ປາຖະກະຖາເລົ່າຄືນມູນເຊື້ອວັນສໍາຄັນຂອງຊາດ ວັນທີ 2 ທັນວາ ຄົບຮອບ 44 ປີ

​​          ໂດຍອີງ​ຕາມ ຄໍາ​ແນະ​ນໍາ ຂອງ​ ຄະນະ​ປະ​ຈໍາ​ພັກ ​ແຂວງ​ບໍ່​ແກ້ວ ​ເລກທີ 883/ຄປພ.ຂ, ລົງ​ວັນ​ທີ 27 ພະຈິກ 2019 ໃນ​ຕອນ​ເຊົ້າ​ຂອງ​ວັນ​ທີ 29 ພະຈິກ 2019 ທີ່​ ອົງການ​ໄອ​ຍະ​ການ​ປະຊາຊົນ​ແຂວງ​ບໍ່​ແກ້ວ ​ໄດ້​ຈັດ​ຕັ້ງ, ​ເຜີຍ​ແຜ່​ປາຖະກະຖາ, ​ເລົ່າ​ຄື່ນ​ ວັນ​ຊາດ​ທີ 02 ທັນວາ ຄົບຮອບ 44 ປີ ​ແລະ ວັນ​ເກີດ​ທ່ານ​ປະທານ ​ໄກສອນ ພົມວິຫານ ຄົບຮອບ 99 ປີ ​ໂດ​ຍການ​ເຜີຍ​ແຜ່​ອາ​ກະສາ​ນ ຂອງ​ ທ່ານ ຄໍານວນ ກ້ອນ ​ເລຂາ​ພັກ​ແຂວງ, ຫົວໜ້າ​ອົງການ​ໄອ​ຍະ​ການ​ປະຊາຊົນ ແຂວງ ບໍ່​ແກ້ວ, ​​ມີ ສະມາຊິກ​ພັກ - ພະນັກງານລັດຖະກອນ​ພາຍ​ໃນ ​ອົງການ​ໄອ​ຍະ​ການ​​ແຂວງ ພ້ອມ​ດ້ວຍ​ນັກ​ສຶກສາ​ຝຶກ​ງານ​ເຂົ້າ​ຮ່ວມຈຳນວນທັງ​ໝົດ 29 ຄົນ, ຍິງ 10 ຄົນ.

               ທ່ານ ຄໍານວນ ກ້ອນ ​​ໄດ້​ເລົ່າຄືນ​ເຖິງ ​ວັນທີ 02 ທັນວາ ​ເປັນ​ວັນ​ທີ​ມີ​ຄວາມ​ໝາຍ​ສໍາຄັນ, ສໍາລັບ​ທົ່ວ​ ພັກ-ລັດ ​ແລະ ປວງ​ຊົນ​ລາວ​ ທັງ​ຊາດ, ​ເປັນ​ວັນ​ສະຖາປະນາ ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ, ​ໄດ້​ໃຫ້​ຮູ້​ວ່າ ຊາວ​ລາວ ​ແມ່ນ​ຊາດ​ໜຶ່ງ ​ທີ່​ມີ​ປະຫວັດ​ອັນ​ຍາວ​ນານ​ມາ​ຫຼາຍ​ພັນ​ປີ, ມີ​ມູນ​ເຊື້ອ​ທີ່​ສະຫງ່າ, ອົງອາດ​ກ້າ​ຫານ​ແຫ່ງ​ການ​ຕໍ່ສູ້​ຕ້ານ​ການ​ຮຸກ​ຮານ​ ຂອງ​ ສັດຕູ​ຈາກ​ພາຍ​ນອກ ​ແລະ ສ້າງສາ​ພັດທະນາ​ໂດຍ​ສືບ​ທອດ​ມູນ​ເຊື້ອ​ຂອງ​ບັນພະບູລຸດປະຊາຊົນ​ບັນດາ​ເຜົ່າ ພາຍ​ໃຕ້​ການ​ນໍາພາ​ຂອງ​ພັກ​ປະຊາຊົນ ປະຕິວັດ​ລາວ ​ໄດ້​ສາມັກຄີ​ກັນ​ຕໍ່ສູ້​ຢ່າງ​ພິລະ​ອາດ​ຫານ, ຕ້ານ​ການ​ຮຸກຮານ ​ແລະ ຄອບ​ຄອງ​ຂອງ​ພວກ​ຈັກກະພັດ​ລ່າ​ເມືອງ​ຂື້ນ​ແບບ​ເກົ່າ ​ແລະ ​ແບບ​ໃໝ່, ສາມາດ​ປົດ​ປ່ອຍປະ​ເທດ​ຊາດ​​ໄດ້​ຢ່າງ​ສະຫງ່າ​ຜ່າ​ເຜີຍ ​ໃນ​ວັນ​ທີ 02 ທັນວາ 1975. ​ເຮັດ​ໃຫ້​​ເກີດ​ມີ​ປະ​ເທດ ສາທາລະນະ​ລັດ ປະຊາທິປະ​ໄຕ ​ປະຊາຊົນ​ລາວ, ​ເປັນ​ລັດ​ທີ່​ເກີດ​ຈາກ​ການ​ຕໍ່ສູ້, ​ເສຍສະຫຼະ​ອັນ​ໃຫ່ຍຫຼວງ​ ຂອງ​ ປະຊາຊົນ​ບັນດາ​ເຜົ່າ, ​ແມ່ນ​ລັດ​ທີ່​ມາ​ຈາກ​ປະຊາຊົນ​ຢ່າງ​ແທ້​ຈິງ, ສາມາດ​ປົກ​ປັກ​ຮັກສາ ​ແລະ ສ້າງສາ​ພັດທະນາ​ປະ​ເທດ​ຊາດ ​ເຮັດ​ໃຫ້​ແຕ່ລະ​ຂົງ​ເຂດ​ວຽກ​ງານ​ໄດ້​ມີ​ການ​ພັດທະນາ​ເຕີບ​ໃຫ່ຍຂະຫຍາຍຕົວ​ຂື້ນ​​ເປັນ​ກ້າວໆ​ມາ.               ຈາກ​ນັ້ນ ທ່ານ ຄໍານວນ ກ້ອນ ​ໄດ້​ຜ່ານ​ເອກະສານ​ວັນ​ເກີດ​ຂອງ ທ່ານ​ປະທານ ​ໄກສອນ ພົມວິຫານ ​ເຮັດ​ໃຫ້​ສະມາຊິກ​ພັກ-ພະນັກງານຮັບ​ຮູ້​ເຖິງ​ແບບ​ແຜນການ​ດໍາລົງ​ຊີວິດ, ການ​ເຄື່ອນ​ໄຫວ​ປະຕິວັດ, ມູນ​ເຊື້ອ​ປະຕິວັດ ​ແລະ ປະຫວັດ​ຄວາມ​ເປັນ​ມາ​ ຂອງ​ ທ່ານປະ ທານ ​ໄກສອນ ພົມວິຫານ. ​ແນ​ໃສ່​ເຮັດ​ໃຫ້​ພະນັກງານ​ພາຍ​ໃນ​ອົງການ ​ໄດ້​ຮໍ່າຮຽນ​ເອົາ​ແບບຢ່າງ​ຄຸ​ນສົມບັດ, ທາດ​ແທ້​ປະຕິວັດ, ຄວາມ​ຈົງ​ຮັກ​ພັກດີ, ຄວາມ​ເດັດດ່ຽວ​ໜຽວ​ແໜ້ນ​ຂອງ​ ທ່ານປະທານ ​ໄກສອນ ພົມວິຫານ ຜູ້​ທີ່​ມີ​ຄຸນສົມບັດ​ສິນ​ທໍາ​ປະຕິວັດ​ສູງ​ສົ່ງ, ມີ​ທັດສະນະ​ມະຫາຊົນ​ກວ້າງຂວາງ, ​ເປັນ​ຜູ້​ນໍາ​ທີ່​ດຸ​ໝັ່ນ, ດໍາລົງ​ຊີວິດ​ແບບ​ງ່າຍດາຍ, ປະຢັດ ​ແລະ ບໍລິສຸດ​ປອດ​ໃສ.

by:ແສງພະຈັນ

06/12/2019

ປະຕິທິນ

Jan-2020
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ