ກະກຽມຄວາມພ້ອມການສະແດງສິນລະປະສະເຫລີມສະຫລອງວັນສ້າງຕັ້ງອົງການໄອຍະການປະຊາຊົນຄົບຮອບ 30 ປີ

           ໃນຕອນທ່ຽງຂອງວັນທີ 18 ທັນວາ 2019 ທີ່ ຫ້ອງປະຊຸມໃຫຍ່ຊັ້ນ 1 ອົງການໄອຍະການປະຊາຊົນສູງສຸດ ໄດ້ມີການກະກຽມຄວາມພ້ອມໃນການສະແດງສິນລະປະການສະແດງຂຶ້ນ ໂດຍໃຫ້ກຽດເຂົ້າຮ່ວມຂອງ ທ່ານ ຄຳສານ ສຸວົງ ຫົວໜ້າອົງການໄອຍະການປະຊາຊົນສູງສຸດ, ບັນດາທ່ານ ຮອງຫົວໜ້າອົງການໄອຍະການປະຊາຊົນສູງສຸດ, ຫົວໜ້າອົງການໄອຍະການທະຫານຂັ້ນສູງ, ຄະນະພັກ ຄະນະນຳ ອົງການໄອຍະການປະຊາຊົນສູງສຸດ, ຫ້ອງການ, ກົມ ແລະ ວິຊາການ ລວມທັງໝົດຈໍານວນ 70 ກວ່າທ່ານ.

 

           ຈຸດປະສົງ ເພື່ອເປັນການກະກຽມຄວາມພ້ອມໃນການສະແດງສິນລະປະ ບົດເພັງ ແລະ ບົດຟ້ອນ ເຂົ້າໃນງານສະເຫລີມສະຫລອງວັນສ້າງຕັ້ງອົງການໄອຍະການປະຊາຊົນ ຄົບຮອບ 30 ປີ ວັນທີ 1 ມັງກອນ 1990 ຫາ 1 ມັງກອນ 2020 ທີ່ຈະມາເຖິງນີ້, ເຊິ່ງເປັນການເຄື່ອນໄຫວວຽກສ້າງຂະບວນການ ທີ່ ມີບັນຍາກາດທີ່ຟົດຟື້ນ ແລະ ເປັນການກະກຽມເພື່ອສະແດງເຂົ້າໃນງານຕົວຈິງ ຊຶ່ງໃນນັ້ນ ບົດຟ້ອນ ແລະ  ບົດເພັງ ຈຳນວນ 15 ລາຍການ. ເນື້ອໃນບົດຟ້ອນ ແລະ ບົດເພັງ ທີ່ໄດ້ນຳການສະແດງລ້ວນແລ້ວແຕ່ແມ່ນໄດ້ສ່ອງແສງເຖິງ ວັດທະນາທຳ ແລະ ຮີດຄອງປະເພດນີ ອັນດີງາມຂອງຊາດ. ການປະຕິບັດໜ້າທີ່ ຂອງ ພະນັກງານໄອຍະການ ໃນການຕິດຕາມກວດກາການເຄົາລົບ ແລະ ປະຕິບັດກົດໝາຍ ແລະ ສັ່ງຟ້ອງຜູ້ຖືກຫາຂຶ້ນສານ ເພື່ອເປັນການແນ່ໃສ່ການຮັບປະກັນ ແລະ ຄວາມຖືກຕ້ອງ ແລະ ຄວາມຍຸຕິທຳ.

by:khampaserth

19/12/2019

ປະຕິທິນ

Jan-2020
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ