ພິທີເປີດຊຸດຝຶກອົບຮົມວຽກງານໄອທີ

      ວັນທີ 16 ກັນຍາ 2019 ທີ່ ຫ້ອງປະຊຸມຊັ້ນ 3 ອົງການໄອຍະການປະຊາຊົນສູງສຸດ ໄດ້ຈັດພິທີເປີດຊຸດຝຶກອົບຮົມວຽກງານໄອທີ ຊຸດທີ 4 ຂຶ້ນຢາງເປັນທາງການ ໂດຍການເຂົ້າຮ່ວມໃຫ້ກຽດເປັນປະທານຂອງ ທ່ານ ສີສູນທອນ ສໍຜາບມີໄຊ  ຫົວໜ້າຫ້ອງການອົງການໄອຍະການປະຊາຊົນສູງສຸດ, ມີຄະນະນຳຫ້ອງການ, ຄະນະປະສານງານ ແລະ ຕິດຕາມ, ຄູຝຶກ, ນັກສຳມະນາກອນ ທີ່ມາຈາກຫລາຍພາກສ່ວນ ເປັນຕົ້ນ ກົມກວດກາ, ກົມຕິດຕາມກວດກາທົ່ວໄປ, ກົມຈັດຕັ້ງ-ພະນັກງານ, ກົມຕິດຕາມກວດກາການດຳເນີນຄະດີແພ່ງ, ອົງການໄອຍະການປະຊາຊົນພາກກາງ, ອົງການໄອຍະການປະຊາຊົນນະຄອນຫລວງວຽງຈັນ ແລະ ອົງການໄອຍະການປະຊາຊົນເຂດ 1, 2 ແລະ 3 ນະຄອນຫລວຽງຈັນ ທັງໝົດຈຳນວນ 22 ທ່ານ.

   ເພື່ອເປັນການຈັດຕັ້ງປະຕິບັດແຜນການເຄື່ອນໄຫວວຽກງານຂອງຫ້ອງການ ແລະ ຂໍ້ຕົກລົງວ່າດ້ວຍການອະນຸມັດໄຂຊຸດຝຶກອົບຮົມວຽກ ງານໄອທີ ສະບັບເລກທີ 377/ອອປສ, ລົງວັນທີ 09 ກໍລະກົດ 2019 ໃນນັ້ນ ທ່ານ ສີສູນທອນ ສໍຜາບມີໄຊ ຫົວໜ້າຫ້ອງການອົງການໄອຍະການປະຊາຊົນສູງສຸດ ກໍ່ໄດ້ເນັ້ນໃຫ້ຄວາມໝາຍຄວາມສຳຄັນຂອງການຝຶກອົບຮົມວຽກງານໄອທີໃນຄັ້ງນີ້. ການພັດທະນາວຽກງານໄອທີໃນອົງ ການໄອຍະການປະຊາຊົນແມ່ນວຽກງານໜຶ່ງທີ່ນອນຢູ່ໃນ 05 ແຜນງານ ແລະ 21 ໂຄງການ ຂອງແຜນພັດທະນາວຽກງານໄອຍະການປະຊາ ຊົນ 05 ປີ ແລະ ໜຶ່ງໃນນັ້ນໄດ້ມີວຽກງານເຕັກນິກຂໍ້ມູນຂ່າວສານໃຫ້ມີການພັດທະນາຫັນໄປສູ່ທັນສະໄໜເທື່ອລະກ້າວ ເວົ້າລວມ, ເວົ້າສະ ເພາະແມ່ນຍົກສູງທາງດ້ານຄຸນພາບໃນການຝຶກອົບຮົມວຽກງານໄອທີ ແລະ ການກໍ່ສ້າງພະນັກງານໃຫ້ຮັບຮູ້ເຂົ້າໃຈຢ່າງເລີກເຊິ່ງຕໍ່ກັບການນຳໃຊ້ເຕັກໂນໂລຊີທີ່ທັນສະໄໜ ຫລື ເອີ່ນວ່າ ເຕັກໂນໂລຊີຍຸກອຸດສາຫະກຳ 4.0 ເຂົ້າສູ່ວຽກງານຕົວຈິງໃຫ້ໄດ້ຮັບໝາກຜົນສຳເລັດ. ການຝຶກອົບ ຮົມຈະດຳເນີນເປັນເວລາ 10 ວັນ ນັບແຕ່ວັນທີ 16 ກັນຍາ 2019 ຫາ ວັນທີ 27 ກັນຍາ 2019.

by:ແສງພະຈັນ

19/09/2019

ປະຕິທິນ

Dec-2019
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ