ອົງການໄອຍະການປະຊາຊົນສູງສຸດຮັບປື້ມບັນທຶກຈາກທະນາຄານການຄ້າຕ່າງປະເທດລາວມະຫາຊົນ ຈຳນວນ 1000 ຫົວ.

       ເພື່ອເປັນການກະກຽມສະເຫຼີມສະຫຼອງ ວັນສ້າງຕັ້ງອົງການໄອຍະການປະຊາຊົນ ຄົບຮອບ 30 ປີ ( 9 ມັງກອນ 1990- 9 ມັງກອນ 2020) ແລະ ເພຶ່ອສະໜັບສະໜູນການສະເຫຼີມສະຫຼອງວັນສຳຄັນດັ່ງກ່າວ. ໃນຕອນບ່າຍຂອງວັນທີ 23 ທັນວາ 2019 ເວລາ 14 ໂມງ 00 ນາທີ ຢູ່ທີ່ ຫ້ອງການອົງການ ໄອຍະການປະຊາຊົນສູງສຸດ ໄດ້ມີພິທີມອບ-ຮັບປື້ມບັນທຶກ ຈໍານວນ 1000 ຫົວ ມູນຄ່າ 20,000,000 ກີບ ຈາກທະນາຄານການຄ້າຕ່າງປະເທດລາວ ມະຫາຊົນ ກ່າວມອບ ໂດຍ ແມ່ນ ທ່ານ ສຸພັກ ຖີ່ນໄຊພອນ ຮອງອຳນວຍການໃຫ່ຍ ທະນາຄານການຄ້າຕ່າງປະເທດລາວ ມະຫາຊົນ  ໂດຍ ແມ່ນ ທ່ານ ຄຳສານ ສຸວົງ ຫົວໜ້າ ອົງການໄອຍະການປະຊາຊົນສູງສຸດ ເປັນຜູ້ກ່າວຮັບ.

    ໂອກາດນີ້ ທ່ານ ຄຳສານ ສຸວົງ ຫົວໜ້າ ອົງການໄອຍະການປະຊາຊົນສູງສຸດ ໄດ້ສະແດງຄວາມຂອບໃຈ ຕໍ່ທະນາຄານການຄ້າຕ່າງປະເທດລາວ ມະຫາຊົນທີ່ໄດ້ປະກອບສ່ວນປື້ມດັ່ງກ່າວຊຶ່ງຈະໄດ້ມອບເປັນທີ່ລະລຶກໃຫ້ແກ່ຜູ້ເຂົ້າຮ່ວມໃນພິທີສະເຫຼີມສະຫຼອງວັນສ້າງຕັ້ງອົງການໄອຍະການປະຊາຊົນຄົບຮອບ 30 ປີ ທີ່ຈະມາເຖີງນີ້ ແລະ ພ້ອມດຽວກັນ ກໍໄດ້ອວຍພອນ ໃຫ້ ທ່ານ ສຸພັກ ຖີ່ນໄຊພອນ ຮອງອຳນວຍການໃຫ່ຍ ທະນາຄານການຄ້າຕ່າງປະເທດລາວ ມະຫາຊົນ  ພ້ອມດ້ວຍຄະນະນໍາ ຕະຫຼອດຮອດພະນັກງານທັງໜົດ ຂອງ ທະນາຄານການຄ້າຕ່າງປະເທດລາວ ມະຫາຊົນ ຈົ່ງມີ ສຸຂະພາບ ເຂັ້ມແຂງ, ມີຄວາມຜາສຸກ, ໂຊກດີຕະຫຼອດປີໃໜ່ທີ່ຈະມາເຖິງນີ້ ແລະ ອວຍພອນໃຫ້ທະນາຄານານຄ້າຕ່າງປະເທດລາວ ມະຫາຊົນ ຈົ່ງມີຄວາມຈະເລີນຮຸງເຮືອງຕະຫຼອດໄປ.

by:SACK

25/12/2019

ປະຕິທິນ

Jan-2020
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ