ອົງການໄອຍະການປະຊາຊົນສູງສຸດ ຈັດກອງປະຊຸມຄົ້ນຄ້ວາຮ່າງສົນທິສັນຍາວ່າດ້ວຍການສົ່ງຜູ້ຮ້າຍຂ້າມແດນ ລາວ-ຫວຽດ

      ກອງປະຊຸມຄົ້ນຄ້ວາຮ່າງສົນທິສັນຍາວ່າດ້ວຍການສົ່ງຜູ້ຮ້າຍຂ້າມແດນ ລາວ-ຫວຽດ ໄດ້ໄຂຂື້ນ ໃນຕອນເຊົ້າ ຂອງວັນທີ 16-17 ກັນຍາ 2019 ທີ່ ໂຮງແຮມໂຊກບຸນມາ ແຂວງ ບໍລິຄຳໄຊ ໂດຍພາຍໃຕ້ການເຂົ້າຮ່ວມເປັນປະທານ ຂອງ  ທ່ານ ໄຊຊະນະ ໂຄດພູທອນ ຮອງຫົວໜ້າ ອົງການໄອຍະການປະຊາຊົນສູງສຸດ, ມີບັນດາທ່ານ ທີ່ມາຈາກ ກົມ ແຜນການ ແລະ ຮ່ວມມືກັບຕ່າງປະເທດ ອົງການໄອຍະການປະຊາຊົນສູງສຸດ, ກົມຕຳຫລວດສາກົນ, ກົມໃຫ່ຍຕຳ ຫຼວດກະຊວງປ້ອງ​ກັນ​ຄວາມ​ສະ​ຫງົບ, ກົມສົນທິສັນຍາ ແລະ ກົດໜາຍ, ກະຊວງການຕ່າງປະເທດ, ກົມພົວພັນລັດຖະສະພາຫລາຍຝ່າຍ, ກໍາມາທິການຕ່າງປະເທດ, ສະພາແຫ່ງຊາດ, ກົມກົດໜາຍ, ຫ້ອງວ່າການສຳນັກງານ ປະທານປະເທດ, ກົມນິຕິກຳ, ຫ້ອງວ່າການສໍານັກງານນາຍົກລັດຖະມົນຕີເຂົ້າ​ຮ່ວມ​ຢ່າງ​ພ້ອ​ມ​ພຽງເພື່ອຄົ້ນຄ້ວາ, ປຶກ​ສາ​ຫາ​ລື ແລະ ປະ​ກອບ​ຄຳ​ເຫັນ​ໃສ່​ຮ່າງສົນທິສັນຍາວ່າດ້ວຍການສົ່ງຜູ້ຮ້າຍຂ້າມແດນລາວ-ຫວຽດ​ນາມ ໃຫ້ມີ​ເນື້ອ​ໃນ​ສົມ​ບູນ ແລະ ສອດ​ຄ່ອງ​ກັບກົດ​ໝາຍ ກໍ​ຄື ສົນທິ​ສັນ​ຍາ ທີ່ ​ສ​ປ​ປ ລາວ ເປັນ​ພາ​ຄີ​ກ່ອນ​ທີ່​ຈະ​ກ້າວ​ໄປ​ສູ່​ການ​ເຈ​ລະ​ຈາ ແລະ ລົງ​ນາມ, ໃຫ້​ສັດ​ຕະ​ຍາ​ບັນ ແລະ ຈັດ​ຕັ້ງ​ປະ​ຕິ​ບັດ​ສົນ​ທິ​ສັນ​ຍາ​ດັ່ງ​ກ່າວໃນ​ຕໍ່​ໜ້າ ຢ່າງ​ມ​ປ​ສິດ​ທິ​ຜົນ.

       ສົນ​ທິ​ສັນ​ຍາ​ດັ່ງ​ກ່າວຈະເປັນພື້ນຖານສໍາຄັນໃຫ້ແກ່ການຮ້ອງ​ຂໍ ແລະ ການພິຈາລະນາການສົ່ງຜູ້ຮ້າຍຂ້າມແດນ, ນຳ ເອົາອາຊະຍາກອນທີ່ເອົາຕົວຫຼົບໜີໄປຕ່າງປະເທດມາດຳເນີນຄະດີຕາມຂະບວນຍຸຕິທຳ, ຕ້ານອາຊະຍາກໍາຂ້າມຊາດ, ຈຳກັດ, ສະກັດກັ້ນການກະທຳຜິດ, ປົກປ້ອງຜົນປະໂຫຍດຂອງລັດ, ລວມໝູ່, ສິດ ແລະ ຜົນປະໂຫຍດອັນຊອບທຳຂອງພົນລະເມືອງ, ເຮັດໃຫ້ສັງຄົມມີຄວາມສະຫງົບ ແລະ ມີຄວາມເປັນລະບຽບຮຽບຮ້ອຍ, ສ້າງເງື່ອນໄຂໃຫ້ປະຊາຊົນລາວບັນດາເຜົ່າປະກອບສ່ວນເຂົ້າໃນການປົກປັກຮັກສາ ແລະ ພັດທະນາປະເທດຊາດກ້າວຂຶ້ນຢ່າງບໍ່ຢຸດຢັ້ງ.

                                                                                      

by:SACK

25/09/2019

ປະຕິທິນ

Oct-2019
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ