພາະມີບາດກ້າວຂະຫຍາຍຕົວຂື້ນເປັນກ້າວໆ. ສຸດທ້າຍ ທ່ານ ຫົວໜ້າ ອົງການໄອຍະການປະຊາຊົນສູງສຸດ ກໍໄດ້ສະເໜີທາງສູນກາງສະຫະພັນກຳມະບານລາວໃຫ້ສືບຕໍ່ລົງໃກ້ຊິດຕິດແທດ ແລະ ໃຫ້ຄວາມຊ່ວຍເຫຼືອໃນການພັດທະນາວຽກງານກຳມະບານກໍຄືກໍ່ສ້າງສະ ມາຊິກກຳມະບານໃນດ້ານຕ່າງໆ ໃຫ້ແກ່ສະຫະພັນກຳມະບານອົງການໄອຍະການປະຊາຊົນສູງສຸດໃນຕໍ່ໜ້າ.

     ໃນຕອນບ່າຍວັນດຽວກັນນັ້ນ ທ່ານ ສີມູນ ອຸ່ນລາສີ  ຮອງປະທານສູນກາງສະຫະພັນກໍາມະບານລາວ ກໍຍັງໄດ້ຮັບຟັງການລາຍງານວຽກງານຮອບດ້ານຂອງ ສະຫາຍ ບຸນທັນ ບຸນທະວີໄລ ຄະນະບໍລິຫານງານພັກ, ປະທານສະຫະພັນກຳມະບານ ອົງການໄອຍະການປະຊາຊົນສູງສຸດ ເປັນຕົ້ນແມ່ນການຈັດຕັ້ງປະຕິບັດ ມະຕິ ກອງປະຊຸມໃຫ່ຍຜູ້ແທນສະຫະພັນກຳມະບານ ທົ່ວປະເທດ ຄັ້ງທີ Vll ມະຕິກອງປະຊຸມໃຫ່ຍ ຄັ້ງທີ Vl  ຂອງສະຫະພັນກຳມະບານ ອົງການໄອຍະການປະຊາຊົນສູງສຸດ ການຈັດຕັ້ງປະຕິບັດຂະບວນການແຂ່ງຂັນ 5 ເປັນເຈົ້າ, ການກະກຽມກອງປະຊຸມໃຫ່ຍ ຄັ້ງທີ Vll  ຂອງສະຫະພັນກໍາມະບານ ອົງການໄອຍະການປະຊາຊົນສູງສຸດ ແລະ ວຽກງານອື່ນໆ ຈໍານວນໜື່ງ.

    ໃນໂອກາດສໍາຄັນນີ້ ທ່ານ ສີມູນ ອຸ່ນລາສີ ຮອງປະທານ ສູນກາງສະຫະພັນກໍາມະບານລາວ ໄດ້ເນັ້ນໜັກໃຫ້ຄະນະບໍລິຫານງານສະຫະພັນກຳມະບານ ອົງການໄອຍະການປະຊາຊົນສູງສຸດ ຈົ່ງສືກສາອົບຮົມການເມືອງແນວຄິດໃຫ້ສະມາຊິກກຳມະບານ ແລະ ສືບຕໍ່ຊີ້ນຳ-ນຳພາສະມາຊິກກຳມະບານ.

     ເພື່ອຈັດຕັ້ງປະຕິບັດພາລະບົດບາດຂອງຕົນໃຫ້ຖືກຕ້ອງຕາມກົດເກນວ່າດ້ວຍກຳມະບານລາວ, ຈັດຕັ້ງປະຕິບັດມະຕິກອງປະຊຸມໃຫ່ຍຜູ້ແທນສະຫະພັນກຳມະບານ ທົ່ວປະເທດ ຄັ້ງທີ Vll ມະຕິກອງປະຊຸມໃຫ່ຍ ຄັ້ງທີ Vl  ຂອງສະຫະພັນກຳມະບານ ອົງການໄອຍະການປະຊາຊົນສູງສຸດໃຫ້ສຳເລັດຕາມລະດັບຄາດໜາຍ ພ້ອມກັນນັ້ນກໍສືບຕໍ່ປະເມີນຂໍ້ແຂ່ງຂັນ 5 ເປັນເຈົ້າຕາມກຳນົດເວລາ ແລະ ກະກຽມດ້ານອື່ນໆ ເພື່ອເປີດກອງປະຊຸມໃຫ່ຍສະຫະພັນກຳມະບານ ອົງການໄອຍະການປະຊາຊົນສູງສຸດໃຫ້ສໍາເລັດຕາມຄໍາສັ່ງຂອງສູນກາງສະຫະພັນກຳມະບານລາວສະບັບເລກທີ່ 517/ສກລ, ລົງວົນທີ 21 ກໍລະກົດ 2018.

by:SACK

06/09/2019

ປະຕິທິນ

Dec-2019
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ